વિશ્વભરના ફૂટબોલ ચાહકો માટે ઉજવણીનો પ્રારંભ થવાનો છે. ફિફા ફૂટબોલ વર્લ્ડ કપ 2022 આજથી (20 નવેમ્બર) કતારમાં શરૂ થઈ રહ્યો છે. 4 વર્ષના અંતરે યોજાતો ફૂટબોલ વર્લ્ડ કપનો મહાસંગ્રામ શરૂ થશે. રવિવારે ભારતીય સમય અનુસાર સાંજે 7.30 વાગ્યે, એક શાનદાર ઓપનિંગ સેરેમની થશે જેમાં વિશ્વભરના મોટા કલાકારો પરફોર્મ કરશે. તેમાં સૌથી મોટું નામ કોરિયન બેન્ડ BTSનું છે. ઓપનિંગ સેરેમની બાદ આજે ઓપનિંગ મેચ પણ રમાવાની છે જે યજમાન કતાર અને એક્વાડોર વચ્ચે રમાવાની છે.
Let’s get this party started! 🥳
The FIFA Fan Festival opens on 19 November in a BIG way! @maluma & @myriamfares are kicking this off in style at Al Bidda Park.
— FIFA World Cup (@FIFAWorldCup) November 17, 2022
• FIFA વર્લ્ડ કપનો ઉદઘાટન સમારોહ અલ-બાયત સ્ટેડિયમ ખાતે યોજાઈ રહ્યો છે. અહીં લગભગ 60 હજાર દર્શકો બેસી શકે છે, રાજધાની દોહાથી તેનું અંતર માત્ર 40 કિમી છે. છે. આ મેદાનમાં પ્રથમ મેચ એટલે કે કતાર-ઇક્વાડોર મેચ યોજાવાની છે.
• FIFA ફૂટબોલ વર્લ્ડ કપ ભારતમાં સ્પોર્ટ્સ 18, તેમજ તેની HD ચેનલ પર ટેલિકાસ્ટ કરવામાં આવશે. જ્યારે ઓનલાઈન આ બ્રોડકાસ્ટ Jio સિનેમા, Jio TV અને તેમની વેબસાઈટ પર જોઈ શકાય છે.
• FIFA વર્લ્ડ કપ 2022માં, માત્ર ઓપનિંગ સેરેમની જ નહીં, પરંતુ કલાકારો દરરોજ પરફોર્મ કરશે. અહીં એક ફેન ફેસ્ટિવલનું આયોજન કરવામાં આવ્યું છે, જ્યાં દુનિયાભરના દર્શકો માટે વિવિધ કલાકારો પરફોર્મ કરશે. બોલિવૂડ અભિનેત્રી નોરા ફતેહી અહીં 29 નવેમ્બરે જોવા મળશે.
FIFA વર્લ્ડ કપ 2022 ના તમામ જૂથો અને ટીમો શું છે?
ગ્રુપ એ
કતાર, એક્વાડોર, સેનેગલ અને નેધરલેન્ડ
ગ્રુપ બી
ઈંગ્લેન્ડ, ઈરાન, અમેરિકા અને વેલ્સ
ગ્રુપ સી
આર્જેન્ટિના, સાઉદી અરેબિયા, મેક્સિકો અને પોલેન્ડ
ગ્રુપ ડી
ફ્રાન્સ, ઓસ્ટ્રેલિયા, ડેનમાર્ક અને ટ્યુનિશિયા
ગ્રુપ ઇ
સ્પેન, કોસ્ટા રિકા, જર્મની અને જાપાન
ગ્રુપ એફ
બેલ્જિયમ, કેનેડા, મોરોક્કો અને ક્રોએશિયા
ગ્રુપ જી
બ્રાઝિલ, સર્બિયા, સ્વિટ્ઝર્લેન્ડ અને કેમરૂન
ગ્રુપ એચ
પોર્ટુગલ, ઘાના, ઉરુગ્વે અને રિપબ્લિક ઓફ કોરિયા
