બિહારના પૂર્વ નાયબ મુખ્યમંત્રી અને ભાજપના રાજ્યસભા સાંસદ સુશીલ મોદીને પશ્ચિમ બંગાળના પૂર્વ વર્ધમાન જિલ્લામાંથી એક ધમકીભર્યો પત્ર મળ્યો છે, જેમાં તેમને જાનથી મારી નાખવાની ધમકી આપવામાં આવી છે. મંગળવારે બીજેપી સાંસદ સુશીલ મોદીએ ખુદ ટ્વીટ કરીને આની જાણકારી આપી હતી. તેમણે તેનો વીડિયો પણ પોસ્ટ કર્યો છે. આ સાથે તેમણે પટના પોલીસને પણ ફરિયાદ કરી છે.
કહેવામાં આવી રહ્યું છે કે ચંપા સોમ (સોમા) નામના વ્યક્તિએ સાંસદ સુશીલ મોદીને આ ધમકીભર્યો પત્ર મોકલ્યો છે. ધમકીભર્યા પત્રમાં લખવામાં આવ્યું છે કે, “હું તમને જણાવું છું કે હું તૃણમૂલ કોંગ્રેસનો નેતા છું. મમતા બેનર્જી ભારતના આગામી વડાપ્રધાન બની શકે છે. મમતા બેનર્જી અને નીતિશ કુમાર ઝિંદાબાદ. હું તને મારી નાખીશ.
અંગ્રેજીમાં લખાયેલો આ ધમકીભર્યો પત્ર ચંપા સોમ (સોમા) નામની વ્યક્તિએ મોકલ્યો છે. તેણે પોતાનું સરનામું પોસ્ટ+વિલેજ-રાયણ, જિલ્લા-પૂર્વ વર્ધમાન પશ્ચિમ બંગાળ તરીકે આપ્યું છે. આ પત્રમાં ચંપા સોમે પોતાનો મોબાઈલ નંબર 7501620019 પણ મૂક્યો છે. આ પત્ર સુશીલ મોદીના રાજેન્દ્ર નગર સ્થિત ખાનગી રહેઠાણના સરનામે મળ્યો હતો. રાજ્યસભાના સાંસદ સુશીલ મોદીએ ઉપરોક્ત પત્ર સાથેનો પરબિડીયું પટનાના વરિષ્ઠ પોલીસ અધિક્ષકને મોકલીને વિનંતી કરી છે કે તેના પર કાર્યવાહી કરવામાં આવે.
मेरी हत्या करने का धमकी भरा पत्र प्राप्त I pic.twitter.com/Jlawcg8B7z
— Sushil Kumar Modi (@SushilModi) September 20, 2022
સુત્રોના જણાવ્યા અનુસાર સોમવાર, 19 સપ્ટેમ્બરે બીજેપી સાંસદ સુશીલ મોદીને આ ધમકીભર્યો પત્ર મળ્યો હતો, પરંતુ તેમણે મંગળવારે તેને સાર્વજનિક કરી દીધો. મંગળવારે સુશીલ કુમાર મોદીએ પોતે ટ્વીટ કરીને આ અંગેની માહિતી આપી હતી. તેમણે ટ્વિટર પર તેનો વીડિયો પણ પોસ્ટ કર્યો છે. પટના પોલીસ પાસે કાર્યવાહીની માંગ કરવામાં આવી છે.
