સ્માર્ટફોન આજે આપણા જીવનનો અભિન્ન ભાગ બની ગયો છે. ફોન કૉલ્સ ઉપરાંત, સ્માર્ટફોનનો ઉપયોગ મની ટ્રાન્સફર, પેમેન્ટ, સોશિયલ મીડિયા, ઓનલાઈન ફૂડ ઓર્ડર કરવા, ટ્રેન અને બસ ટિકિટ બુક કરવા માટે થાય છે. જો કોઈ પણ કારણસર સ્માર્ટફોન ખરાબ થઈ જાય તો આપણાં ઘણાં અગત્યનાં કામ અટકી શકે છે અને આપણી સમસ્યાઓ વધી શકે છે, તેથી તે હંમેશા યોગ્ય રીતે ચાલે તે જરૂરી છે.
ઘણી વખત સતત એક્ટિવ રહેવાને કારણે સ્માર્ટફોનની સ્પીડ ધીમી પડી જાય છે અને તે કોઈપણ કામ માટે મોડેથી રિસ્પોન્સ આપે છે. આવી સ્થિતિમાં જો તમે તમારો સ્માર્ટફોન રિસ્ટાર્ટ કરો છો તો તે ઠીક થઈ જાય છે. સમયાંતરે સ્માર્ટફોનને રીસ્ટાર્ટ કરવો ખૂબ જ જરૂરી છે. કેટલીકવાર રીસ્ટાર્ટ કરવાથી સ્માર્ટફોનની નાની સમસ્યાઓ અને ભૂલો ઠીક થઈ જાય છે.
મેમરી રીફ્રેશ કરવામાં મળે છે મદદ
વાસ્તવમાં જ્યારે સ્માર્ટફોન રીસ્ટાર્ટ થાય છે ત્યારે તે ફોનની મેમરીને રીફ્રેશ કરે છે અને તેને નવી ઉર્જા મળે છે. કેટલીકવાર સૉફ્ટવેરની નાની સમસ્યાઓ પણ રીસ્ટાર્ટ કરીને હલ થાય છે.
કેટલી વાર રીસ્ટાર્ટ કરવો જરૂરી
જો કે એવા ઘણા લોકો છે જેઓ તેમના સ્માર્ટફોનને ગમે ત્યારે અને ઘણી વખત રીસ્ટાર્ટ કરે છે. વધુ પડતા રિસ્ટાર્ટ કરવાથી સ્માર્ટફોનને નુકસાન થઈ શકે છે. એટલા માટે તમારા માટે એ જાણવું અગત્યનું છે કે ફોનને સારી રીતે પરફોર્મ કરવા માટે તેને કેટલી વાર રીસ્ટાર્ટ કરવો જોઈએ. જો નિષ્ણાતોનું માનીએ તો સ્માર્ટફોનને અઠવાડિયામાં ઓછામાં ઓછા 3 વખત રિસ્ટાર્ટ કરવો જોઈએ.
શું છે કંપનીઓનો અભિપ્રાય
મોબાઈલ કોમ્યુનિકેશન કંપની T-Mobile અનુસાર, iPhone અને Android સ્માર્ટફોનને અઠવાડિયામાં એકવાર રિસ્ટાર્ટ કરવા જ જોઈએ. તે જ સમયે, સેમસંગ કંપનીનું કહેવું છે કે તેમના ગેલેક્સી સ્માર્ટફોનને દિવસમાં એકવાર રિસ્ટાર્ટ કરવું જરૂરી છે. તમને જણાવી દઈએ કે તમને Galaxy સ્માર્ટફોનમાં ઓટો રીસ્ટાર્ટનો વિકલ્પ મળે છે.
આ પણ વાંચો:New Feature/વોટ્સએપ અને ઈન્સ્ટાગ્રામનું આ ઉપયોગી ફીચર ટેલિગ્રામમાં પણ આવ્યું, કામ થશે સરળ
આ પણ વાંચો:Tech News/દુનિયાની અડધાથી વધુ વસ્તી સોશિયલ મીડિયામાં વ્યસ્ત, જાણો ભારતના લોકો કેટલો સમય બગાડે છે?