રાનુ મંડળ પર બાયોપિક બનવા જઈ રહી છે, જે પોતાના શ્રેષ્ઠ અવાજથી સોશિયલ મીડિયા સેન્સેશન બની હતી. આ ફિલ્મનું નામ ‘મિસ રાનુ મારિયા’ છે અને તે ઋષિકેશ મંડળ દ્વારા નિર્દેશિત થનાર છે. પ્રખ્યાત અભિનેત્રી ઇશિકા ડે ફિલ્મમાં રાનુ મંડળની ભૂમિકા ભજવી રહી છે. તેમણે ઘણી બંગાળી અને હિન્દી ફિલ્મોમાં કામ કર્યું છે. આ રોલ કરવા પર ઇશિકાએ સિનેસ્ટાન સાથે ખાસ વાતચીત કરી. તે કહે છે કે, એક અભિનેતા તરીકે, હંમેશા સારા રોલ માટે મહેચ્છા રહે છે. મારા માટે આ એક સારું પાત્ર તે છે જેની પાસે ઘણા રંગો છે. મને આ ફિલ્મના માધ્યમથી મળયું . વળી, પહેલી વાર મને હિન્દી ફિલ્મમાં મુખ્ય પાત્ર ભજવવાની તક મળી. તેથી દેખીતી રીતે હું ખૂબ ખુશ છું. તે અનપેક્ષિત હતું અને હું ખૂબ જ ભાગ્યશાળી છું કે મને આ ભૂમિકા મળી.
આ રીતે ઈશિકા ડેએ રાનુ મંડળની બાયોપિકમાં તેની ભૂમિકા અંગે પોતાના મંતવ્યો વ્યક્ત કર્યા. તેમણે ‘પરી’ અને ‘લાલ કપ્તાન’ જેવી ઘણી હિન્દી ફિલ્મોમાં કામ કર્યું છે. તેણે નેટફ્લિક્સની પ્રખ્યાત શ્રેણી ‘સેક્રેડ ગેમ્સ’ના પહેલા ભાગમાં પણ કામ કર્યું છે. આ સિવાય, તેમણે બંગાળી ફિલ્મો ‘પુરબ પશ્ચિમ ઉત્તર અસબે’ અને ‘ગોલપર માયાજલ’ માં પોતાનો અભિનયનો પરચો આપ્યો હતો . રાનુ મંડળ અંગે તેમણે કહ્યું કે તેમની યાત્રા ખૂબ જ રસપ્રદ છે અને તેમાં ઘણા ઉતાર ચઢાવ આવ્યા છે.
ઉલ્લેખનીય છે કે મંડલ લતા મંગેશકરના ગીત ‘એક પ્યાર કા નગ્મા હૈ’માં પ્રખ્યાત થયા હતા. રાનુ મંડળ પશ્ચિમ બંગાળના રાણાઘાટ રેલવે સ્ટેશન પર લતા મંગેશકરના અવાજમાં ગીતો ગાતા હતા. આ રીતે એક દિવસ તે પોતાની પ્રતિભાથી સ્ટાર બની ગઈ. તેણે હિમેશ રેશમિયાની ‘તેરી મેરી કહાની’ નું ટાઇટલ સોંગ પણ ગાયું છે. આ સિવાય તેણે ઘણા રિયાલિટી શોમાં પરફોર્મ કર્યું છે. તેના ઘણા વીડિયો દરરોજ સોશિયલ મીડિયા પર વાયરલ થાય છે.
