કોરોના રોગચાળાને કારણે દેશમાં જાહેર થયેલ લોકડાઉનને કારણે 12 મે થી બંધ મુસાફરોની ટ્રેનો ફરી વેગ પકડશે. આ સમય દરમિયાન, અન્ય રાજ્યોમાં ફસાયેલા લોકો અને જરૂરી કામ માટે અન્ય સ્થળોએ જતા લોકો મુસાફરી કરી શકે છે. શરૂઆતમાં, 15 જોડી ટ્રેનો દોડશે, એટલે કે તે 15 રૂટો પર દોડશે. દિલ્હીથી ટ્રેનો દોડાવવામાં આવશે. રિઝર્વેશન 11 મે નાં રોજ સાંજે 4 વાગ્યે શરૂ થશે. આ ટ્રેનો માટેની ટિકિટ ફક્ત આઇઆરસીટીસી વેબસાઇટ પર મળશે, ટિકિટ કાઉન્ટર પર નહીં.

સરકારનાં આ નિર્ણયને કોંગ્રેસનાં વરિષ્ઠ નેતા અને ભૂતપૂર્વ કેન્દ્રીય નાણાં પ્રધાન પી.ચિદમ્બરમે આવકાર્યો છે. તેમણે કહ્યું છે કે, અમે આંતર રાજ્યની મુસાફરોની ટ્રેનોનું સંચાલન કાળજીપૂર્વક શરૂ કરવાના સરકારનાં નિર્ણયને આવકારીએ છીએ. માર્ગ પરિવહન અને હવાઈ પરિવહનને પણ સમાન રીતે શરૂ કરવું જોઈએ. આપને જણાવી દઈએ કે, કોરોના વાયરસને નિયંત્રણમાં રાખવા માટે લોકડાઉન દેશભરમાં લાગુ છે. તેમ છતાં, ચેપનાં કેસો ઝડપથી વધી રહ્યા છે.

We welcome the decision of the government to cautiously start operations of inter-state passenger trains. The same modest opening should be started with road transport and air transport: P. Chidambaram, Congress leader and former Union Finance Minister pic.twitter.com/JQ8pDLjPYw

— ANI (@ANI) May 11, 2020

ઉલ્લેખનીય છે કે, છેલ્લા 24 કલાકમાં કોરોનાનાં 4,213 નવા કેસ નોંધાયા છે. 24 કલાકમાં આ નવા કેસોની સૌથી મોટી સંખ્યા છે. અગાઉ, સૌથી વધુ આંકડો 3,900 નવા દર્દીઓનો હતો. વળી, છેલ્લા 24 કલાકમાં તેના કારણે 97 લોકોએ પોતાનો જીવ ગુમાવ્યો છે. અત્યાર સુધીમાં 20,917 દર્દીઓ આ રોગથી ઠીક થયા છે. કોરોના ચેપનાં પ્રસારને રોકવા માટે દેશમાં લોકડાઉન લાદવામાં આવ્યો છે, જે 17 મે સુધી અમલમાં રહેશે. જે બાદ દેશમાં શું સ્થિતિ બને છે તે એક મોટો સવાલ છે.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.