અમદાવાદ  

નવરાત્રિ ચાલે છે ત્યારે યુવતી બ્યુટીને લઇને સચેત થઇ જાય છે.નવરાત્રિમાં હેવી મેકઅપ લગાવતી છોકરીઓએ ત્વચાની સારસંભાળ રાખવી જરૂરી બને છે. નિષ્ણાતો કહે છે કે નવરાત્રિમાં  બ્યૂટી પાર્લરમાં જવાનો ટાઈમ ના મળે તો ઘરે જ સ્કીન કેર લેવી જરૂરી છે અને પાર્લરમાં ફેશિયલ કરાવ્યા પછી પણ હોમકેર લેવી અતિ આવશ્યક છે.

અહીં નવરાત્રિને લગતી 6 બ્યુટી ટીપ્સ આપવામાં આવી છે…

રાતે જો હેવી મેકઅપ કર્યો હોય તો સવારે ઊઠીને તરત ઠંડા પાણીથી ફેસ ધોઈને કાચું દૂધ લગાવવું. કાચા દૂધમાં લીંબુ અને મધ પણ ભેળવી શકાય. રેગ્યુલર યુઝ ચોક્કસ રીઝલ્ટ આપશે.

નવરાત્રિમાં બેકલેસ ચોલીમાં તમારી પીઠ અને કમરનો ભાગ ખુલ્લો રહે છે. તે ભાગ ઉપર પાર્લરમાં જઈ બ્લીચ કરાવી શકાય.

ખુલ્લામાં ગરબા રમવાને કારણે ધુળના ઉપદ્રવથી ખીલ પણ વધુ ખીલી ઉઠતા હોય છે.નવરાત્રિ દરમિયાન વધુ પાણી પીવાનું રાખશો તો ખીલ દબાઇ જશે.ગરબેથી રમી આવ્યા પછી બે વાર મોઢુ ધોવાનું રાખો.ખીલ પર મુલતાની માટી પણ ઇફેક્ટીવ રહેશે.

ગરબા ગાતા ગાતા જો ગરદન કે ચહેરો ધુળથી ખરડાયો હોય તો અલોવેરા જેલમાં હળદર ભેળવીને ફેસ,ગરદન અને સ્કીન પર લગાવો. 10 મીનીટ પછી વોશ કરી નાંખો. સ્કીન લાઈટનીંગ અને ટાઈટનીંગ માટે આ ઉપાય ખૂબ અસરકારક છે.

એકને કે ફોડકીવાળી સ્કીન પર ચંદન પાવડરમાં કડવા લીમડાનો રસ ભેળવી લગાવવો.

નવરાત્રિમાં ક્યારેય ઓઈલી મેકઅપ કરવો નહી.ઓઇલી મેકઅપ સાથે ધુળનું મિશ્રણ ત્વચાની ખાનાખરાબી કરી શકે છે. મેટ મેકઅપનો યુઝ તમારા ફેસને ફ્રેશ લુક આપશે.