India News: ચોમાસુ સત્ર દરમિયાન લોકસભામાં પેપર લીક વિરોધી(Lok Sabha Paper Leak Bill) સુધારા બિલ પર લાંબી અને ઉગ્ર ચર્ચા જોવા મળી હતી. શરૂઆતમાં આ બિલ પર ચર્ચા માટે છ કલાકનો સમય નક્કી કરવામાં આવ્યો હતો, પરંતુ વિપક્ષની માંગ બાદ ચર્ચાનો સમય વધારીને 10 કલાક કરવામાં આવ્યો હતો. સ્પીકર ઓમ બિરલાએ તમામ સભ્યોને પોતાના મત રજૂ કરવાની તક આપી હતી.

લોકસભામાં પેપર લીક બિલ પર ગરમાગરમ ચર્ચા

લોકસભામાં ‘પબ્લિક એક્ઝામિનેશન (અયોગ્ય સાધનોની રોકથામ) સુધારા વિધેયક-2026’ પર ચર્ચા દરમિયાન સત્તાપક્ષ અને વિપક્ષ વચ્ચે અનેક વખત તીખી બોલાચાલી જોવા મળી.ચર્ચા દરમિયાન રાજકીય આક્ષેપ-પ્રત્યારોપો અને ટિપ્પણીઓથી ગૃહમાં ગરમાવો આવ્યો.

પ્રિયંકા ગાંધીનો PM મોદી પર કટાક્ષ

કોંગ્રેસ સાંસદ પ્રિયંકા ગાંધીએ પોતાના ભાષણમાં વડાપ્રધાન નરેન્દ્ર મોદી પર નિશાન સાધ્યું.તેમણે કહ્યું કે “Gen-Z સાથે જોડાવા માટે કેમેરાનો નહીં, દિલનો એંગલ બદલવાની જરૂર છે.”સાથે જ તેમણે નવી સમિતિઓ અને સરકારની કાર્યશૈલી પર પણ સવાલો ઉઠાવ્યા.

પ્રહ્લાદ જોશી અંગે નિવેદનથી વિવાદ

પ્રિયંકા ગાંધીએ કેન્દ્રીય શિક્ષણ મંત્રી પ્રહ્લાદ જોશી અંગે બિલકિસ બાનો કેસનો ઉલ્લેખ કર્યો.આ નિવેદન બાદ કેન્દ્રીય મંત્રી કિરણ રિજિજુએ તેનો વિરોધ નોંધાવી માફીની માંગ કરી.ભાજપ સાંસદ નિશિકાંત દુબેએ પણ કોંગ્રેસ પર આકરા પ્રહારો કર્યા.

મહુઆ મોઇત્રા અને સ્પીકર વચ્ચે તકરાર

TMC સાંસદ અભિષેક બેનર્જીના ભાષણ દરમિયાન ગૃહમાં હોબાળો મચ્યો.મહુઆ મોઇત્રાએ ચર્ચા શાંતિથી ચાલે તેવી માંગ કરી, જેના પર અધ્યક્ષસ્થાને રહેલા દિલીપ સૈકિયાએ તેમને બેસી જવા અને બૂમો ન પાડવા જણાવ્યું.આ ઘટનાનો વીડિયો સોશિયલ મીડિયા પર ચર્ચાનો વિષય બન્યો.

અખિલેશ યાદવનો સરકાર પર પ્રહાર

સમાજવાદી પાર્ટીના અધ્યક્ષ અખિલેશ યાદવે કહ્યું કે સમસ્યા કાયદાની નહીં પરંતુ સરકારની નિયતની છે.તેમણે પેપર લીકના મુદ્દે સરકારની કામગીરી પર સવાલો ઉઠાવ્યા અને પારદર્શિતાની માંગ કરી.

કિરણ રિજિજુનો વિપક્ષ પર જવાબ

કેન્દ્રીય મંત્રી કિરણ રિજિજુએ કહ્યું કે સરકાર વિદ્યાર્થીઓના હિતમાં બિલ લાવી રહી છે.તેમણે વિપક્ષ પર સંસદની કાર્યવાહી અવરોધવાનો આરોપ પણ લગાવ્યો.

સંસદ બહાર પણ વિરોધ

રાજ્યસભા સાંસદ સ્વાતિ માલીવાલ સહિત ભાજપના સાંસદોએ સંસદ બહાર વિરોધ પ્રદર્શન કર્યું.પંજાબમાં કથિત પેપર લીક મુદ્દે શિક્ષણ મંત્રીના રાજીનામાની માંગ કરવામાં આવી.

બુકલેટ સાથે પહોંચ્યા અખિલેશ યાદવ

અખિલેશ યાદવ સંસદમાં ‘ભાજપ સરકારના 10 વર્ષ, 20થી વધુ પેપર લીક’ લખેલી બુકલેટ લઈને પહોંચ્યા.
તેમણે વિવિધ પરીક્ષાઓમાં થયેલા પેપર લીકના મુદ્દાઓ ગૃહમાં ઉઠાવ્યા.

Lok Sabha Paper Leak Bill: પ્રિયંકા ગાંધીનો સરકાર પર સીધો હુમલો

કોંગ્રેસ સાંસદ પ્રિયંકા ગાંધીએ (Priyanka Gandhi) સરકાર પર આરોપ લગાવ્યો કે યુવાનોના પ્રશ્નોનો ઉકેલ લાવવાને બદલે તેમના અવાજને દબાવવાનો પ્રયાસ થઈ રહ્યો છે. તેમણે વિદ્યાર્થીઓ પર થયેલી કથિત પોલીસ કાર્યવાહી, લાઠીચાર્જ અને પેલેટ ગનના ઉપયોગ અંગે સરકાર પાસેથી જવાબ માંગ્યા હતા. સાથે જ તેમણે કહ્યું કે દેશના યુવાનો દાન નહીં પરંતુ ન્યાય માંગે છે.

સ્પીકર સાથેનો હળવો સંવાદ બન્યો ચર્ચાનો વિષય

ભાષણ દરમિયાન પ્રિયંકા ગાંધીએ સ્પીકર ઓમ બિરલાને હળવી ટિપ્પણી કરતાં કહ્યું, “સ્પીકર સાહેબ, તમે મારાથી નારાજ છો, કૃપા કરીને થોડું સ્મિત કરો.” આ ટિપ્પણી બાદ ગૃહમાં થોડા સમય માટે હળવું વાતાવરણ સર્જાયું.

પ્રહલાદ જોશી અને પ્રિયંકા વચ્ચે બોલાચાલી

કેન્દ્રીય મંત્રી પ્રહલાદ જોશીએ પ્રિયંકા ગાંધી પર ચકાસેલા તથ્યો વિના આરોપ લગાવવાનો આક્ષેપ કર્યો અને નિવેદન પાછું ખેંચીને માફી માંગવાની માંગ કરી હતી. તેના જવાબમાં પ્રિયંકા ગાંધીએ જણાવ્યું કે તેમણે અખબારમાં પ્રકાશિત માહિતીના આધારે પોતાની વાત રજૂ કરી હતી.

અખિલેશ યાદવે સરકારને ઘેરી

સમાજવાદી પાર્ટીના અધ્યક્ષ અખિલેશ યાદવે (Akhilesh Yadav) પેપર લીક મુદ્દે સરકારની કામગીરી પર સવાલ ઉઠાવ્યા હતા. તેમણે કહ્યું કે જો સરકાર પેપર લીક રોકવામાં સફળ નથી તો વિદ્યાર્થીઓનો વિશ્વાસ કેવી રીતે જીતશે. સાથે જ તેમણે પ્રાથમિક શિક્ષણ અને પરીક્ષા વ્યવસ્થાને લઈને પણ સરકાર પર નિશાન સાધ્યું હતું.

અભિષેક બેનર્જીનો સરકાર પર પ્રહાર

તૃણમૂલ કોંગ્રેસના સાંસદ અભિષેક બેનર્જીએ (Opposition on Paper Leak Bill) દાવો કર્યો કે છેલ્લા બે વર્ષમાં પેપર લીકના કેસોમાં કોઈ દોષિતને સજા થઈ નથી. તેમણે કહ્યું કે વિદ્યાર્થીઓને જવાબ આપવાને બદલે તેમના વિરોધ પ્રદર્શન સામે બળનો ઉપયોગ કરવામાં આવ્યો હતો.

દયાનિધિ મારનનો ‘એક ભારત, એક પરીક્ષા’નો વિરોધ

ડીએમકે સાંસદ દયાનિધિ મારને દેશની વિવિધતાને ધ્યાનમાં રાખીને ‘એક ભારત, એક પરીક્ષા’ મોડેલનો વિરોધ કર્યો હતો. તેમના મતે સમગ્ર દેશ માટે એક જ પરીક્ષા પ્રણાલી યોગ્ય નથી અને શિક્ષણ ક્ષેત્રે વધુ ચર્ચાની જરૂર છે.

ગૌરવ ગોગોઈએ NTA પર ઉઠાવ્યા પ્રશ્નો

કોંગ્રેસના સાંસદ ગૌરવ ગોગોઈએ NEET અને NTA સંબંધિત મુદ્દાઓ ઉઠાવ્યા હતા. તેમણે આરોપ મૂક્યો કે સરકારે પરીક્ષા પ્રણાલીમાં થયેલી ગેરરીતિઓ માટે જવાબદારી નક્કી કરી નથી અને NTA સાથે જોડાયેલા અધિકારીઓ અંગે પણ સ્પષ્ટતા માંગવામાં આવી હતી.

સરકારે બિલનું કર્યું સમર્થન

ભાજપ સાંસદ બાંસુરી સ્વરાજે જણાવ્યું કે પેપર લીક વિરોધી બિલ વિદ્યાર્થીઓના ભવિષ્યને સુરક્ષિત બનાવવા માટે મહત્વપૂર્ણ છે. તેમણે કહ્યું કે બિલ હેઠળ દોષિતો સામે ઝડપી કાર્યવાહી માટે ફાસ્ટ-ટ્રેક કોર્ટની જોગવાઈ કરવામાં આવી છે અને પેપર લીક માફિયાઓ સામે કડક પગલાં લેવામાં આવશે.

બિલમાં શું છે ખાસ?

બિલમાં જાહેર પરીક્ષાઓમાં ગેરરીતિ રોકવા માટે કડક જોગવાઈઓનો સમાવેશ કરવામાં આવ્યો છે. પેપર લીક અથવા અન્ય ગેરરીતિમાં દોષિત સાબિત થનારને 10 વર્ષ સુધીની જેલ, રૂ.10 કરોડ સુધીનો દંડ અને સંપત્તિ જપ્ત કરવાની જોગવાઈ રાખવામાં આવી છે. સાથે જ કેસોની ઝડપી સુનાવણી માટે ફાસ્ટ-ટ્રેક કોર્ટની વ્યવસ્થા કરવાનો પણ પ્રસ્તાવ છે.

આ પણ વાંચો: સુપ્રીમ કોર્ટનો મોટો આદેશ : સગીરોને તાત્કાલિક મુક્તિ. પોલીસ કાર્યવાહી પર સ્વતંત્ર તપાસ

આ પણ વાંચો: PM મોદીના NEET Paper Leak સંબોધનનો વીડિયો Facebook પરથી હટ્યો, વિવાદ બાદ METAએ માફી માગી

આ પણ વાંચો: CJPના પ્રદર્શન પાછળ ગુનાહિત તત્વોની એન્ટ્રીનો દાવો, દિલ્હી પોલીસની તપાસમાં મોટા ખુલાસા