આગામી ટી-20 વર્લ્ડ કપ માટે 15 સભ્યોની ભારતીય મહિલા ક્રિકેટ ટીમની ઘોષણા કરવામાં આવી છે. મેગા ઇવેન્ટ માટે હરમનપ્રીત કૌરને ટીમની કેપ્ટન બનાવવામાં આવેલ છે, જ્યારે સ્મૃતિ મંધાના ટીમની વાઇસ કેપ્ટન છે.
21 ફેબ્રુઆરીથી શરૂ થનારી આઈસીસી મહિલા ટી-20 વર્લ્ડ કપ માટે ભારતે 15 સભ્યોની ટીમની જાહેરાત કરી દીધી છે અને બંગાળની બેટ્સમેન રિચા ઘોષ હરમનપ્રીત કૌરની આગેવાનીવાળી ટીમમાં એકમાત્ર નવો ચહેરો છે. ટીમમાં અન્ય કોઈ નવા ચહેરાનો સમાવેશ કરવામાં આવ્યો નથી. વળી, હરિયાણાની 15 વર્ષીય શેફાલી વર્મા પણ તેની પ્રથમ સીઝનમાં આંતરરાષ્ટ્રીય સ્તરે કેટલાક સારા પ્રદર્શન બાદ પ્રથમ વૈશ્વિક સ્પર્ધામાં ભાગ લેશે.
મહિલા ચેલેન્જર ટ્રોફીમાં તાજેતરમાં રિચાને તેના સારા પ્રદર્શનનો લાભ મળ્યો હતો, તેણે 26 બોલમાં ચાર ચોક્કા અને એક છક્કાની મદદથી 36 રન બનાવ્યા હતા. પસંદગીકારોએ ટી-20 વર્લ્ડ કપ પહેલા ઓસ્ટ્રેલિયામાં યોજાનારી ત્રિકોણીય શ્રેણી માટે 16 સભ્યોની ટીમની પણ જાહેરાત કરી હતી, જેમાં નુઝહત પરવીન 16 માં સભ્ય તરીકે છે. આ ટૂર્નામેન્ટ 31 જાન્યુઆરીથી શરૂ થાય છે.
Harmanpreet Kaur to lead India at the T20 World Cup in Australia. Opener Smriti Mandhana will be the vice captain. The tournament will be held between 21st February and 8th March 2020 pic.twitter.com/BVluIuQALx
— ANI (@ANI) January 12, 2020
વર્લ્ડ કપ ટી-20 ટીમ
હરમનપ્રીત કૌર (કેપ્ટન), સ્મૃતિ મંધાના, શેફાલી વર્મા, જેમિમા રોડ્રિગ્ઝ, હરલીન દેઓલ, દીપ્તિ શર્મા, વેદા કૃષ્ણમૂર્તિ, રિચા ઘોષ, તાનિયા ભાટિયા, પૂનમ યાદવ, રાધા યાદવ, રાજેશ્વરી ગાયકવાડ, શિખા પાંડે, પૂજા વસ્ત્રાકર અને અરુંધતી રેડ્ડી.
ત્રિકોણીય શ્રેણી (16-સભ્યો) ની ટીમ
હરમનપ્રીત કૌર (કેપ્ટન), સ્મૃતિ મંધના, શેફાલી વર્મા, જેમિમા રોડ્રિગ્ઝ, હરલીન દેઓલ, દીપ્તિ શર્મા, વેદ કૃષ્ણમૂર્તિ, રિચા ઘોષ, તાનિયા ભાટિયા, પૂનમ યાદવ, રાજેશ્વરી ગાયકવાડ, શિખા પાંડે, પૂજા વસ્ત્રાકર, અરૂંધતિ રેડ્ડી, નુઝહત પરવીન.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
