બોલીવુડ અભિનેત્રી આલિયા ભટ્ટ તાજેતરમાં પુત્રી રાહા કપૂર સાથે જોવા મળી હતી. રાહા તેની માતા સાથે મુંબઈમાં ફરવા ગઈ હતી. રાહા કારમાં આલિયાનાં ખોળામાં બેઠેલી જોવા મળી હતી. જ્યારે આલિયાએ સફેદ શર્ટ અને બ્લુ ડેનિમ પહેર્યું હતું, ત્યારે રાહા સફેદ ફ્રોકમાં હતી. તેની ક્યૂટ હેરસ્ટાઇલે તેના ચાહકોનું દિલ જીતી લીધું હતું. રાહાને બે પોની લીધેલ હતી. તેમની આઉટિંગનો એક વીડિયો વાયરલ થઈ રહ્યો છે, જોકે રાહાનો ચહેરો તેમાં દેખાતો નથી.
View this post on Instagram
આલિયા અને રણબીરે વિનંતી કરી હતી કે….
રાહા આ વર્ષે નવેમ્બરમાં એક વર્ષની થઈ જશે. ગયા વર્ષે 7 નવેમ્બરે જ્યારે તેમની પુત્રીનો જન્મ થયો હતો, ત્યારે રણબીર અને આલિયાએ પાપારાઝીને વિનંતી કરી હતી કે રાહાને કેમેરાથી દૂર રાખો અને તેના ફોટોગ્રાફ્સ ક્લિક ન કરો કે કોઈ વીડિયો ન બનાવો. આ જ કારણ છે કે હજુ સુધી રાહાનો કોઈ ફોટો સામે આવ્યો નથી અને ન તો કોઈ વીડિયોમાં તેનો ચહેરો જોવા મળ્યો છે. રણબીર અને આલિયા નથી ઈચ્છતા કે તેમની દીકરીની તસવીરો સોશિયલ મીડિયા પર વાયરલ થાય.
લગ્ન ગયા વર્ષે થયા હતા
રણબીર અને આલિયાની વાત કરીએ તો બંનેએ ગયા વર્ષે એપ્રિલમાં લગ્ન કર્યા હતા. લગ્નના 7 મહિના બાદ આલિયા માતા બની હતી. થોડા સમયના બ્રેક બાદ આલિયા ફરી ફિલ્મોમાં એક્ટિવ થઈ ગઈ. તેની અગાઉની ફિલ્મ રોકી ઔર રાની કી પ્રેમ કહાની હિટ રહી હતી. હાલમાં જ તેણે તેની આગામી ફિલ્મ જીગ્રાનું શૂટિંગ શરૂ કર્યું છે. તે તેને કરણ જોહર સાથે મળીને પ્રોડ્યુસ કરી રહી છે. આલિયા પોતાનું પ્રોડક્શન હાઉસ ઈટર્નલ સનશાઈન પણ ચલાવે છે, જેના બેનર હેઠળ તેણે ડાર્લિંગ ફિલ્મ પણ બનાવી હતી. આ ફિલ્મ નેટફ્લિક્સ પર રિલીઝ કરવામાં આવી હતી.
આ પણ વાંચો:Israel Hamas Attack/ઈઝરાયલમાં ફસાયેલી અભિનેત્રી ‘નુસરત ભરુચા’ને લઈને આવ્યું મોટું અપડેટ
આ પણ વાંચો:Aruvi/HIV-AIDS પર બનેલી આ ફિલ્મ સમાજના મોઢા પર થપ્પડ સમાન, છેલ્લી 15 મિનિટ રડાવી દેશે, YouTube પર ફ્રીમાં જુઓ
આ પણ વાંચો:Jacqueline Arrieri Died/પ્લાસ્ટિક સર્જરી બની હોલિવૂડ એક્ટ્રેસના જીવની દુશ્મન ,Beauty Queenના મોતથી ચાહકોને ઘેરો શોક
