Kangana Ranaut-Chirag Paswan: બોલિવૂડ અભિનેત્રી કંગના રનૌત હવે રાજકારણમાં પ્રવેશી ચૂકી છે. જોકે, સાંસદ બન્યા બાદ કંગનાની ફેન ફોલોઈંગમાં વધુ વધારો થયો છે. એક્ટ્રેસનો વીડિયો સોશિયલ મીડિયા પર વાયરલ થઈ રહ્યો છે. લોકસભા ચૂંટણી 2024માં કંગનાએ હિમાચલ પ્રદેશના મંડીથી ચૂંટણી જીતી હતી. બીજી તરફ અભિનેતામાંથી રાજકારણી બનેલા ચિરાગ પાસવાન પણ ચૂંટણી જીત્યા હતા. બંને ફરી એકવાર સંસદમાં ટકરાયા છે. હા, બુધવારે સંસદમાં લોકસભા અધ્યક્ષ પદ માટે ચૂંટણી યોજાઈ હતી. તેમાં તમામ નવા ચૂંટાયેલા સાંસદોએ પણ ભાગ લીધો હતો. અહીંથી કંગના રનૌત અને ચિરાગ પાસવાનનો એક નવો વીડિયો વાયરલ થઈ રહ્યો છે. સંસદની સીડી પર જતા સમયે કંગનાએ આગળ વધીને ચિરાગ પાસવાનને ગળે લગાડ્યો.
કંગના રનૌત અને ચિરાગ પાસવાને એક ફિલ્મ ‘મિલે ના મિલે હમ’માં સાથે કામ કર્યું હતું. હવે આ બંને ફિલ્મી દુનિયા છોડીને રાજકારણમાં સક્રિય છે. સોશિયલ મીડિયા પર સામે આવેલા એક વીડિયોમાં ચિરાગ પાસવાન અને કંગના રનૌત એકબીજાની સામે જોવા મળી રહ્યા છે. કંગના પીળી સાડીમાં સંસદ જઈ રહી છે, જ્યારે ચિરાગ પાસવાન પણ સફેદ કુર્તા-પાયજામા પહેરીને પહોંચ્યો હતો. ચિરાગને જોઈને કંગનાએ તેને ગળે લગાડ્યો. પછી બંને થોડીવાર સીડી પર બેસીને વાતો કરે છે. બંને તાળીઓ પાડે છે અને હસતા હસતા અંદર જાય છે.
કેમેરામેનને પોઝ આપ્યા
સંસદમાં આયોજિત આ મીટિંગ દરમિયાન, કંગના રનૌત અને ચિરાગ પાસવાન મીડિયાની વિનંતી પર એકસાથે પોઝ આપવા માટે રોકાય છે. પછી બંને એકસાથે પોઝ આપે છે. આ પછી તેઓ તરત જ ત્યાંથી નીકળી જાય છે.
ચિરાગ પાસવાને વર્ષ 2011માં એક્ટિંગથી પોતાના કરિયરની શરૂઆત કરી હતી. તેણે કંગના રનૌત સાથે ‘મિલે ના મિલે હમ’ ફિલ્મ કરી હતી. જોકે, આ ફિલ્મ બોક્સ ઓફિસ પર કંઈ ખાસ કમાલ કરી શકી નથી. હવે બંને સ્ટાર સંસદમાં રાજનેતા તરીકે સાથે જોવા મળે છે. બંનેના ફેન્સ તેમને સોશિયલ મીડિયા પર સાથે જોવા માંગે છે. કેટલાક ચાહકોએ તો કંગના અને ચિરાગને લગ્ન કરવાની સલાહ પણ આપી હતી.
આ પણ વાંચો: સુરતમાં સિવિલ હોસ્પિટલમાંથી બાળકનું અપહરણ
આ પણ વાંચો: ગુજરાતમાં લેબમાં બનતા નશીલા પદાર્થનો પ્રદાફર્શ
આ પણ વાંચો: આખા દેશને દોડતી રાખનારી રાજસ્થાની ગેંગને વલસાડ LCBએ પકડી
આ પણ વાંચો: વડોદરામાં મિની ટેમ્પો ચાલકે બે ભાઈઓને કચડી નાખી રીતસરનું ‘મર્ડર’ કર્યુ, જુઓ CCTV ફૂટેજ
