આ વખતે ચોમાસું તેના નિર્ધારિત સમય કરતાં ત્રણ દિવસ પહેલા કેરળમાં દસ્તક આપી ગયું છે. હવામાન વિભાગના જણાવ્યા અનુસાર, આગામી ત્રણથી ચાર દિવસમાં અરબી સમુદ્રના કેટલાક ભાગો, કેરળના બાકીના ભાગો, તમિલનાડુ, કર્ણાટકના કેટલાક ભાગોમાં દક્ષિણપશ્ચિમ ચોમાસું આગળ વધવા માટે સ્થિતિ અનુકૂળ છે. દિલ્હી-એનસીઆર અને હરિયાણાના લોકોને હજુ ગરમીથી રાહત મળી નથી. હવામાન વિભાગના જણાવ્યા અનુસાર આગામી પાંચ દિવસ સુધી અહીં વરસાદની કોઈ શક્યતા નથી.
જણાવી દઈએ કે ગઈકાલે એટલે કે 30 મેના રોજ રાષ્ટ્રીય રાજધાનીમાં વરસાદ પડ્યો હતો. આટલું જ નહીં 100 કિલોમીટર પ્રતિ કલાકની ઝડપે તોફાન આવ્યું હતું. વાવાઝોડાને કારણે તાપમાનમાં તીવ્ર ઘટાડો નોંધાયો હતો. તે જ સમયે, આગામી પાંચ દિવસ સુધી વરસાદની કોઈ આશા નથી. હવામાન કચેરીના જણાવ્યા અનુસાર, 31 મેથી 4 જૂન સુધી દિલ્હી, હરિયાણા અને NCRમાં વરસાદ નહીં પડે. એટલે કે દિલ્હીના લોકોને ગરમીથી રાહત મળવાની નથી.
ગઈકાલે દિલ્હીમાં સેંકડો વૃક્ષો ધરાશાયી
સોમવારે સાંજે રાજધાનીમાં 100 કિમી પ્રતિ કલાકની ઝડપે આવેલા વાવાઝોડા અને ભારે વરસાદને કારણે બે લોકોના મોત થયા હતા. જ્યારે અનેક લોકો ઘાયલ થયા છે. શહેરમાં અનેક વૃક્ષો ધરાશાયી થયા, માર્ગ અને હવાઈ વાહનવ્યવહાર ખોરવાઈ ગયો. ઐતિહાસિક જામા મસ્જિદ સહિત અનેક ઈમારતો અને વાહનોને પણ નુકસાન પહોંચ્યું હતું. પોલીસ અને ફાયર વિભાગને સેંકડો બચાવ કોલ મળ્યા હતા. જ્યારે લ્યુટિયન્સ દિલ્હી, આઈટીઓ, કાશ્મીરી ગેટ, એમબી રોડ અને રાજઘાટ સહિતના કેટલાક વિસ્તારોમાં પાણી ભરાઈ જવા અને વૃક્ષો ધરાશાયી થવાને કારણે લોકોને ભારે ટ્રાફિક જામનો સામનો કરવો પડ્યો હતો.
આ પણ વાંચો: કાશ્મીરમાં કુલગામમાં મહિલા શિક્ષક પર આતંકી હુમલો ,હોસ્પિટલમાં મોત
