ઓપ્પોએ ફરીથી તેના લોકપ્રિય બજેટ સ્માર્ટફોન Oppo A12ની કિંમતમાં ઘટાડો કર્યો છે. ખરેખર, ઓપ્પોએ આ ફોનને 500 રૂપિયા સસ્તો કરી દીધો છે, ત્યારબાદ આ ફોનના 3 જીબી રેમ + 32 જીબી સ્ટોરેજ વેરિઅન્ટની કિંમત માત્ર 8,490 રૂપિયા થઈ ગઈ છે અને તેના 4 જીબી રેમ + 64 જીબી સ્ટોરેજ વેરિઅન્ટમાં 500 રૂપિયાના ઘટાડા બાદ 10,990 રૂપિયા કરી દેવામાં આવી છે. છે.

ઓપ્પો એ 12 માં 6.22 ઇંચની એચડી + ડિસ્પ્લે છે, જેનું રિઝોલ્યુશન 720×1520 પિક્સેલ્સ છે. ઓપ્પોનો આ ફોન 3 જીબી અને 4 જીબી રેમ સાથે આવે છે.

ઓપ્પો એ 12 મીડિયાટેક હેલિયો પી 35 સો પ્રોસેસર દ્વારા સંચાલિત છે. આ ફોનના ડિસ્પ્લેમાં બ્લ્યુલાઇટ ફિલ્ટર છે,આ ફોનની પહોળાઈ 8.3 મીમી છે અને વજન ફક્ત 165 ગ્રામ છે.

કેમેરો અને બેટરી લાઇફ
આ ફોનના કેમેરાની વાત કરીએ તો ઓપ્પો એ 12 માં ડ્યુઅલ રીઅર કેમેરો આપવામાં આવ્યો છે, જેનો પ્રાઇમરી કેમેરો 13 મેગાપિક્સલનો છે અને બીજો 2 મેગાપિક્સલનો છે. તેનો સેલ્ફી કેમેરો 5 મેગાપિક્સલનો છે. આ ફોન 6x ઝૂમ અને બર્સ્ટ મોડથી સજ્જ છે.

પાવર માટે ઓપ્પોના આ ફોનમાં 4230 એમએએચની બેટરી છે. કંપનીનો દાવો છે કે આની મદદથી તમે તમારો મનપસંદ વીડિયો 8 કલાક સતત જોઈ શકો છો અને આમા તમે લાંબા સમય સુધી સંગીત, રમતો અને વાત કરી શકો છો.