યુરોપમાં કોરોના વાયરસ ચરમસીમાએ પહોંચી ગયો છે. આ વાયરસને કારણે યુ.એસ. માં સૌથી વધુ મોત થયા છે. રાષ્ટ્રપતિ ટ્રમ્પે કોરોના સંકટ વચ્ચે વર્લ્ડ હેલ્થ ઓર્ગેનાઇઝેશનનાં ફંડિંગને રોકી દીધુ છે. ડબ્લ્યુએચઓ પર ચીનનું સમર્થન કરવાનો આરોપ લગાવ્યા બાદ અમેરિકી રાષ્ટ્રપતિએ ભંડોળ રોકી દેવાની જાહેરાત કરી હતી. ટ્રમ્પે કહ્યું કે, ડબ્લ્યુએચઓએ કોરોના વાયરસની ગંભીરતાને દુનિયાથી છુપાવી હતી. તેણે ચીનનું સમર્થન કર્યું અને બાદમાં તે સમગ્ર વિશ્વમાં ફેલાઈ ગયું.

ટ્રમ્પે મંગળવારે એક પ્રેસ કોન્ફરન્સમાં કહ્યું કે, યુ.એસ.એ ડબ્લ્યુએચઓને ભંડોળ આપવાનું બંધ કરવાનો નિર્ણય લીધો છે. તે તેના વહીવટને નાણાં રોકવાનું આદેશ આપી રહ્યા છે. ભંડોળ રોકવા સાથે, ટ્રમ્પે કહ્યું કે ડબ્લ્યુએચઓ કોરોના અને ગંભીર ગેરવહીવટથી સંબંધિત માહિતી છુપાવવામાં વિશ્વ આરોગ્ય સંગઠનની ભૂમિકાની સમીક્ષા કરવામાં આવી રહી છે. યુએસએ ડબ્લ્યુએચઓ પર આ ભયંકર રોગચાળા અંગે પારદર્શિતા ન રાખવાનો આરોપ લગાવતા કહ્યું હતું કે, આ સંગઠનને સૌથી મોટો ફંડ આપનાર યુનાઇટેડ સ્ટેટ્સ હવે તેને બંધ કરી રહ્યું છે. તેમણે કહ્યું કે ડબ્લ્યુએચઓએ કોરોનાને રોકવા માટે તેની ફરજ બજાવી નથી. ચીનમાં ફેલાયેલા આ વાયરસનાં ચેપ, તેની ગંભીરતાને સંગઠને જાણી જોઇને છુપાવી છે.

US President Donald Trump announces ‘halting funding’ of World Health Organization: AFP news agency (File pic) pic.twitter.com/IUHvkHsNMD

— ANI (@ANI) April 14, 2020

રાષ્ટ્રપતિ ટ્રમ્પે આરોપ લગાવ્યો છે કે ડબ્લ્યુએચઓએ આ વાયરસનાં પ્રકોપની આકારણી કરી નથી. જો સંગઠન ઇચ્છે તો વાયરસને તેની મૂળ જગ્યાએ એટલે કે ચીનનાં વુહાન શહેરમાં રોકી શકાયો હોત. આમ કરવાથી બહુ ઓછા લોકોનો જીવ ગયો હોત, પરંતુ ડબ્લ્યુએચઓએ તેના બદલે ચીનને બચાવવાનો પ્રયાસ કર્યો હતો. આપને જણાવી દઈએ કે, યુ.એસ.એ ગયા વર્ષે વર્લ્ડ હેલ્થ ઓર્ગેનાઇઝેશનને 400 મિલિયન ડોલર આપ્યા હતા.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.