વર્ષ 2019માં વડાપ્રધાન નરેન્દ્ર મોદીની ભત્રીજીની બેગ આંચકીને ચોર ભાગી ગયો હતો. પીએમ મોદીની ભત્રીજી ઓટો રિક્ષામાંથી ઉતરી રહી હતી ત્યારે ચોર તેની બેગ લઈને ભાગી ગયો હતો. દિલ્હી પોલીસે ફરી એકવાર તે વ્યક્તિની ધરપકડ કરી છે. દિલ્હી પોલીસ અધિકારીઓ પાસેથી મળેલી માહિતી અનુસાર, બાદલ નામનો આરોપી આ પહેલા પણ અનેક ગુનાહિત કેસોમાં પકડાઈ ચૂક્યો છે.

કરવા જઈ રહ્યો હતો આ ગુનો

દિલ્હી પોલીસના એક અધિકારીએ જણાવ્યું કે બાદલની સુલ્તાનપુરી વિસ્તારમાંથી ધરપકડ કરવામાં આવી હતી. આ પહેલા પણ બાદલની અનેકવાર ધરપકડ થઈ ચૂકી છે. બાદલે વર્ષ 2019માં પીએમ મોદીની ભત્રીજીની બેગ છીનવી લીધી હતી. એક પોલીસ અધિકારીએ TOIને જણાવ્યું કે આરોપી બાદલ સુલ્તાનપુરી વિસ્તારમાં બાઇક પર જોવા મળ્યો હતો. આરોપીની તલાશી લેતા તેના ખિસ્સામાંથી છરી પણ મળી આવી હતી. તપાસમાં પોલીસને ખબર પડી કે આરોપી જે બાઇક પર સવાર હતો તે ચોરીની બાઇક હતી. પૂછપરછ દરમિયાન બાદલે જણાવ્યું કે તે સ્નેચિંગની ઘટનાને અંજામ આપવા જઈ રહ્યો હતો.

PM મોદીની ભત્રીજીની બેગમાં શું હતું?

વર્ષ 2019માં બાદલ નામના વ્યક્તિએ પીએમ મોદીની ભત્રીજીની બેગ છીનવી લીધી હતી. પીએમ મોદીની ભત્રીજી દિલ્હીના એક ગેસ્ટ હાઉસ પાસે ઓટો રિક્ષામાંથી નીચે ઉતરી રહી હતી. દરમિયાન એક વ્યક્તિએ તેની બેગ આંચકી લીધી હતી. પીએમ મોદીની ભત્રીજીની બેગમાં 56,000 રૂપિયા રોકડા અને બે સ્માર્ટફોન પણ હતા. તેની બેગમાં અમદાવાદ પરત જવા માટે પ્લેનની ટિકિટ અને અન્ય કેટલાક જરૂરી દસ્તાવેજો પણ હતા.

પોલીસ પાસેથી પ્રાપ્ત માહિતી અનુસાર, બાદલને 22 જાન્યુઆરી 2023ના રોજ જામીન પર મુક્ત કરવામાં આવ્યો હતો. દિલ્હી પોલીસે ફરી એકવાર બાદલની સુલ્તાનપુરી વિસ્તારમાંથી ધરપકડ કરી છે. પોલીસે જણાવ્યું કે બાદલ આ વર્ષે કુલ 18 ગુનાહિત કેસમાં સંડોવાયેલો છે. એક પોલીસ અધિકારીએ જણાવ્યું કે પોલીસ બાદલના જામીન રદ કરાવવા માટે કોર્ટનો સંપર્ક કરવા જઈ રહી છે.

આ પણ વાંચો:અગ્નિપથ સ્કીમમાં મોટો ફેરફાર, હવે આ લોકો પણ કરી શકશે અરજી

આ પણ વાંચો:ધીરેન્દ્ર શાસ્ત્રીના ભાઈ સામે FIR, દલિત પરિવારને બંદૂકની અણી પર ધમકાવાયા

આ પણ વાંચો: જોશીમઠમાં તિરાડ બાદ બદ્રીનાથ હાઈવે પર તિરાડો, ચારધામ યાત્રા શરૂ થાય તે પહેલા વધી ચિંતા

આ પણ વાંચો:બાળકો પસંદ છે તેમ છતાં 52 વર્ષની ઉંમર સુધી કેમ કુંવારા છે રાહુલ ગાંધી, આપ્યો આ જવાબ