હિન્દી સિનેમાની પ્રખ્યાત અભિનેત્રી સાયરા બાનોના ચાહકો માટે ખરાબ સમાચાર સામે આવી રહ્યા છે. દિગ્ગજ અભિનેત્રી સાયરા બાનોને હોસ્પિટલમાં દાખલ કરવામાં આવ્યા છે. તેમને ICU માં દાખલ કરવામાં આવ્યા છે. સાયરા બાનો હિન્દી સિનેમાના ટ્રેજેડી કિંગ દિલીપ કુમારના પત્ની છે. આ વર્ષે જુલાઈમાં દિલીપ કુમારનું નિધન થયું હતું. ત્યારથી સાયરા બાનો સમાચારોથી દૂર છે.
આ પણ વાંચો :પાયલ રોહતગી સામે દાખલ કરાઈ FIR, મહાત્મા ગાંધી, જવાહરલાલ નહેરુ પર કરી હતી આપત્તિજનક ટિપ્પણી
મીડિયા રિપોર્ટ મુજબ, સાયરા બાનોનું ઓક્સિજન લેવલ પણ ઓછું થઈ રહ્યું છે. જેના કારણે શ્વાસ લેવામાં તકલીફ થઈ રહી છે. હજી સાયરા બાનોને 3-4 દિવસ હોસ્પિટલમાં રાખવા પડશે તેવી માહિતી પ્રાપ્ત થઈ છે.
અભિનેત્રી સાયરા બાનોએ પ્રથમ વખત 29 ઓગસ્ટ 2021 ના રોજ બ્લડ પ્રેશરની ફરિયાદ કરી હતી. પછી અચાનક તેની તબિયત બગડી, ત્યારબાદ તેને હિન્દુજા હોસ્પિટલમાં દાખલ કરવામાં આવ્યા. કહેવામાં આવી રહ્યું છે કે અત્યારે સાયરા બાનુની તબિયત સ્થિર છે. તે જ સમયે, તેમનું બીપી સામાન્ય થતું નથી, જેનો અર્થ છે કે ઓક્સિજનનું સ્તર ઓછું છે, જેના કારણે શ્વાસ લેવામાં પણ તકલીફ પડે છે.
આ પણ વાંચો : કશ્મીર કી કલી બની સારા અલી ખાન, ફૂલના બગીચાની વચ્ચે કર્યો આવો ડાન્સ
આપને જણાવી દઈએ કે લગભગ બે મહિના પહેલા અભિનેત્રી સાયરા બાનોના પતિ અને દિગ્ગજ અભિનેતા દિલીપ કુમારનું નિધન થયું હતું, ત્યારબાદ સાયરા સંપૂર્ણપણે એકલા થઈ ગયા છે. દિલીપ કુમારે 98 વર્ષની વયે દુનિયાને અલવિદા કહી દીધું હતું. દિલીપ કુમાર લાંબા સમયથી બીમાર હતા અને તેમની સતત સારવાર ચાલી રહી હતી. દિલીપ કુમાર પણ બીમાર પડ્યા બાદ હિન્દુજા હોસ્પિટલમાં દાખલ થયા હતા. તેમણે આ હોસ્પિટલમાં અંતિમ શ્વાસ લીધા હતા.
આ પણ વાંચો :અરમાન કોહલીની વધી શકે છે મુશ્કેલીઓ, ડ્રગ કેસમાં 2 વિદેશી નાગરિક પકડાયા
ઉલ્લેખનીય છે કે, સાયરા બાનોએ પોતાના કરિયરની શરૂઆત 1961માં ફિલ્મ ‘જંગલી’ દ્વારા કરી હતી. આ સિવાય તેમણે ‘પડોસન’, ‘પૂરબ ઓર પશ્ચિમ’, ‘ઝમીર’ જેવી ફિલ્મોમાં કામ કર્યું હતું. સાયરાએ અગાઉ એક ઈન્ટરવ્યૂમાં જણાવ્યું હતું કે, તેઓ 12 વર્ષની ઉંમરે દિલીપ કુમારના પ્રેમમાં પડ્યા હતા. સાયરા કરતાં દિલીપ કુમાર ઉંમરમાં 22 વર્ષ મોટા હતા. સાયરા બાનો જ્યારે 22 વર્ષના હતા ત્યારે તેમણે દિલીપ કુમાર સાથે લગ્ન કર્યા હતા અને વખતે દિલીપ કુમારની ઉંમર 44 વર્ષ હતી.
આ પણ વાંચો :અભિનેત્રી રૂબીના દિલેકની પહેલી ફિલ્મ ‘અર્ધ’નું શૂટિંગ શરૂ, ફિલ્મનું પોસ્ટર કર્યું શેર
આ પણ વાંચો :બોલીવુડના ભાઈજાન સલમાન ખાનની પહેલી ફી કેટલી હતી? જાણીને થઈ જશો હેરાન
