બિહારના કટિહારમાં એક વિદ્યાર્થી ચાર વર્ષથી એક યુવાન સાથે ફોન પર વાત કરતો હતો. મિત્રના સંબંધો પ્રેમમાં બદલાઈ ગયા, અને ચાર વર્ષ પછી, જ્યારે બંને પેહલી વખત મળ્યા ત્યારે તેમના લગ્ન થયા. પરિવારને જ્યારે લગ્નની જાણ થઈ ત્યારે ત્યાં ભારે હંગામો થયો હતો. તમને તે જાણીને આશ્ચર્ય થશે કે વિદ્યાર્થીના લગ્ન કોણે કરાવ્યા હશે? જેને લઇ પૂરા વિસ્તારમાં ચર્ચાનો વિષય બન્યો છે.
મામલો કતિહારના મણિહારી પોલીસ સ્ટેશન વિસ્તારનો છે. જ્યા એક સુરેન્દ્ર નારાયણ કન્યા મધ્ય શાળા છે. મળતી માહિતી મુજબ સ્કૂલમાં દસમાં ધોરણમાં ભણતી વિદ્યાર્થિની એક યુવક સાથે ફોન પર વાત કરતી હતી. આ યુવક કતિહારના ગુજરા ગામનો રહેવાસી છે. ઘરેથી પરીક્ષા આપવા ગયેલી યુવતીને કેન્દ્રમાં એક યુવાન મળ્યો. મીટિંગ દરમિયાન ગ્રામજનોએ પ્રેમી દંપતીને પકડી પાડ્યા હતા. જ્યારે ગામ લોકો દ્વારા પૂછપરછ કરવામાં આવતા બંનેએ તેમના પ્રેમ સંબંધ વિશે જણાવ્યું હતું.
લોકડાઉનમાં લગ્ન કરનાર દંપતી અને પૂજારી સામે નોંધાઇ હતી FIR, હાઇકોર્ટે
પોલીસે લગ્ન કરાવ્યા
આ કેસ અંગે કોઈએ પોલીસને જાણ કરતાં પોલીસ ઘટના સ્થળે પહોંચી હતી. પોલીસે પ્રેમી યુગલને ગામલોકોથી બચાવ્યા હતા. પરંતુ બંને પ્રેમી પોલીસ સામે લગ્ન કરવા મક્કમ હતા. પરિવારે લગ્ન કરવાની ના પાડી ત્યારે યુવતીએ આત્મહત્યા કરવાની ધમકી આપી હતી. ત્યારબાદ હંગામો થયો હતો. બાદમાં પોલીસે બંનેના લગ્ન નજીકના મંદિરમાં કરાવી દીધા હતા. મળતી માહિતી મુજબ બંને ચાર વર્ષથી પ્રેમસંબંધમાં હતા. છોકરી-છોકરાની વાત એક ખોટા ફોન નંબરથી શરૂ થઈ હતી.
આશ્ચર્યની વાત તો એ છે કે આ પહેલા બંને ક્યારેય મળ્યા ન હતા. પોલીસ દ્વારા લગ્ન કરાવ્યા પછી પણ તેમના બંને પરિવારે તેમને સ્વીકારવાની ના પાડી દીધી છે. બંને પ્રેમીઓ તેમના લગ્નથી ખુશ છે અને તેમના પરિવારના સભ્યોને મનાવવાનો પ્રયાસ કરી રહ્યા છે.
