રાષ્ટ્રપતિ રામનાથ કોવિંદ આજે શિક્ષક દિવસના ખાસ પ્રસંગે વર્ચ્યુઅલ કાર્યક્રમમાં દેશના 44 પ્રતિભાશાળી શિક્ષકોનું સન્માન કરશે. શિક્ષણ મંત્રાલયના સંયુક્ત સચિવ આર.સી.મીના દ્વારા આ અઠવાડિયે ગુણવાન શિક્ષકોની યાદી બહાર પાડવામાં આવી હતી. કોરોના ની મહામારી ના લીધે આ વર્ષે પણ આ તહેવાર વર્ચ્યુઅલ રીતે ઉજવવામાં આવી રહ્યો છે.
શિક્ષણ મંત્રાલયના સંયુક્ત સચિવ આર.સી. મીણાએ જણાવ્યું હતું કે, શિક્ષણ ક્ષેત્રે નોંધપાત્ર કામગીરી કરનાર 44 શિક્ષકોને આજે રાષ્ટ્રપતિ રામનાથ કોવિંદ રાષ્ટ્રીય શિક્ષક પુરસ્કારથી સન્માનિત કરવામાં આવશે. આ તમામ શિક્ષકોની પસંદગી જ્યુરી દ્વારા કરવામાં આવી છે. મીનાએ કહ્યું, હું જણાવવા માંગુ છું કે રાષ્ટ્રીય શિક્ષક પુરસ્કાર માટે પસંદગી જિલ્લા કક્ષાએ શરૂ થાય છે, અને પછી તે રાજ્ય સ્તરે થાય છે. છેલ્લે, રાષ્ટ્રીય સ્તરે ગુણવાન શિક્ષકોની પસંદગી કરવામાં આવે છે અને પસંદગી પામેલા તમામ શિક્ષકોને શિક્ષક દિવસે સન્માનિત કરવામાં આવે છે.
આ પણ વાંચો :સ્વામિનારાયણ મંદિર વધુ એક વખત વિવાદમાં,પાર્ષદે સગીર બાળકી સાથે આચર્યું દુષ્કર્મ
ગયા વર્ષે શિક્ષક દિન નિમિત્તે રાષ્ટ્રપતિ રામનાથ કોવિંદે 47 શિક્ષકોનું સન્માન કર્યું હતું. ઉલ્લેખનીય છે કે શિક્ષકો માટે રાષ્ટ્રીય પુરસ્કારો વર્ષ 1958 થી શરૂ કરવામાં આવ્યા હતા. રાષ્ટ્રીય શિક્ષક પુરસ્કાર માટે, અરજદારે શૈક્ષણિક ઉપરાંત સામાજિક કાર્ય, એનએસએસ, એનસીસી, સંસ્કૃતિ અને સમાજ માટે કરેલા નોંધપાત્ર કાર્ય વિશે માહિતી આપવી ફરજિયાત છે.
આજથી શિક્ષણ મંત્રાલય દ્વારા શિક્ષા પર્વ -2021 પણ શરૂ કરવામાં આવશે. આ કાર્યક્રમ ઓનલાઈન હાથ ધરવામાં આવશે અને 17 સપ્ટેમ્બર સુધી ચાલુ રહેશે. તમને જણાવી દઈએ કે ભારતના પૂર્વ રાષ્ટ્રપતિ ડો.સર્વપલ્લી રાધાકૃષ્ણનનો જન્મદિવસ (5 સપ્ટેમ્બર) ભારતમાં શિક્ષક દિવસ તરીકે ઉજવવામાં આવે છે. ભારતમાં, 1962 થી, ડો.સર્વપલ્લી રાધાકૃષ્ણનના જન્મદિવસનો ખાસ પ્રસંગ શિક્ષક દિવસ તરીકે ઉજવવામાં આવે છે.
આ પણ વાંચો :કેરળમાં નિપાહ વાયરસનો મળ્યો શંકાસ્પદ દર્દી, હોસ્પિટલમાં કરાયો દાખલ
