બોલિવૂડ સુપરસ્ટાર સલમાન ખાન ફરી એકવાર ચર્ચામાં છે. તાજેતરમાં, તેને ફરી એકવાર ગેંગસ્ટરો તરફથી જાનથી મારી નાખવાની ધમકી મળી છે. જે બાદ તેના ઘરની બહાર સુરક્ષા કડક કરી દેવામાં આવી છે. ગઈકાલે રાત્રે મુંબઈ પોલીસના કોન્સ્ટેબલ અને અધિકારીઓ સલમાન ખાનના બાંદ્રા સ્થિત નિવાસસ્થાન ગેલેક્સીની બહાર ચોકી કરતા અને પેટ્રોલિંગ કરતા જોવા મળ્યા હતા. આ કેસમાં મુંબઈ પોલીસે લોરેન્સ બિશ્નોઈ, ગોલ્ડી બ્રાર અને રોહિત બ્રાર વિરુદ્ધ FIR નોંધી છે.
કેટલી વધારાઈ સલમાનની સુરક્ષા
આ ધમકી બાદ સલમાનના પરિવાર અને તેના ફેન્સના મનમાં ઘણી ચિંતા હતી. જે બાદ આ બાબતને ગંભીરતાથી લઈને પોલીસે સુરક્ષા વ્યવસ્થા વધારીને લોકોને ધમકી આપનારાઓને જડબાતોડ જવાબ આપ્યો છે. બે પોલીસ વાહનો, એક API અને 4 કોન્સ્ટેબલ હવે ગેલેક્સી એપાર્ટમેન્ટની બહાર તૈનાત કરવામાં આવ્યા છે. જે બાદ સલમાનના ઘરની બહાર કોઈ ભીડને એકત્ર થવા દેવામાં આવી રહી નથી.
શું લખ્યું હતું ઈ-મેલમાં
આપને જણાવી દઈએ કે સલમાન ખાનને એક ધમકીભર્યા ઈ-મેઈલથી લોકો મુશ્કેલીમાં મુકાઈ ગયા હતા. હકીકતમાં, 18 માર્ચે પોલીસની સામે સલમાનના મેનેજર પ્રશાંત ગુંજલકરને ધમકીભર્યો ઈ-મેલ મોકલવામાં આવ્યો હતો. જેમાં સલમાન ખાન વિશે ગંભીર વાતો લખવામાં આવી હતી. આ ઈ-મેઈલમાં લખવામાં આવ્યું હતું કે, “ગોલ્ડી બ્રારને તમારા બોસ એટલે કે સલમાન ખાન સાથે વાત કરવી છે. તેણે ઈન્ટરવ્યુ જોયો હશે, જો તમે ન જોયો હોય, તો જુઓ. જો તમે મામલો બંધ કરવા માંગતા હોવ તો. તે કરી લે.
શું છે ધમકીનું કારણ
જણાવી દઈએ કે આ પહેલા પણ સલમાન ખાનને આ અંડરવર્લ્ડ તરફથી આવી ધમકી આપવામાં આવી છે. પરંતુ આ વખતે ધમકીનું કારણ થોડું આશ્ચર્યજનક છે. કારણ કે ગેંગસ્ટર લોરેન્સ બિશ્નોઈનું કહેવું છે કે કાળા હરણ કેસમાં તે બાળપણથી જ સલમાન ખાનથી નારાજ છે, તેથી તે ઈચ્છે છે કે અભિનેતા આ કેસમાં માફી માંગે. હાલમાં જ લોરેન્સના જેલમાં આપેલા એક ઈન્ટરવ્યુમાં આ વાત સામે આવી છે. જે બાદ હવે આ ઈ-મેલે તેને હવા આપી છે.
આ પણ વાંચો: Happy Family : કન્ડિશન્સ એપ્લાયના કલાકાર અને નિર્માતાએ અમદાવાદ શહેરની મુલાકાત લીધી
આ પણ વાંચો: ગૃહપ્રધાન અમિત શાહને મળ્યા સુપરસ્ટાર રામ ચરણ, ફિલ્મ નિર્માતાએ ફોટા શેર કરીને ટુકડે ટુકડે ગેંગ પર સાધ્યું નિશાન
આ પણ વાંચો:MC સ્ટેનને મળી મારવાની ધમકી, રેપર શોની વચ્ચેથી ભાગ્યો
આ પણ વાંચો:‘બાળ કલ્યાણ’ નફાકારક પ્રવૃત્તિ માટે હોતું નથીઃ રાણી મુખર્જીની ફિલ્મ અંગે નોર્વેનો જવાબ
આ પણ વાંચો:આખરે, કેમ આ ગાયકના દીવાના થયા પીએમ મોદી, આ રીતે કર્યા વખાણ: જુઓ વીડિયો
