અમદાવાદમાં ફાર્મ હાઉસમાં ચાલતું કોલ સેન્ટર ઝડપાયું

Ahmedabad News: અમદાવાદ(Ahmedabad)માં સાણંદ પોલીસે (Sanand Police) ફાર્મહાઉસમાં ચાલતા કોલ સેન્ટર(Call Centre)નો પર્દાફાશ કર્યો છે. સાણંદના અંદેજ ગામમાં પોલીસે એક ફાર્મહાઉસ પર દરોડો પાડી બે આરોપીઓની ધરપકડ કરી 2.74 લાખનો મુદ્દામાલ કબ્જે કરી કાર્યવાહી શરૂ કરી છે.

અમદાવાદના સાણંદના આવેલા અણદેજમાં આવેલા ફાર્મહાઉસમાં ધમધમતાં કોલ સેન્ટરમાં સાણંદ પોલીસે બાતમીના આધારે દરોડા પાડ્યાં હતા. અમેરિકાના નાગરિકોને લોનની લાલચ આપી છેતરપિંડી કરવામાં આવતી હતી. હારૂન નામનો શખ્સ તેના ફાર્મમાં કોલ સેન્ટર ચલાવતો હતો. તારીક સૈયદ અને અશફાક કાઝી નામના વ્યક્તિની પોલીસે ધરપકડ કરી છે. પોલીસે 2.74 લાખથી વધુનો મુદ્દામાલ કબ્જે કર્યો છે, તેમજમુખ્ય આરોપી ફાર્મ હાઉસ માલિક હારૂન વાઘેલા ફરાર થયેલો છે.

દરોડા દરમિયાન પોલીસે 2.74 લાખ રૂપિયાથી વધુની કિંમતના કોમ્પયુટર, મોબાઈલ અને કાર સહિતની વસ્તુઓ જપ્ત કરી હતી. જોકે, મુખ્ય આરોપી, ફાર્મહાઉસ માલિક હારુન વાઘેલા ફરાર થઈ ગયો છે. સાણંદ પોલીસે ગુનો નોંધીને તપાસ હાથ ધરી છે.