T20 વર્લ્ડ કપ 2022ની ટાઈટલ મેચમાં ઈંગ્લેન્ડએ શાનદાર જીત નોંધાવી હતી. ઈંગ્લેન્ડે પાકિસ્તાન (ENG vs PAK) ને 5 વિકેટે હરાવીને વર્લ્ડ કપ જીત્યો. પ્રથમ બેટિંગ કરતા પાકિસ્તાને નિર્ધારિત 20 ઓવરમાં માત્ર 137 રન બનાવ્યા હતા. 138 રનના ટાર્ગેટને ઈંગ્લિશ ટીમે આસાનીથી પાર પાડીને ટાઈટલ જીત્યું હતું.
આ મેચમાં ઈંગ્લેન્ડે ટોસ જીતીને પ્રથમ બોલિંગ કરવાનો નિર્ણય કર્યો હતો. તેમનો નિર્ણય સાચો સાબિત થયો. કારણ કે, ઈંગ્લેન્ડની શાનદાર બોલિંગના કારણે પાકિસ્તાનની ટીમ ઘણી મુશ્કેલીમાં જોવા મળી હતી. ઈંગ્લેન્ડના બોલરોએ પાકિસ્તાન ટીમનો ટોપ ઓર્ડર સંપૂર્ણ રીતે ધ્વસ્ત કરી દીધો હતો. પ્રથમ બેટિંગ કરતા પાકિસ્તાન 137 રન જ બનાવી શક્યું હતું.
WHAT A WIN! 🎉
England are the new #T20WorldCup champions! 🤩#PAKvENG | #T20WorldCupFinal | 📝 https://t.co/HdpneOINqo pic.twitter.com/qK3WPai1Ck
— ICC (@ICC) November 13, 2022
પાકિસ્તાન તરફથી શાન મસૂદે 38 રન બનાવ્યા હતા જ્યારે કેપ્ટન બાબર આઝમે 32 રન બનાવ્યા હતા. જોકે, પાકિસ્તાનની શરૂઆત એટલી સારી રહી ન હતી, કારણ કે રિઝવાને તેની વિકેટ વહેલી ગુમાવી દીધી હતી. ઈંગ્લેન્ડ માટે સેમ કુરેને ચાર ઓવરમાં 12 રન આપીને ત્રણ વિકેટ લીધી હતી, જ્યારે આદિલ રાશિદે ચાર ઓવરમાં મેડનથી 22 રન આપીને બે ખેલાડીઓને આઉટ કર્યા હતા.
આ સાથે જ લક્ષ્યનો પીછો કરવા ઉતરેલી ઈંગ્લેન્ડની ટીમની શરૂઆત પણ ખાસ રહી ન હતી. પ્રથમ ઓવરમાં જ આફ્રિદીએ હેલ્સની વિકેટ લીધી હતી. જે બાદ કેપ્ટન બટલર પણ ખાસ કરી શક્યો ન હતો અને માત્ર 26 રન બનાવીને પેવેલિયન પરત ફર્યો હતો. પાકિસ્તાની બોલરોએ ઈંગ્લેન્ડ પર પહેલેથી જ પોતાની પકડ જમાવી લીધી હતી, પરંતુ બેન સ્ટોક્સે તેમને ખોટા સાબિત કર્યા અને પોતાની ટીમને જીત અપાવવા માટે તેમની શ્રેષ્ઠ ઈનિંગ્સ રમી.
આ ફાઈનલ મેચમાં બેન સ્ટોક્સે શાનદાર અડધી સદી ફટકારી હતી અને છેલ્લી ઘડી સુધી તે ક્રિઝ પર રહ્યો હતો. બેન સ્ટોક્સની T20 કારકિર્દીમાં આ તેની પ્રથમ અડધી સદી પણ હતી. આ મેચમાં પાકિસ્તાન તરફથી હરિસ રઉફે 2 વિકેટ ઝડપી હતી. જ્યારે આફ્રિદી, શાદાબ અને વસીમને એક-એક વિકેટ મળી હતી.
આ પણ વાંચો:ભાજપે 4 ઝોન માટે 7 મોટા નેતાઓને સોંપી જવાબદારી.. જાણો કોણ ક્યાંથી કરશે ડેમેજ કંટ્રોલ
આ પણ વાંચો: ગુજરાત ચૂંટણીમાં OPS બન્યો મોટો ચૂંટણી મુદ્દો, ભાજપે
આ પણ વાંચો:ભાજપના નેતા મધુ શ્રીવાસ્તવે ધારાસભ્ય પદ પરથી આપ્યું
