ઉત્તર પ્રદેશનાં રાજકારણમાં આ સમયે ભાજપ પછી એસપીનું નામ આવે છે. એકંદરે આગામી વિધાનસભામાં ભાજપ અને સપા વચ્ચે સીધી હરીફાઈની અટકળો ચાલી રહી છે. પરંતુ વાયરલ થતાં આ વીડિયોથી બંને પક્ષ વચ્ચેનો તફાવત સ્પષ્ટ રીતે સમજી શકાય છે. જેને સમાજ અશ્લીલ માને છે તે આજની સમાજવાદી પાર્ટીનું પાત્ર બની ગયું છે.
RBI ગવર્નર / વ્યાજ દરોમાં નથી થયો કોઇ ફેરફાર, રેપો રેટ 4% અને રિવર્સ રેપો રેટ 3.5% જ રહેશે
કોરોનાકાળમાં, જ્યાં લોકોની સામે જીવન અને આજીવિકાનું સંકટ છે, ત્યાં કેટલાક સપા નેતાઓ એવા પણ છે જેમને જરા પણ ભાન નથી. ગોરખપુરનાં કેમ્પિયરગંજનાં બૈજનાથપુર ગામનાં વડાની પુત્રીનાં લગ્નમાં કોરોનાનાં નિયમોને ભંગ કરવામાં આવ્યા હતા. અખિલેશ યાદવને અભિનંદન આપતાં, લગ્નમાં ભાગ લેવા આવેલા સપા નેતા શૈલેન્દ્ર યાદવે બાર યુવતીઓ સાથે અશ્લીલ નૃત્ય કરીને આજનાં સમાજવાદનો ચહેરો બતાવ્યો હતો. મળતી માહિતી મુજબ, કેમ્પિયરગંજનાં બૈજનાથપુરમાં રહેતા ગામનાં વડા મહલે ઉર્ફ બાલેદિન યાદવની પુત્રીનાં લગ્ન બુધવારે થયાં હતા. લોકડાઉનને સાઇડ લાઇન કરીને લગ્ન સમારોહમાં ઓર્કેસ્ટ્રાનું આયોજન કરવામાં આવ્યું હતું, જેમાં બાર ગર્લ્સને પણ ડાન્સ કરવા બોલાવવામાં આવી હતી. પ્રધાનની પુત્રીનાં લગ્નમાં ભાગ લેવા પીપીગંજનાં જંગલ અગહીનાં રહેવાસી શૈલેન્દ્ર યાદવ અને કેમ્પિયરગંજનાં વોર્ડ નંબર 17 ની જિલ્લા પંચાયતનાં સભ્ય રેનુ યાદવ પણ તેમના સમર્થકો સાથે પહોંચ્યા હતા. બાર ગર્લ્સનાં ડાન્સ દરમિયાન સપાનાં નેતા શૈલેન્દ્ર યાદવ પણ સ્ટેજ પર ચઠ્યા અને ડાન્સ કરવાનું શરૂ કર્યું હતુ. જ્યારે લોકોએ તેમને દૂર કરવાનો પ્રયાસ કર્યો, ત્યારે તેમના સમર્થકોએ તેમની સાથે લડવાનું શરૂ કર્યું હતુ. આ સમગ્ર વીડિયોમાં જોવા મળી રહ્યું છે કે કોરોનાનાં નિયમોનું ખુલ્લેઆમ ઉલ્લંઘન કરવામાં આવી રહ્યું છે. ન તો કોઈએ માસ્ક પહેર્યો છે અને ન કોઈને સામાજિક અંતરની ચિંતા છે.
ત્રીજી લહેરની દસ્તક..! / બે રાજ્યોમાં 90 હજાર બાળકો કોરોનાથી પ્રભાવિત, સમગ્ર દેશમાં કેટલા ? : સર્વેના ચોંકાવનારા આંકડાઓ
વળી વીડિયો વાયરલ થયા બાદ હવે પગલા લેવામાં આવશે તે વાત સામે આવી રહી છે. એસપી દિનેશકુમાર પ્રભુ કહે છે કે કેમ્પિયરગંજમાં લગ્ન સમારોહ દરમિયાન ઓર્કેસ્ટ્રાનો વીડિયો વાયરલ થયો છે. ડાન્સ દરમિયાન લોકડાઉન અને રોગચાળા અધિનિયમનું ઉલ્લંઘન પણ જોવા મળી રહ્યું છે. આયોજકો અને ડાંસ કરનારોની ઓળખ કરીને કેસ નોંધવા સુચના આપવામાં આવી છે. સ્થાનિક લોકોનાં જણાવ્યા મુજબ, બાર ગર્લ્સ સાથે નાચતા શૈલેન્દ્ર યાદવ કેમ્પિયરગંજની સમાજવાદી પાર્ટીનાં પૂર્વ જિલ્લા પંચાયત પ્રમુખ ચિંતા યાદવનાં પિતરાઇ ભાભી છે. હાલમાં એસપીનાં ટેકાથી શૈલેન્દ્રની પત્ની રેણુ યાદવ વોર્ડ નંબર 17 માંથી જિલ્લા પંચાયત સભ્ય તરીકે ચૂંટાઇ આવ્યા છે. શૈલેન્દ્ર યાદવ સપાનાં ખૂબ નજીકનાં નેતા માનવામાં આવે છે. નોંધનીય છે કે કોરોના રોગચાળા વચ્ચે ચાલી રહેલા લોકડાઉનમાં, જ્યાં શાકભાજી વગેરે વેચીને પોતાનું ગુજરાન ચલાવનારા લોકો પર પોલીસ ડંડાનો વરસાદ કરે છે. વળી વીડિયોમાં બધુ જોયા બાદ કેમ્પયરગંજ પોલીસ કોરોના નિયમોની ધજ્જીયા ઉડાવનારાઓની ઓળખ કરવામાં લાગી છે. કાયદાનાં આ બેવડા ધોરણને કારણે, ન તો કોઇ પોલીસકર્મીઓને માન આપવાની ઇચ્છા રાખે છે અને ન તો તેઓ કાયદાનું પાલન કરવા તૈયાર છે.
