આસામ અને તમિલનાડુની સરકારો વચ્ચે લીઝ પર લીધેલા હાથીઓને લઈને વિવાદ હવે કોર્ટમાં પહોંચી ગયો છે. તમિલનાડુએ હાથીઓને પરત કરવાનો ઇનકાર કર્યા બાદ આસામ સરકારે આજે ગૌહાટી હાઈકોર્ટમાં અરજી દાખલ કરી છે. હાથીઓ વચ્ચે પણ વિવાદ છે, ખાસ કરીને મંદિરના હાથી જોયમાલાને લઈને. આ હાથીઓનો કેસ ગૌહાટી હાઈકોર્ટ ઉપરાંત મદ્રાસ હાઈકોર્ટમાં પણ ચાલી રહ્યો છે. ગુરુવારે, તમિલનાડુ સરકારે મદ્રાસ હાઈકોર્ટને કહ્યું કે તે આસામ સરકાર પાસેથી લીધેલા હાથીઓને પરત નહીં કરે. આસામનો દાવો છે કે તેમણે જોયમાલા સહિત નવ હાથીઓ તમિલનાડુને ભાડે આપ્યા હતા.
આસામના મુખ્યમંત્રી હિમંતા બિસ્વા સરમાએ ગુરુવારે જણાવ્યું હતું કે આ મામલાની ગૌહાટી હાઈકોર્ટમાં શુક્રવારે સુનાવણી થશે. તેમણે કહ્યું, “હાથીઓ અમારા છે. ગૌહાટી હાઈકોર્ટમાં આવતીકાલે અમારા કેસની સુનાવણી થશે, જો અમને સારો આદેશ મળે, તો તે સારું છે કારણ કે હાથીઓ અમારા છે. જો મદ્રાસ હાઈકોર્ટ પણ સારો નિર્ણય આપે છે, તો તે પણ સારું. અમે ન્યાયતંત્ર પર નિર્ભર છીએ કારણ કે આ બાબતક વિવાદ બની ગયો છે.”
એનિમલ રાઈટ્સ ગ્રુપ પીપલ ફોર ધ એથિકલ ટ્રીટમેન્ટ ઓફ એનિમલ્સ (PETA) એ એક વીડિયો જાહેર કર્યા બાદ વિવાદ ફાટી નીકળ્યો હતો. વીડિયોમાં દાવો કરવામાં આવ્યો છે કે તમિલનાડુના એક મંદિરમાં જોયમાલા હાથી પર અત્યાચાર કરવામાં આવી રહ્યો છે. વિડિયો પર પ્રતિક્રિયા આપતા, તમિલનાડુ સરકારે કહ્યું કે જોયમાલા ખૂબ સારી રીતે જીવે છે. ઉપરાંત PETAના વિડિયો સામે હાથીનો એક વીડિયો પણ ટ્વીટ કર્યો.
Our beloved Joymala is now all hale and hearty.
The present team is taking good care of the jumbo! pic.twitter.com/PBGYPZhtww— MoEF&CC (@moefcc) September 14, 2022
