Breaking News: ગુજરાત હાઈકોર્ટને બોમ્બથી ઉડાવી દેવાની ધમકી મળી છે. કોઈ અજાણ્યા વ્યક્તિએ હાઈકોર્ટના ઈમેલ એડ્રેસ પર ઈમેલ મોકલ્યો છે. હાઈકોર્ટના રજિસ્ટ્રારે આ અંગે સોલા પોલીસને જાણ કરી હતી અને પોલીસે તાત્કાલિક હાઈકોર્ટ પહોંચીને તપાસ શરૂ કરી હતી. બીડીડીએસ સહિતની તમામ ટીમોએ તપાસ શરૂ કરી દીધી છે. નોંધનીય છે કે હાઈકોર્ટને બોમ્બથી ઉડાવી દેવાની ધમકી મળી હોવાની આ ત્રીજી ઘટના છે.

નોંધનીય છે કે આ પહેલા 9 જૂનના રોજ ગુજરાત હાઈકોર્ટને બોમ્બથી ઉડાવી દેવાની ધમકી મળી હતી. કોઈ અજાણ્યા વ્યક્તિએ હાઈકોર્ટના ઈમેલ એડ્રેસ પર ઈમેલ મોકલ્યો હતો. આ ઘટના બાદ પોલીસે તાત્કાલિક હાઈકોર્ટમાં સર્ચ ઓપરેશન હાથ ધર્યું હતું. આ ઘટના બાદ રજાઓ પછી હાઈકોર્ટ બંધ રાખવાના નિર્દેશ આપવામાં આવ્યા હતા. સાથે જ વકીલોને કોર્ટ છોડી દેવાની સલાહ આપવામાં આવી હતી.

3 જૂને શાળાને બોમ્બથી ઉડાવી દેવાની ધમકી મળી હતી. અમદાવાદના એસપી રિંગ રોડ પર આવેલી જીનીવા લિબરલ સ્કૂલને ધમકીભર્યો ઈમેલ મળ્યો હતો. સ્કૂલે પોલીસ અને ડીઈઓ ઓફિસને ધમકીની જાણ કરી હતી. બળાત્કાર કેસમાં પોલીસનું ધ્યાન ખેંચવા માટે શાળાને બોમ્બથી ઉડાવી દેવાની ધમકી આપવામાં આવી હતી.