ફરી લોન્ચ થવા જઈ રહી છે પતંજલિની "કિંભો" એપ્લિકેશન, જાણો શું છે ખાસ

પતંજલિ સિમકાર્ડ પછી બાબા રામદેવે પતંજલિની નવી એપ્લિકેશન “કિંભો” ફરીથી લોન્ચ કરવા જઈ રહ્યા છે. એવી ચર્ચાઓ ચાલી રહી છે કે પતંજલિની આ એપ્લિકેશન વોટ્સએપને પણ ટક્કર આપશે. કિંભો પ્લેટફોર્મ પર ફોટોઝ, વીડિયો, ડૂડલ તેમજ સ્ટિકર્સ અને જીઆઇએફ ફોર્મેટ પણ સપોર્ટ કરશે. આ કિંભોમાં લોકેશન સિસ્ટમ પણ હશે.

પહેલીવાર આ એપને મે મહિનામાં લોન્ચ કરવામાં આવી હતી. જોકે, સિક્યોરિટી કારણોસર તેને એક જ દિવસમાં પરત ખેંચવામાં આવી હતી. આવો જાણીએ શું હશે ખાસ આ એપ્લિકેશનમાં….

પતંજલિનાં સ્પોકપર્સન એસ. કે. તિજરાવાલાએ જણાવ્યું હતું કે, ’કિંભો એ એક સંસ્કૃત શબ્દ છે. જેનો મતલબ શું ચાલી રહ્યું છે અથવા શું સમાચાર છે તેવો થાય છે.’
કિંભો પ્લેટફોર્મ ફોટોઝ, વીડિયો, ડૂડલ તેમજ સ્ટિકર્સ અને GIF ફોર્મેટને સપોર્ટ કરશે. આ ઉપરાંત હાલ વોટ્સએપમાં જે ફીચર આવી રહ્યાં છે. તે દરેક ફીચર પણ હશે.
પતંજલિની આ એપ્લિકેશન વીડિયો ચેટ પણ સપોર્ટ કરશે. યૂઝર્સ એકબીજા સાથે વીડિયો ચેટ પણ કરી શકશે. જોકે, ગ્રુપ કોલિંગ વિશે હજુ વધુ માહિતી ઉપલબ્ધ થઈ શકી નથી.
આ એપ્લિકેશન લોકેશન શેરિંગ ફીચરને પણ સપોર્ટ કરશે. આ ફીચરની મદદથી તમે ચેટમાં જ ફ્રેન્ડ્સ સાથે લોકેશન શૅર કરી શકશો.
આ એપ્લિકેશન એન્ક્રિપ્ટેડ મેસેજ સપોર્ટ કરશે. કિંભોનું કહેવું છે કે વોટ્સએપની જેમ જ ચેટમાં AES અને end-to-end એન્ક્રિપ્ટેડ મેસેજ સપોર્ટ થશે. એટલે કે માત્ર સેન્ડર અને રિસિવર જ કન્ટેન્ટ જોઈ શકશે. આ દરમિયાન જો કોઈ વચ્ચે મેસેજ ઈન્ટરસેપ્ટ કરવાની કોશિશ કરે તો તે એન્ક્રિપ્ટેડ જ દેખાશે.
કિંભોના જણાવ્યાનુસાર તે ઘોસ્ટ ચેટ અને મેસેજ ઓટો ડિલેટની પણ સુવિધા આપશે. જોકે, કંપનીએ આ ફીચર્સ વિશે વધુ કશું કહ્યું નથી.
જ્યારે મે મહિનામાં એપ્લિકેશન લોન્ચ થઈ હતી ત્યારે સિક્યોરિટી કારણોને લીધે તે ખૂબ જ ચર્ચામાં રહી હતી. હવે આ એપ્લિકેશન ફુલી ફીચર સિક્યોરિટી સાથે આવી રહી છે. જોકે, રિસર્ચર્સના જણાવ્યાનુસાર આ એપ્લિકેશન ‘બોલો’ એપ્લિકેશનને ઘણી જ મળતી આવે છે.