એક વ્યક્તિએ 6 લાખની કાર ખરીદી. તેણે રોકડ ચૂકવીને આ કાર ખરીદી હતી, પરંતુ ચુકવણી નોટમાં નહીં, પરંતુ દસ રૂપિયાના સિક્કામાં કરવામાં આવી હતી. આ મામલો સોશિયલ મીડિયા પર ચર્ચાનો વિષય બન્યો છે. જો કે, એવો પણ દાવો કરવામાં આવી રહ્યો છે કે જ્યારે વ્યક્તિએ સિક્કામાં ચૂકવણી કરી, ત્યારે કારના માલિકે રકમ સ્વીકારવાનો ઇનકાર કરી દીધો. જ્યારે વ્યક્તિએ સિક્કામાં ચૂકવણીનું કારણ સમજાવ્યું, ત્યારે કાર માલિક કાર વેચવા માટે સંમત થયો.
આ ચોંકાવનારો મામલો તમિલનાડુના ધર્મપુરીના અરુર વિસ્તારનો છે. અહીં વેટ્રીવેલ નામનો વ્યક્તિ કાર ખરીદવા દસ લાખના સિક્કા લઈને શોરૂમમાં ગયો હતો. તેણે કહ્યું કે આવું કરવા પાછળ એક ખાસ કારણ છે. તેણે કહ્યું કે તે એક પ્રાથમિક શાળા ચલાવે છે અને પરંપરાગત દવાઓનો વેપાર કરે છે. તેની માતા પણ દુકાન ચલાવે છે.
બેંકરોએ પણ વિચિત્ર દલીલ કરીને સિક્કા લેવાની ના પાડી દીધી હતી.
વેટ્રીવેલના જણાવ્યા મુજબ, જ્યારે કોઈ સામાન ખરીદવા દુકાને આવે છે, ત્યારે તે બાકીની રકમ તરીકે દસ રૂપિયાના સિક્કાને સ્વીકારવાનો ઇનકાર કરે છે. મોટાભાગના લોકો આવું જ કરે છે અને આનાથી તેમની પાસે મોટી રકમ એકઠી થઈ છે. જ્યારે તે આ સિક્કાઓ બેંકમાં નોટો બદલવા માટે પહોંચ્યો તો બેંકરોએ પણ તેને લેવાનો ઈન્કાર કરી દીધો. બેંકરોએ દલીલ કરી હતી કે તેમની પાસે આટલા સિક્કા ગણવા માટે સ્ટાફ નથી.
વાલીઓ હવે આ સિક્કા બાળકોને રમવા માટે આપી રહ્યા છે જે ખોટું છે
વેટ્રિવેલે કારના શોરૂમના માલિકને કહ્યું કે તેણે ઘણા બાળકોને દસ રૂપિયાના સિક્કા સાથે રમતા જોયા છે. જ્યારે તે તેમને પૂછે છે કે તેઓ આવું કેમ કરે છે તો જવાબ મળે છે કે માતા-પિતાએ રમવા આપ્યા છે. આ હવે નકામા થઇ ગયા છે. કારણ કે તેમને કોઈ લેતું નથી. આમાંથી બોધપાઠ લઈને વેટ્રિવેલે દસ રૂપિયાના સિક્કા ભેગા કરવાનું ચાલુ કર્યું. અને જ્યારે રકમ લગભગ છ લાખ થઈ ત્યારે તેણે કાર ખરીદવાનું મન બનાવી લીધું.
Covid-19 / રાજ્યમાં કોરોનાનું સબ વેરીએન્ટ BA.2.38ના કેસમાં કરી રહ્યું છે વધારો
