ઓફિસમાંથી અકાળ મેઈલ કે મેસેજ ઘણીવાર મૂડ અને વાતાવરણને બગાડે છે. તે જ સમયે, જો કોઈ કર્મચારીના લગ્નના દિવસે આવું કંઈક થાય છે, તો તે વધુ ખરાબ લાગે છે. હાલમાં જ એક છોકરીએ ‘ધ બેન એસ્કિન્સ શો’માં જણાવ્યું કે કેવી રીતે તેના લગ્નના દિવસે તેના બોસના એક મેસેજે તેનો આખો દિવસ બરબાદ કરી દીધો.
તેને કહ્યું કે જ્યારે તે તેના પરિવાર અને મિત્રો સાથે લગ્નના રિસેપ્શનનો આનંદ માણી રહી હતી, ત્યારે તેને તેના બોસનો મેસેજ મળ્યો તે જોઈને તે ચોંકી ગઈ. યુનાઇટેડ કિંગડમમાં રહેતી કન્યાએ યુટ્યુબરને કહ્યું કે મારા બોસ અને સાથીદારો જાણતા હતા કે આજે મારા લગ્ન છે અને બોસના સંદેશની શરૂઆત કંઈક આ રીતે હતી ‘હું આશા રાખું છું કે તમારા લગ્નનો દિવસ સારો જાય અને તમે સારો સમય રહેશે.’
આની આગળ તેને લખ્યું ‘હું તમને માત્ર એટલું કહેવા માંગતો હતો કે દુર્ભાગ્યવશ તમને તમારી નોકરીમાંથી છટણી કરવામાં આવી રહી છે. તેની વિગતો તમારા અંગત ઈમેલ એડ્રેસ પર મોકલવામાં આવી છે. હું ખરેખર દિલગીર છું અને હું તમને ભવિષ્ય માટે શુભેચ્છા પાઠવું છું. શોના હોસ્ટ યુટ્યુબરે આશ્ચર્ય વ્યક્ત કર્યું અને કહ્યું તમારા બોસે તમારા લગ્નના દિવસે જ આવું કર્યું? મને ખબર નથી કે તેના વિશે શું કહેવું કારણ કે તે મેં ક્યારેય સાંભળેલી સૌથી ખરાબ વસ્તુઓમાંથી એક છે.
આ પછી છોકરીએ વિગતવાર જણાવ્યું કે તેને તેના બોસનો મેસેજ કેવી રીતે જોયો. તેને કહ્યું રિસેપ્શન દરમિયાન મેં મારો ફોન મારી સાથે રાખ્યો નહોતો. હું નિરાંતે બેઠી ત્યારે મેં લોકોની શુભેચ્છાના સંદેશા જોવાનું વિચાર્યું. મેં જોયું કે ઘણા લોકોએ મને બ્લોક કરી દીધી હતી અને મને (કંપનીના) બધા વોટ્સએપ જૂથોમાંથી દૂર કરવામાં આવી હતી, હું આશ્ચર્યમાં હતી કે શું થઈ રહ્યું છે.
તેને આગળ કહ્યું, ‘અને પછી મેં મારા બોસનો મેસેજ જોયો. મારા બધા મિત્રો મારી આસપાસ હતા અને મારો શ્વાસ અટકી ગયો. મેં તરત જ મારું ઈમેલ ચેક કર્યું. મેઈલમાં લખવામાં આવ્યું હતું કે હું મારા ટાર્ગેટ પૂરા કરી શક્યો નથી અને તેથી મને કાઢી મૂકવામાં આવી રહી છે. મહિલાએ કહ્યું મને ખૂબ ગુસ્સો આવ્યો. મને લાગે છે કે મારી ગેરહાજરીમાં આવું કરવું કાયર હતું. મને મળ્યા પછી પણ તે આ કરી શક્યો હોત. મારું નવું જીવન શરૂ કરવાને બદલે મેં નોકરી શોધવાનું શરૂ કર્યું.
આ પણ વાંચો: બેડરૂમમાં ટીવી જાતીય સંબંધોમાં વિચ્છેદ પેદા કરતું નથી ને???
આ પણ વાંચો:લોહતત્વથી ભરપૂર શેકેલા ચણાને ખાવાના અનેક ફાયદાઓ…
આ પણ વાંચો:ઓછી ઊંઘ સ્વાસ્થ્ય માટે હાનિકારક? સંશોધન શું કહે છે…