શિલ્પા શેટ્ટીનું નામ પોર્નોગ્રાફી કેસમાં આવતા રાજ કુંદ્રા ભડક્યો

Entertainment News : 29 નવેમ્બરે એન્ફોર્સમેન્ટ ડિરેક્ટોરેટે પોર્નોગ્રાફી કેસમાં રાજ કુંદ્રા-શિલ્પા શેટ્ટીના ઘર પર દરોડા પાડ્યા હતા. રાજ કુંદ્રાની ઓફિસ પર પણ દરોડા પાડવામાં આવ્યા હતા, જોકે હવે આ મામલે જ્યારે શિલ્પા શેટ્ટીનું નામ સામે આવ્યું તો રાજ કુંદ્રા ગુસ્સે થઈ ગયો અને નિવેદન આપ્યું છે. તેણે કહ્યું હતું કે આ મામલે તેની પત્નીનું નામ વારંવાર લેવામાં આવી રહ્યું છે, એ સહન કરવામાં આવશે નહીં.

રાજ કુંદ્રાએ પોતાના ઓફિશિયલ ઈન્સ્ટાગ્રામ એકાઉન્ટ પરથી એક સ્ટોરી પોસ્ટ કરી છે, જેમાં લખ્યું છે કે એ લોકો માટે જેનો આની સાથે સંબંધ છે, મીડિયાને નાટક બતાવવાનો શોખ છે, તો ચાલો રેકોર્ડ બનાવીએ. હું છેલ્લાં 4 વર્ષથી ચાલી રહેલી તપાસમાં સંપૂર્ણ સહકાર આપી રહ્યો છું. જ્યાં સુધી સહયોગીઓના દાવાઓ, પોર્નોગ્રાફી અને મની લોન્ડરિંગનો સંબંધ છે તો એટલું જ કહેવાની જરૂર છે, અમુક લેવલના સનસનાટીભર્યા સમાચાર વિશ્વાસને ઠેસ પહોંચાડી શકશે નહીં. અંતે, ન્યાયનો વિજય થશે.

રાજ કુંદ્રા આગળ લખે છે, મીડિયા માટે નોંધ, મારી પત્નીનું નામ વારંવાર આ મામલામાં ખેંચવું અસ્વીકાર્ય છે, કારણ કે તેને કોઈ લેવાદેવા નથી. મહેરબાની કરીને સીમાઓનો આદર કરો.શિલ્પા શેટ્ટીના વકીલ પ્રશાંત પાટીલે પણ કહ્યું હતું કે એક્ટ્રેસનું નામ આ કેસમાં ન ખેંચવું જોઈએ. પ્રશાંત પાટીલે એક નિવેદનમાં કહ્યું હતું કે મીડિયામાં એવા અહેવાલો છે કે મારા ક્લાયન્ટ શ્રીમતી શિલ્પા શેટ્ટી કુન્દ્રાના ઘર પર એન્ફોર્સમેન્ટ ડિરેક્ટોરેટ દ્વારા દરોડા પાડવામાં આવ્યા છે. આ સમાચાર ગેરમાર્ગે દોરનારા અને ભ્રામક છે. તેને આ કેસ સાથે કોઈ લેવાદેવા નથી. જોકે આ મામલો રાજ કુન્દ્રા સામે ચાલી રહેલા કેસ સાથે જોડાયેલો છે, પરંતુ એ સત્ય બહાર લાવવામાં પોલીસને સહકાર આપી રહ્યો છે. અમે મીડિયાને વિનંતી કરીએ છીએ કે આ કેસમાં શિલ્પા શેટ્ટીનું નામ, ફોટો કે વીડિયોનો ઉપયોગ ન કરે, કારણ કે તેને આ કેસ સાથે કોઈ લેવાદેવા નથી.

રાજ કુંદ્રા છેલ્લા ઘણા સમયથી પોર્નોગ્રાફીના કેસમાં ફસાયેલો છે. એવો આરોપ છે કે રાજ કુન્દ્રા પોર્ન ફિલ્મો બનાવે છે અને તેને તેની એપ ‘હોટશોટ’ દ્વારા લોકોને ઉપલબ્ધ કરાવતો હતો. તેની આ એપ પહેલાં ગૂગલ અને એપલમાં ઉપલબ્ધ હતી, જોકે 2021માં તેની સામેના કેસ બાદ એને હટાવી દેવામાં આવી હતી. રાજ કુંદ્રાની જુલાઈ 2021માં આ કેસમાં ધરપકડ પણ કરવામાં આવી હતી. રાજને 63 દિવસ જેલમાં રહેવું પડ્યું હતું. તેને ચોક્કસ જામીન મળી ગયા છે, પરંતુ કેસ હજુ ચાલી રહ્યો છે.

ફેબ્રુઆરી 2021માં પોલીસે મઢ આઇલેન્ડ પર દરોડા પાડ્યા અને પોર્ન રેકેટનો પર્દાફાશ કર્યો. આ કેસમાં ટીવી એક્ટ્રેસ ગેહના વશિષ્ઠનું નામ સામે આવ્યું છે. રાજ કુંદ્રાની કંપની વિહાન એન્ટરપ્રાઇઝમાં કામ કરતા ઉમેશ કામત વિશે પોલીસને ગેહના પાસેથી જાણ થઈ હતી.
ઉમેશ તમામ વીડિયો રાજ કુંદ્રાના લંડનસ્થિત સાળા પ્રદીપ બક્ષીને શેરિંગ એપ્લિકેશન દ્વારા મોકલતો હતો. પ્રદીપ કેનરિન કંપનીની એપ પર તમામ વીડિયો અપલોડ કરતો હતો. ઉમેશ રાજની ઓફિસમાંથી જ આ ટ્રાન્સફર કરાવતો હતો.
ચાર્જશીટ મુજબ ઉમેશના મોબાઈલમાંથી ‘હોટશોટ’ એપનું એકાઉન્ટ અને ‘હોટશોટ’ ટેકન ડાઉન નામનાં બે વ્હોટ્સએપ ગ્રૂપ મળ્યાં હતાં. આ બંને જૂથના સંચાલક પણ રાજ હતા.’હોટશોટ’ અને ‘બોલી ફેમ’ એપના કન્ટેન્ટ પર કામ કરતા લોકોને પેમેન્ટ, ગૂગલ અને એપલ તરફથી પેમેન્ટ, રાજ અને તેની કંપનીના આઈટી હેડ રેયાન થર્પ, ઉમેશ, પ્રદીપ બક્ષી અને અન્ય કર્મચારીઓ વચ્ચે વ્હોટ્સએપમાં ચેટ થઈ હતી. જૂથ મેલ મોકલવામાં આવ્યા હતા. આવકની વિગતો વગેરેનો સંગ્રહ કરવામાં આવ્યો હતો.આ બધું મેળવ્યા બાદ ખબર પડી કે રાજ આ સમગ્ર રેકેટનો માસ્ટરમાઈન્ડ છે, તે પ્રદીપ બક્ષી મારફત અશ્લીલ વીડિયો અપલોડ કરતો હતો અને એના બદલામાં પૈસા કમાઈ લેતો હતો.
શર્લિન, પૂનમ પાંડે પણ આરોપી હતાં.

જુલાઈ 2021માં આ કલમો હેઠળ ધરપકડ કરવામાં આવી હતી

IPC કલમ 292, 296 – અશ્લીલ કન્ટેન્ટ બનાવવું અને વેચવું
કલમ 420 – વિશ્વાસઘાત, છેતરપિંડી
ઇન્ફોર્મેશન ટેક્નોલોજી એક્ટની કલમ 67, 67(A) – ઇલેક્ટ્રોનિક સ્વરૂપમાં અશ્લીલ સામગ્રી પોસ્ટ કરવી અને એનું પ્રસારણ કરવું
મહિલાઓનું અશિષ્ટ પ્રતિનિધિત્વ (પ્રતિબંધ) અધિનિયમ, કલમ 2 (જી) 3, 4, 6, 7 – મહિલાઓને લગતી અશ્લીલ ફિલ્મો બનાવવી, વેચવી અને એનું પ્રસારણ કરવું.