બોલિવૂડ અભિનેતા સુશાંત સિંહ રાજપૂત પંચતત્વોમાં વિલિન થઇ ગયા. તેમના અંતિમ સંસ્કાર સોમવારે વિલે પાર્લેનાં પવન હંસ સ્મશાનગૃહમાં કરવામાં આવ્યા હતા. આ સમય દરમિયાન તેમના પિતા, પરિવારનાં અન્ય સભ્યો અને નજીકનાં મિત્રો હાજર હતા. કોવિડ-19 પ્રોટોકોલને કારણે સુશાંતની છેલ્લી મુલાકાતમાં 20 થી વધુ લોકો હાજર ન હોતા.
પોતાના દિકરાનાં મોતનાં સમાચાર સાંભળ્યા બાદ પિતા સાથે તેમના પિતરાઇ ભાઇ અને અય સગા સંબંધીઓ તેમના મૂળ વતન પટનાથી મુંબઈ પહોંચ્યા હતા. બીજી તરફ, તેમના મિત્ર રિયા ચક્રવર્તી મુંબઈની કૂપર હોસ્પિટલ પહોંચ્યા હતા જ્યાં સુશાંતનો મૃતદેહ રાખવામાં આવ્યો હતો. બોલિવૂડ સેલેબ્સ સુશાંતની અંતિમ યાત્રામાં જોડાવા માટે સ્મશાન ઘાટ પર પહોંચ્યા હતા. શ્રદ્ધા કપૂર અને કૃતિ સેનને તેમના મિત્રને અંતિમ વિદાય આપી.
Mumbai: Last rites of Bollywood actor Sushant Singh Rajput performed at Pawan Hans crematorium in Vile Parle pic.twitter.com/z445lBaI1z
— ANI (@ANI) June 15, 2020
સોમવારે ફોરેન્સિક ટીમ પણ તેમના ભાડાનાં ફ્લેટની તપાસ માટે આવી હતી. સુશાંતસિંહનો પોસ્ટમોર્ટમ રિપોર્ટ સામે આવ્યો, જેમા એવું જાણવા મળ્યું કે સુશાંતનું મોત ગૂંગળામણનાં કારણે થયું હતું. મીડિયા રિપોર્ટ અનુસાર પોસ્ટમોર્ટમ બાદ સુશાંતસિંહ રાજપૂતનાં ઓર્ગેન્સ તપાસ માટે મોકલવામાં આવ્યા છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
