ભારતમાં પેસેન્જર પ્લેનમાં ટેક્નિકલ ખામીની ઘટનાઓ અટકવાનું નામ નથી લઈ રહી. ઈન્ડિગો ની ફ્લાઇટ નંબર 6E-757 ગુરુવાથી ટેક-ઓફ પહેલા રદ કરવામાં આવી હતી. એવું કહેવામાં આવ્યું છે કે વિમાન આસામના જોરહાટથી બંગાળના કોલકાતા જઈ રહ્યું હતું. જો કે, જ્યારે તેને ટેક-ઓફ માટે લાવવામાં આવી રહ્યું હતું ત્યારે પ્લેન લપસી ગયું હતું. પાયલોટની સૂચના પર વિમાનને તપાસ માટે મોકલવામાં આવ્યું હતું. જોકે, પ્રારંભિક તપાસમાં ફ્લાઈટમાં કોઈ સમસ્યા જોવા મળી નથી. આ ઘટનામાં કોઈ મુસાફરને ઈજા થઈ નથી.
ઈન્ડિગોએ ટ્વીટ કરીને આ ઘટના અંગે આપી હતી જાણકારી
એક સ્થાનિક પત્રકારે ટ્વિટર પર એક તસવીર અપલોડ કરી હતી જેમાં એક પ્લેન રનવે પરથી લપસી ગયું હતું અને તેના પૈડા ઘાસમાં ફસાઈ ગયા હતા. ઈન્ડિગોને ટેગ કરતાં તેમણે કહ્યું કે ગુવાહાટી કોલકાતા ઈન્ડિગો ફ્લાઈટ 6F 757 (6E757) રનવે પરથી લપસી ગઈ અને આસામના જોરહાટ એરપોર્ટ પર કાદવવાળી જમીનમાં ફસાઈ ગઈ. ફ્લાઇટ બપોરે 2.20 વાગ્યે ઉપડવાની હતી, પરંતુ ઘટનાને પગલે ફ્લાઈટ મોડી પડી હતી.
તેમની પોસ્ટ પર પ્રતિક્રિયા આપતા ઈન્ડિગોએ કહ્યું, “સર, અમે આ ઘટનાને ખૂબ જ ગંભીરતાથી લઈ રહ્યા છીએ અને સંબંધિત ટીમ સાથે તરત જ આ મુદ્દો ઉઠાવી રહ્યા છીએ.” કૃપા કરીને તેના માટે DM દ્વારા PNR શેર કરો.
AAI અધિકારીએ જણાવ્યું હતું કે એરક્રાફ્ટમાં થોડી ટેકનિકલ ખામી હતી અને લગભગ 8:15 વાગ્યે ફ્લાઈટ રદ કરવામાં આવી હતી. વિમાનમાં 98 મુસાફરો સવાર હતા. તમામ મુસાફરો વિમાનમાંથી ઉતરી ગયા છે અને સુરક્ષિત છે. જ્યારે ઇન્ડિગોના પ્રવક્તાએ સંપર્ક કર્યો ત્યારે કહ્યું, “અમે હાલમાં માહિતીની ચકાસણી કરી રહ્યા છીએ.”
આ પણ વાંચો:અર્પિતા મુખર્જીની ધરપકડ બાદ ઘરમાંથી 4 લક્ઝુરિયસ કાર ગાયબ, EDના અધિકારીઓ તપાસમાં લાગ્યા
આ પણ વાંચો: ત્રિરંગો જ્યારે ફરકાવવા યોગ્ય સ્થિતિમાં ન હોય ત્યારે આપણે શું કરી શકીએ ?
આ પણ વાંચો:સંસદ ભવનમાં સાંસદો મચ્છરદાની લગાવી ઊંઘયા, 50 કલાકના સસ્પેન્શન સામે વિરોધ
