ચાણક્ય અનુસાર, વ્યક્તિની પ્રતિભાની કસોટી સંકટ સમયે જ થાય છે. જે વ્યક્તિ મુશ્કેલ સમયમાં હિંમત ગુમાવતો નથી અને પડકારોનો સામનો કરવા માટે સતત સંઘર્ષ કરે છે, તે વ્યક્તિ જીતે છે. કોરોના સંકટ એ બધા માટે મુશ્કેલ પડકાર છે. ચાણક્યની ચાણક્ય નીતિ પડકારો સામે લડવાની પ્રેરણા આપે છે.
કોરોનાને રોગચાળો જાહેર કરવામાં આવ્યો છે. ચાણક્યના કહેવા પ્રમાણે, જ્યારે સંકટ મોટું છે, ત્યારે દરેકે એક થવું જોઈએ. તમામ પ્રકારના રાગ અને દ્વેષને ભૂલીને, આ સંકટમાંથી કેવી રીતે બહાર નીકળવું, એ દિશામાં વિચાર અને પ્રયત્નો કરવા જોઈએ. આચાર્ય ચાણક્યના જણાવ્યા મુજબ કટોકટી કદી કહીને આવતી નથી. જે લોકો કોઈપણ પરિસ્થિતિનો સામનો કરવા માટે હંમેશા તૈયાર હોય છે તે લોકો ચોક્કસપણે સફળ થાય છે. ચાલો આપણે જાણીએ કે કટોકટીની સ્થિતિમાં શું ધ્યાનમાં રાખવું જોઈએ.
ધૈર્ય ગુમાવવું જોઈએ નહીં
ચાણક્યના જણાવ્યા મુજબ જો કોઈ પણ પ્રકારનું સંકટ આવે તો વ્યક્તિએ ગભરાવું જોઈએ નહીં. જે વ્યક્તિ કટોકટી જોયા વિના અને તેના વિરુદ્ધ કોઈપણ પ્રયાસ કાર્ય વિના ઘભરાઈ જાય છે તે વ્યક્તિ જીવનમાં પરાજિત થાય છે. કટોકટીમાંથી બહાર નીકળવાનો માર્ગ શોધવો જ જોઇએ. પોતાની પ્રતિભા અને જ્ઞાનનો ઉપયોગ પોતાને અને અન્ય લોકોને બચાવવા માટે કરવો જોઈએ.
એકસાથે કટોકટી સામે લડવું
ચાણક્યના કહેવા પ્રમાણે, જ્યારે સંકટ આખા દેશ પર છે, ત્યારે દરેકને એક થવું જોઈએ. એકતા જ મોટા સંકટને દૂર કરી શકે છે. કોઈ પણ સંજોગોમાં, સંકટ સમયે,શ્રધ્ધા ગુમાવવી જોઈએ નહીં. એક બીજાને કટોકટી સામે લડવાનું પ્રોત્સાહન આપતા રહેવું જોઈએ. જેમ રાત પછી દિવસ આવે છે, ત્યાં ભલે ગમે તેટલું મોટુ સંકટ આવે, કોઈએ ડરવું જોઈએ નહી.
