Lok Sabha Election 2024: કોંગ્રેસ નેતા રાહુલ ગાંધી (Rahul Gandhi)એ ઉમેદવારી નોંધાવ્યા બાદ ટ્વિટર પર લખ્યું, “રાયબરેલીથી નોમિનેશન મારા માટે ભાવનાત્મક ક્ષણ હતી! મારી માતાએ પરિવારની કર્મભૂમિ મને ખૂબ વિશ્વાસ સાથે સોંપી છે અને મને તેની સેવા કરવાની તક આપી છે. અમેઠી અને રાયબરેલી મારા માટે અલગ નથી, બંને મારા પરિવાર છે અને હું ખુશ છું કે 40 વર્ષથી આ વિસ્તારની સેવા કરી રહેલા કિશોરી લાલ જી અન્યાય સામે ચાલી રહેલી લડાઈમાં પાર્ટીનું પ્રતિનિધિત્વ કરશે, હું મારા પ્રિયજનોનો પ્રેમ અને આશીર્વાદ લઉં છું, મને વિશ્વાસ છે કે તમે બધા બંધારણ અને લોકશાહીને બચાવવાની આ લડાઈમાં મારી સાથે ઉભા છો.”
કોંગ્રેસે શુક્રવારે (3 મે) છેલ્લી ક્ષણે રાયબરેલી અને અમેઠી માટે પાર્ટીના ઉમેદવારોને લઈને સસ્પેન્સનો અંત લાવી દીધો. આ બંને બેઠકો પર 20 મેના રોજ પાંચમા તબક્કા દરમિયાન મતદાન થવાનું છે. પાર્ટીએ રાહુલ ગાંધીને રાયબરેલીથી અને કિશોરી લાલ શર્માને અમેઠીથી ઉમેદવાર બનાવ્યા છે.
કોંગ્રેસના નેતા રાહુલ ગાંધીએ શુક્રવારે પાર્ટીના રાષ્ટ્રીય અધ્યક્ષ મલ્લિકાર્જુન ખડગે, કોંગ્રેસ સંસદીય દળના અધ્યક્ષ સોનિયા ગાંધી, પાર્ટીના મહાસચિવ પ્રિયંકા ગાંધી અને રોબર્ટ વાડ્રાની સાથે રાયબરેલી બેઠક પરથી પોતાનું ઉમેદવારી પત્ર રજૂ કર્યું હતું. રાયબરેલીમાં રાહુલ ગાંધીનો સામનો દિનેશ પ્રતાપ સિંહ સાથે છે જેઓ કોંગ્રેસ છોડીને ભારતીય જનતા પાર્ટી (ભાજપ)માં જોડાયા હતા. દિનેશ સિંહ ઉત્તર પ્રદેશ સરકારમાં રાજ્યમંત્રી (સ્વતંત્ર હવાલો) પણ છે.
આ પણ વાંચો:શું ચૂંટણીના લીધે કેજરીવાલને મળશે જામીન?
આ પણ વાંચો:સેક્સ સ્કેન્ડલ કેસમાં પ્રજ્વલ સાથે જોવા મળેલી મહિલાનું અપહરણ
આ પણ વાંચો:નક્સલવાદીઓના ગઢમાં જ સુરક્ષા દળોના ધામા, સુકમા જિલ્લામાં ભારે ગોળીબાર
આ પણ વાંચો:ચોથા તબક્કામાં 10 રાજ્યો અને કેન્દ્રશાસિત પ્રદેશોમાં કુલ 1717 ઉમેદવારો લડશે ચૂંટણી
