મધ્યપ્રદેશમાં શાળા શિક્ષણ રાજ્યમંત્રી ઈન્દરસિંહ પરમારે કોરોના ચેપને લીધે ગયા વર્ષની જેમ આ વખતે પણ સામાન્ય બઢતી આપવાની અફવાઓનો અંત લાવી દીધો છે. તેમણે જણાવ્યું હતું કે કોરોનાકાળમાં ધોરણ 1 થી 8 સુધીના બાળકોના ઓનલાઇન વર્ગો લેવામાં આવ્યા હતા.

આ સમય દરમિયાન, દરેક વિષયમાં 40 ગુણના પ્રોજેક્ટ કાર્યને ઉમેરવામાં આવ્યું, જેને બાળકોએ પરિવારના સભ્યોની સહાયથી તૈયાર કરવાનું હતું. આ પ્રોજેક્ટના આધારે, તેમના પરિણામો મૂલ્યાંકન પછી તૈયાર કરવામાં આવશે. આમાં  માર્કસ પણ ઉમેરવામાં આવશે જે ઓનલાઈન વર્ગો દરમ્યાન લેવામાં આવેલા અભ્યાસ મુજબ આપવામાં આવશે. આ રીતે, કુલ 100 ગુણમાંથી, પરિણામ તૈયાર થશે.

આ સાથે  ધોરણ 9 અને 11 ની  પરીક્ષાઓ ઓલાઇન અથવા ઓફલાઇન લેવામાં આવશે. શાળા શિક્ષણ વિભાગ દ્વારા પણ પરીક્ષાનું સમયપત્રક બહાર પાડવામાં આવ્યું છે. ધોરણ 9 અને 11 ની વાર્ષિક પરીક્ષાઓ 12 મી એપ્રિલથી શરૂ થશે. ધોરણ 9ની પરીક્ષા 27 એપ્રિલના રોજ અને 11 ની પરીક્ષા 28 એપ્રિલના રોજ સમાપ્ત થશે. તે જ સમયે, 10મા અને 12મા ધોરણની પ્રી-બોર્ડ પરીક્ષાઓ પણ 12 એપ્રિલથી શરૂ થશે અને 27 એપ્રિલ સુધી ચાલશે.

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…