અશ્વેત જ્યોર્જ ફ્લોયડનાં મૃત્યુ બાદ યુએસમાં પોલીસ વિભાગ વિરુદ્ધ હિંસક પ્રદર્શન શરૂ થઇ ગયા છે. દેશનાં ઘણા મોટા શહેરો હિંસાની આગમાં બળી રહ્યા છે અને હજારો લોકોને અટકાયતમાં લેવામાં આવ્યા છે. દરમિયાન, ત્યાં એવા પણ પ્રદર્શનકારીઓ છે જે શાંતિપૂર્ણ રીતે ન્યાયની માંગ કરી રહ્યા છે. આ જ પોલીસ વિભાગ આવા લોકોની સાથે ઉભી જોવા મળી છે જેમના અધિકારી સામે થર્ડ ડિગ્રી હત્યાનો કેસ દાખલ કરવામાં આવ્યો છે. ભીડની સામે ઘૂંટણ પર બેસીને અમેરિકાનાં અનેક શહેરોનાં પોલીસકર્મીઓનાં ફોટોગ્રાફ્સ બહાર આવ્યા છે. જે દ્વારા, તેઓ જ્યોર્જને ન્યાય મળે તે માટેની લડતમાં નારાજ લોકોનું સમર્થન બતાવી રહ્યા છે.

સોશિયલ મીડિયા પર, લોકો મિયામીનાં અધિકારીઓની ખૂબ પ્રશંસા કરી રહ્યા છે. અહીંનાં પોલીસ અધિકારીઓએ ગુસ્સે થયેલા પ્રદર્શનકારીઓ પર બળનો ઉપયોગ કર્યો ન હતો પરંતુ તેનાથી વિપરીત તેમણે માફી માંગી હતી. ઘૂંટણ પર બેસીને, તેમણે લોકોનાં ગુસ્સા અને માંગણીઓ સમજવાની અને આ લડતમાં તેમને ટેકો આપવાનો સંકેત આપ્યો. ન્યૂયોર્કમાં પણ પોલીસ અધિકારીઓ ઘૂંટણ પર બેસીને માફી માંગી. તેમણે પણ લોકોની માફી માંગી હતી અને પ્રદર્શનકારીઓનો સમર્થન વ્યક્ત કર્યો હતો. ન્યૂયોર્કનાં ગવર્નર એન્ડ્ર્યૂ કાઓમોએ પણ લોકોને સમજાવ્યું છે કે હિંસા ક્યારેય કોઈના પણ કામમાં આવતી નથી અને લોકોને શાંતિ જાળવવા અપીલ કરી છે.

Powerful moment as sheriff’s deputies stationed outside the county jail in Oklahoma City take a knee in solidarity with protesters. https://t.co/6WhM4hXdm2 pic.twitter.com/xjlOPJ7oDI

— ABC News (@ABC) June 1, 2020

સાન્ટા ક્રુઝ પોલીસે પણ ગુસ્સે ભરાયેલા ટોળા સામે ઘૂંટણ પર બેસીને ટેકો જાહેર કર્યો છે. આ અવ્યવસ્થાને કાબૂમાં લેવા રાજધાની વોશિંગ્ટન સહિત દેશનાં 40 થી વધુ શહેરોમાં કર્ફ્યુની જાહેરાત કરવામાં આવી છે. એવું કહેવામાં આવી રહ્યું છે કે 52 વર્ષ પછી અમેરિકાનાં ઇતિહાસમાં આ સૌથી ભયાનક હિંસા અને રંગભેદ અશાંતિની ઘટના છે. આ પહેલા વર્ષ 1968 માં માર્ટિન લ્યુથર કિંગની હત્યા બાદ આવા હિંસક સંઘર્ષ જોવા મળ્યા હતા.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.