ટીવી એક્ટ્રેસ વૈશાલી ઠક્કરના આત્મહત્યા કેસમાં મોટો ખુલાસો થયો છે. મૃત્યુના સમાચાર મળ્યા બાદથી પોલીસ દરેક રીતે મામલાની તપાસ કરી રહી છે. આ દરમિયાન અભિનેત્રીના ઘરેથી મળી આવેલી સુસાઈડ નોટે બધાને ચોંકાવી દીધા છે. જણાવવામાં આવી રહ્યું છે કે સુસાઈડ નોટમાં એક્ટ્રેસના આત્મહત્યાનું કારણ સ્પષ્ટ રીતે લખ્યું છે. ACP એમ રહેમાનના જણાવ્યા અનુસાર, વૈશાલી ઠક્કર આત્મહત્યા કેસમાં મળેલી નોટ તેના પૂર્વ બોયફ્રેન્ડ તરફ ઈશારો કરે છે. ઉલ્લેખનીય છે કે અભિનેત્રીએ ઈન્દોરમાં પોતાના ઘરમાં આત્મહત્યા કરી હતી.
વૈશાલી આત્મહત્યા કેસમાં ઈન્દોરના તેજાજીનગર પોલીસ સ્ટેશનમાંથી ચોંકાવનારા સમાચાર મળ્યા છે. વૈશાલી ઠક્કરે શનિવારે રાત્રે પોતાના ઘરે ગળેફાંસો ખાઈ આત્મહત્યા કરી લીધી હતી. જે બાદ પોલીસ આત્મહત્યા પાછળનું કારણ શોધવાનો પ્રયાસ કરી રહી છે. સુસાઈડ નોટ મુજબ વૈશાલી ખૂબ જ પરેશાન હતી. તેની મુશ્કેલીનું કારણ બીજું કોઈ નહીં પણ તેનો પૂર્વ બોયફ્રેન્ડ હતો. ચિઠ્ઠીમાં એવું પણ લખવામાં આવ્યું હતું કે તેનો ભૂતપૂર્વ બોયફ્રેન્ડ તેને પરેશાન કરી રહ્યો હતો.
પોલીસ પાસેથી મળેલી માહિતીમાં એવું પણ કહેવામાં આવી રહ્યું છે કે વૈશાલી સાથે પ્રેમ સંબંધ હતો જે હાલ પૂરો થઈ ગયો હતો. અભિનેત્રીએ સુસાઈડ નોટમાં એક વ્યક્તિના નામનો પણ ઉલ્લેખ કર્યો છે. નોંધનીય છે કે વૈશાલી ઠક્કર છેલ્લા એક વર્ષથી ઈન્દોરમાં રહેતી હતી. આત્મહત્યાના સમાચાર મળતા જ પોલીસ ઘટનાસ્થળે પહોંચી ગઇ હતી અને તપાસ શરૂ કરી હતી. પોલીસે વૈશાલી ઠક્કરનો મૃતદેહ કબજે કર્યો હતો અને તેના મૃતદેહની નજીકથી મળેલી સુસાઈડ નોટ પણ મળી હતી. હવે પોલીસ તમામ એંગલથી મામલાની તપાસ કરી રહી છે.
વર્કફ્રન્ટ વિશે વાત કરીએ તો, વૈશાલીએ વર્ષ 2015માં ટીવી સીરિયલ યે રિશ્તા ક્યા કહેલાતા હૈથી અભિનય કારકિર્દીની શરૂઆત કરી હતી. આ સિરિયલથી તેને ઘરે-ઘરે ઓળખ મળી. આ ઉપરાંત અભિનેત્રીએ કલર્સ ટીવીની પ્રખ્યાત સીરિયલ સસુરાલ સિમર કામાં પણ કામ કર્યું હતું. આ સાથે વૈશાલીએ ઘણી પ્રખ્યાત ટીવી સિરિયલોમાં અભિનય કરીને એક અલગ જ ઓળખ બનાવી હતી.
