સમગ્ર વિશ્વમાં કોરોનાનો કહેર યથાવત છે. અત્યાર સુધી ચર્ચામાં રહ્યુ છે કે જીવલેણ કોવિડ -19 લોકોમાં કેવી રીતે ફેલાઇ રહ્યો છે. હવે વૈજ્ઞાનિકો દ્વારા સંશોધન કરવામાં આવ્યું છે, એવું જાણવા મળ્યું છે કે વાયરસ દર્દીથી હવામાં ચાર મીટર એટલે કે 13 ફૂટ સુધી ફેલાઇ શકે છે. લોકોને હાલમાં જાહેર સ્થળોએ બીજા વ્યક્તિથી બે મીટર દૂર રહેવાની સલાહ આપવામાં આવી રહી છે અને હવે હવામાં વાયરસ હાજર તો આ અંતર તેના કરતા બમણું છે. આપને જણાવી દઈએ કે, વર્લ્ડ હેલ્થ ઓર્ગેનાઇઝેશન (WHO) એ નકારી કાઠ્યું છે કે વાયરસ હવા દ્વારા ફેલાઈ રહ્યો છે.

શુક્રવારે ચીની સંશોધનકારો દ્વારા હાથ ધરવામાં આવેલી તપાસનાં પરિણામો અમેરિકાનાં સેન્ટર્સ ફોર ડિસીઝ કન્ટ્રોલ એન્ડ પ્રિવેન્શન (CDC) નાં ઉભરતા ચેપી રોગોમાં પ્રકાશિત થયા છે. આ સંશોધનનાં પ્રારંભિક પરિણામોમાં તેની પુષ્ટિ થઈ છે. વૈજ્ઞાનિકોને ચેતવણી પણ આપવામાં આવી છે કે, આટલા અંતરે જોવા મળતા વાયરસ ચેપ ફેલાવશે તે જરૂરી નથી. બેઇજિંગ સ્થિત એકેડેમી ઓફ મિલિટ્રી મેડિકલ સાયન્સનાં સંશોધનકારોની ટીમે સપાટી અને હવાનાં નમૂનાઓનું પરીક્ષણ કર્યું છે. સેમ્પલ વુહાનની હાઉશેનેન હોસ્પિટલમાંથી જનરલ કોવિડ-19 વોર્ડ અને ઇન્ટેન્સિવ કેર યુનિટ (આઈસીયુ) માંથી લેવામાં આવ્યા હતા.

અહીં 19 ફેબ્રુઆરી અને 2 માર્ચે 24 દર્દીઓ હતા. સંશોધનકારોએ શોધી કાઠ્યું કે વાયરસ વોર્ડનાં ફ્લોર પર મોટી માત્રામાં હાજર હતો. તેઓ માને છે કે તે ગુરુત્વાકર્ષણ અને એરફ્લોને કારણે હોઈ શકે છે, જેના કારણે વાયરસનાં ટીપાં જમીન પર તરતા હતા. આ સિવાય કોમ્પ્યુટર માઉસ, કચરાનાં ડબ્બા, પથારી અને દરવાજાનાં હેન્ડલ્સને સતત સ્પર્શ કરવામાં આવી રહ્યો છે, તો તેના પર પણ વાયરસની હાજરી મોટી માત્રામાં હોય છે. સંશોધન ટીમનાં જણાવ્યા અનુસાર, આઈસીયુનાં મેડિકલ સ્ટાફનાં સોલમાંથી લીધેલા અડધા નમૂનાઓ લેવામાં આવ્યા હતા, તેમાથી અડાધા પોઝિટીવ આવ્યા હતા. આવી સ્થિતિમાં, તબીબી સ્ટાફ જૂતાનાં વાહક તરીકે કામ કરી શકે છે.

ટીમે એ પણ અભ્યાસ કર્યો કે, શું ટીપાં દ્વારા એરસોલ ટ્રાન્સમિશન કરવું અથવા હવામાં વાયરસનું ટ્રાન્સમિશન શક્ય છે જ્યારે વાયરસ એટલો નાનો છે કે તે દેખાતો નથી અને ઘણા કલાકો સુધી હવામાં હાજર રહે છે. સંશોધનકારોની ટીમનાં પરિણામો અનુસાર, એરસોલ દર્દીથી 13 ફૂટ સુધી હવામાં હાજર હોઈ શકે છે. જો કે, તેનું પ્રમાણ આઠ ફૂટથી વધુ હતું.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.