IPL 2022 ની મેગા ઓક્શન પહેલા ચાહકો જે સવાલનો જવાબ જાણવા માંગતા હતા તે હવે તેમને મળી ગયો છે. IPL 2022 માટે રીટેન્શનનાં નિયમો બહાર આવ્યા છે અને આ નિયમો અનુસાર વર્તમાન આઠ IPL ટીમો વધુમાં વધુ ચાર ખેલાડીઓને જાળવી શકે છે.
આ પણ વાંચો – Cricket / ભારતને વર્લ્ડકપ ટાઈટલ અપાવનાર આ દિગ્ગજ ખેલાડી બની શકે છે પાકિસ્તાન ટીમનો કોચ
IPL 2022 નાં રીટેન્શન નિયમો IPL 2022 મેગા ઓક્શન પહેલા બહાર આવ્યા છે. ESPN CricInfo નાં અહેવાલ મુજબ, જૂની આઠ ટીમો કુલ ચાર ખેલાડીઓને જાળવી શકે છે, જેમાં ત્રણ ભારતીય અને એક વિદેશી અથવા બે ભારતીય અને બે વિદેશી ખેલાડીઓનો સમાવેશ થાય છે. ઉપરાંત, IPL 2018 સીઝન પહેલાની અગાઉની મોટી હરાજીથી વિપરીત, ત્યાં કોઈ રાઈટ-ટૂ-મેચ કાર્ડ (RTM) હરાજી થશે નહીં. આ સિવાય રીટેન્શનને લઈને અંતિમ પસંદગી ખેલાડીઓની રહેશે. તેઓ નક્કી કરી શકે છે કે તેઓને જાળવી રાખવા અથવા હરાજીનાં પુલનો ભાગ બનવું છે. IPL 2022માં 10 ટીમો ખિતાબ માટે સ્પર્ધા કરતી જોવા મળશે. જે બે નવી ટીમો ઉમેરવામાં આવી છે તેમાં અમદાવાદ, લખનઉનો સમાવેશ થાય છે. BCCI એ આ બન્ને ટીમો પાસેથી મોટી કમાણી કરી છે. ખાનગી ઇક્વિટી ફર્મ CVC કેપિટલ પાર્ટનર્સે અમદાવાદ ફ્રેન્ચાઇઝી માટે રૂ. 5625 કરોડ ચૂકવ્યા છે અને RPSG વેન્ચર્સે BCCIને લખનઉ ફ્રેન્ચાઇઝી માટે રૂ. 7090 કરોડ આપ્યા છે.
આ પણ વાંચો –T20 World Cup / વેસ્ટ ઈન્ડિઝની ટીમે નિર્ણાયક મેચ માટે આ દિગ્ગજ ઓલરાઉન્ડર ખેલાડીને કર્યો ટીમમાં સામેલ
આ વખતે હરાજીમાં મોટા નામો સામેલ થશે. આગામી સીઝનમાં ટીમો સંપૂર્ણપણે બદલાયેલી જોવા મળશે. પાંચ વખતનાં ચેમ્પિયન મુંબઈ ઈન્ડિયન્સનાં સૂર્યકુમાર યાદવ અને ઈશાન કિશન બિડિંગમાં આવી શકે છે, જ્યારે ચેન્નાઈ સુપર કિંગ્સનાં સુરેશ રૈના અને ઋતુરાજ ગાયકવાડ પણ હરાજીમાં દેખાઈ શકે છે. વળી, સનરાઇઝર્સ હૈદરાબાદ છોડનાર ડેવિડ વોર્નરની પણ આ વખતે મોટી બોલી લાગી શકે છે. એવી શક્યતા છે કે તે નવી ટીમનો કેપ્ટન પણ બની શકે છે.
