મહારાષ્ટ્રની રાજધાની મુંબઈ અને કર્ણાટકમાં ખંડણીના અનેક કેસોમાં વોન્ટેડ ગેંગસ્ટર સુરેશ પૂજારીની ફિલિપાઈન્સથી ધરપકડ કરીને દિલ્હી લાવવામાં આવ્યો છે. બુધવારે તેને થાણેની કોર્ટમાં રજૂ કરવામાં આવ્યો હતો જ્યાં તેને 25 ડિસેમ્બર સુધી ATS કસ્ટડીમાં મોકલવામાં આવ્યો હતો. પૂજારી મુંબઈ નજીક મુંબઈ, થાણે, કલ્યાણ, ઉલ્હાસનગર અને ડોમ્બિવલીમાં ખંડણીના કેસમાં પણ વોન્ટેડ છે. મુંબઈ પોલીસના જણાવ્યા અનુસાર તેની સામે ખંડણીના કુલ 23 કેસ નોંધાયેલા છે.
સુરેશ પૂજારી રવિ પૂજારીનો ખાસ મિત્ર હોવાનું કહેવાય છે. તેને બે વર્ષ પહેલા સેનેગલથી લાવવામાં આવ્યો હતો અને 15 ઓક્ટોબરે ફિલિપાઈન્સમાં ઈન્ટરપોલ દ્વારા તેની ધરપકડ કરવામાં આવી હતી,પુજારી વિરુદ્ધ છેડતીના અનેક કેસ નોંધાયા હતા. ગુપ્તચર વિભાગને માહિતી મળી હતી કે સુરેશ પૂજારી પાસે આઠ અલગ-અલગ નામે પાસપોર્ટ છે, જેના કારણે તે દુનિયાભરની પોલીસને ચકમો આપી શક્યો હતો. મુંબઈ અને થાણે પોલીસે 2017 અને 2018માં રેડ કોર્નર નોટિસ જારી કરી હતી.અધિકારીએ જણાવ્યું કે ગુનાખોરીની દુનિયાની શરૂઆતમાં તેણે અંડરવર્લ્ડ ડોન છોટા રાજન અને રવિ પૂજારી સાથે કામ કર્યું અને બાદમાં પોતાની ગેંગ બનાવી.