માનવ અધિકાર પરિષદના સત્રમાં ઓર્ગેનાઈઝેશન ઓફ ઈસ્લામિક કન્ટ્રીઝ (OIC) દ્વારા કાશ્મીર પર OIC-India કરવામાં આવેલી વિવાદાસ્પદ ટિપ્પણી પર ભારતે આકરી પ્રતિક્રિયા આપી છે. ભારતે સ્પષ્ટપણે કહ્યું છે કે જમ્મુ કાશ્મીર અને લદ્દાખનો સમગ્ર વિસ્તાર ભારતનો અભિન્ન અને અવિભાજ્ય હિસ્સો હતો, છે અને રહેશે.

અગાઉ ડિસેમ્બર 2022માં પણ વિદેશ મંત્રાલયે ભારતની આંતરિક બાબતોમાં દખલ કરવાના OICના પ્રયાસ પર આકરી પ્રતિક્રિયા આપી હતી. OICને સલાહ આપતા વિદેશ મંત્રાલયે કહ્યું હતું કે જમ્મુ-કાશ્મીર ભારતનો OIC-India અભિન્ન અને અવિભાજ્ય હિસ્સો છે અને અમે તેમાં કોઈ અન્ય દેશની દખલગીરી સહન નહીં કરીએ.

જીનીવામાં માનવાધિકાર પરિષદના 52મા સત્રને પ્રતિભાવ OIC-India આપતાં, ભારતના સ્થાયી મિશનના પ્રથમ સચિવ સીમા પૂજાનીએ કહ્યું, “અમે અયોગ્ય સંદર્ભો સાથે કેન્દ્રશાસિત પ્રદેશ જમ્મુ અને કાશ્મીર પર OICની ટિપ્પણીને નકારી કાઢીએ છીએ.” સીમા પૂજાનીએ કહ્યું, “સત્ય એ છે કે જમ્મુ-કાશ્મીર અને લદ્દાખના કેન્દ્રશાસિત પ્રદેશોનો સમગ્ર વિસ્તાર ભારતનો ભાગ હતો, છે અને રહેશે. પાકિસ્તાન ગેરકાયદેસર રીતે ભારતીય વિસ્તાર પર કબજો કરી રહ્યું છે.”

OIC પાકિસ્તાનનો માસ્ક

માનવાધિકાર પરિષદના સત્રમાં પૂજાનીએ કહ્યું હતું કે OIC આતંકવાદને છોડવા OIC-India અને ભારતીય પ્રદેશ પરથી તેના ગેરકાયદેસર કબજાને હટાવવાને બદલે તેના સભ્ય દેશ પાકિસ્તાનના દૂષિત પ્રચારમાં સામેલ છે. તેમણે કહ્યું કે OIC પાકિસ્તાનનું પ્યાદુ બની ગયું છે અને તેને ભારત વિરુદ્ધ દુષ્ટ પ્રચાર કરવા અને તેના નાપાક એજન્ડાને પૂર્ણ કરવા માટે તેનું પ્લેટફોર્મ આપ્યું છે.

OICએ તેની વિશ્વસનીયતા ગુમાવી દીધી છે

ભારતીય વિદેશ મંત્રાલયના પ્રવક્તા અરિંદમ બાગચીએ ડિસેમ્બર 2022માં OIC-India કહ્યું હતું કે ઈસ્લામિક દેશોનું સંગઠન (OIC) પહેલેથી જ વ્યાપક સાંપ્રદાયિક, પક્ષપાતી અને હકીકતમાં ખોટું વલણ લઈને તેની વિશ્વસનીયતા ગુમાવી ચૂક્યું છે. તેમણે કહ્યું હતું કે તે દુર્ભાગ્યપૂર્ણ છે કે OICના મહાસચિવ પણ હવે પાકિસ્તાનના પ્યાદા બની ગયા છે.

ભારત સામે ઝેર ઓકતા રહે છે

ઈસ્લામિક દેશોનું સંગઠન OIC, ભારત વિરુદ્ધ ઝેર ઓકવાનું OIC-India ચાલુ રાખે છે. OICના મહાસચિવ હિસેન બ્રાહિમ તાહાએ ડિસેમ્બર 2022માં PoKની મુલાકાત દરમિયાન કહ્યું હતું કે, “IOC કાશ્મીર વિવાદના ઉકેલ માટે વાટાઘાટો માટે બ્લુ પ્રિન્ટ તૈયાર કરી રહી છે. કાશ્મીર મુદ્દાઓ પર વાતચીત થઈ રહી છે. આ મુદ્દાને ઉકેલવા માટે જરૂરી છે.આ માટે અમે પાકિસ્તાન અને અન્ય દેશો સાથે મળીને યોજના બનાવી રહ્યા છીએ. આ સિવાય ઓક્ટોબર 2022માં પણ એક નિવેદન જારી કરીને OICએ વડાપ્રધાન નરેન્દ્ર મોદીને જમ્મુ-કાશ્મીરમાં કલમ 370 પુનઃસ્થાપિત કરવાની માંગ કરી હતી.

ઈસ્લામિક ઓર્ગેનાઈઝેશન ઓફ કોઓપરેશન શું છે

OIC નું પૂરું નામ ઈસ્લામિક ઓર્ગેનાઈઝેશન ઓફ કોઓપરેશન છે. તે 57 મુસ્લિમ બહુમતી દેશોનું સંગઠન છે. એવું માનવામાં આવે છે કે આ સંગઠન પર સાઉદી અરેબિયા અને સહયોગી દેશોનું વર્ચસ્વ છે. OICનું મુખ્યાલય પણ સાઉદી અરેબિયાના જેદ્દાહ શહેરમાં આવેલું છે. આ સંગઠનમાં માત્ર ઈસ્લામિક દેશો જ જોડાઈ શકે છે. તેનો મુખ્ય ઉદ્દેશ્ય આંતરરાષ્ટ્રીય શાંતિ અને સંવાદિતાનું નિર્માણ કરતી વખતે મુસ્લિમોનું રક્ષણ કરવાનો છે.

આ પણ વાંચોઃ આર્થિક વૃદ્ધિદર/ ચીનનું 2023 માટે આર્થિક વૃદ્ધિનું લક્ષ્યાંક 5%, જે દાયકાઓમાં સૌથી ઓછું

આ પણ વાંચોઃ Virat Kohli-Shoaib Akhtar/ હું કોહલીની પ્રશંસા શા માટે ન કરુઃ શોએબ અખ્તર

આ પણ વાંચોઃ નિર્મલા સીતારમણ/ સરકાર બધુ વેચી રહી હોવાના વિપક્ષના આરોપ સામે નાણાપ્રધાનનો વળતો પ્રહાર