બોલિવૂડ સિંગર અને એક્ટર યો યો હની સિંહની પત્ની શાલિની તલવારે કોર્ટનો સંપર્ક કર્યો છે. તેણે ‘ઘરેલુ હિંસાથી મહિલાઓનું રક્ષણ’ કાયદા હેઠળ ગાયકની વિરુદ્ધમાં અરજી કરી છે. આ અંગે દિલ્હીની તીસ હજારી કોર્ટમાં અરજી કરવામાં આવી છે.
આ અરજી તીજ હજારી કોર્ટ મેજિસ્ટ્રેટ તાનિયા સિંહ સમક્ષ રજૂ કરવામાં આવી હતી. શાલિની તલવાર વતી એડવોકેટ સંદીપ કપૂર, અપૂર્વ પાંડે અને જીજી કશ્યપે મેજિસ્ટ્રેટ સમક્ષ અરજી કરી હતી. કોર્ટે હની સિંહ વિરુદ્ધ નોટિસ જારી કરી છે, જેમાં તેણે સિંગરને 28 ઓગસ્ટ પહેલા જવાબ દાખલ કરવા માટે લખ્યું છે. હની સિંહ પર બંનેની સંયુક્ત મિલકત ન વેચવા અને સ્ત્રીધન સાથે છેડછાડ ન કરવા બદલ પણ પ્રતિબંધ મૂકવામાં આવ્યો છે. શાલિની તલવારની તરફેણમાં આદેશ પસાર કરવામાં આવ્યો છે.
હની સિંહની પત્નીએ સિંગર પર ઘણા ગંભીર આરોપો લગાવ્યા છે. શાલિનીએ તેના માતાપિતા અને બહેન સહિત હની સિંહ પર શારીરિક હિંસા, જાતીય હિંસા, માનસિક સતામણી અને આર્થિક હિંસાનો આરોપ લગાવ્યો છે. શાલિનીએ અદાલતને જણાવ્યું હતું કે તેનું સ્ત્રીધન તેને પાછું આપવું જોઈએ અને જે મિલકત તેના અને હની સિંહના નામે છે તેને વેચવા પર પણ પ્રતિબંધ મૂકવો જોઈએ.
તમને જણાવી દઈએ કે હની સિંહ અને શનિલી તલવારે 20 વર્ષની મિત્રતા અને પ્રેમ બાદ વર્ષ 2011 માં લગ્ન કર્યા હતા. શીખ રીતિ -રિવાજ મુજબ બંનેના લગ્ન દિલ્હીના ફાર્મહાઉસમાં થયા હતા. જોકે બહારના લોકોને આ લગ્ન વિશે કોઈ સમાચાર નહોતા. વચ્ચે, હની સિંહનું નામ ‘ફિયર ફેક્ટર – ખતરોં કે ખિલાડી 5’ સ્પર્ધક ડાયના ઉપ્પલ સાથે પણ જોડાયેલું હતું, પરંતુ હની અને શાલિની વચ્ચેનો સંબંધ બદલાયા નહીં. આ પછી બંનેના લગ્નની તસવીરો સોશિયલ મીડિયા પર વાયરલ થવા લાગી અને હનીના ડાયના સાથેના સંબંધોનો અંત આવી ગયો.
