Hezbollah-Ibrahim Aqeel: ઇઝરાયેલ (Israel) અને લેબનીઝ (Labinz) ઉગ્રવાદી જૂથ હિઝબુલ્લાહ (Hezbollah) વચ્ચે યુદ્ધ તીવ્ર બની રહ્યું છે. ઇઝરાયેલે પહેલા પેજર, પછી વોકી-ટોકી અને સોલાર પેનલ્સમાં વિસ્ફોટક છુપાવીને હિઝબોલ્લાહ લડવૈયાઓને નિશાન બનાવ્યા. જે બાદ હિઝબુલ્લાના ચીફ નસરાલ્લાહે પણ ઈઝરાયેલને ધમકી આપી હતી. આ યુદ્ધ વચ્ચે ઈઝરાયેલે શુક્રવારે લેબનોનની રાજધાની બેરૂત પર મોટો હુમલો કર્યો હતો. જેમાં હિઝબુલનો ટોપ કમાન્ડર ઈબ્રાહિમ અકીલ (Ibrahim Aqeel) માર્યો ગયો હતો.
કોણ હતો ઈબ્રાહીમ અકીલ?
બેરૂતને હિઝબુલ્લાહનો ગઢ માનવામાં આવે છે. શુક્રવારે ઈઝરાયેલ દ્વારા કરવામાં આવેલા આ હુમલામાં આઠ લોકો માર્યા ગયા હતા. જ્યારે ડઝનેક ઘાયલ થયા હતા. ઈબ્રાહિમ અકીલ હિઝબુલ્લાહના રદવાન ફોર્સનો ટોપ કમાન્ડર હતો. કહેવાય છે કે તે ખૂબ જ શક્તિશાળી હતો. તે હિઝબુલ્લાહ સશસ્ત્ર દળોના બીજા સૌથી પ્રખ્યાત કમાન્ડર પણ હતા. આ પહેલા ઈઝરાયેલે જુલાઈમાં આઈડીએફ હુમલામાં ટોચના કમાન્ડર ફુઆદ શુકરને માર્યો હતો. ઇબ્રાહિમે તેના મૃત્યુ પછી ફુઆદનું સ્થાન લીધું. જોકે, હિઝબુલ્લાએ તેના મૃત્યુની પુષ્ટિ કરી નથી.
આ આરોપ હતો
ઈબ્રાહિમ અકીલ પર ઈઝરાયેલના ઈન્ટેલિજન્સ બેઝ પર હુમલો કરવાનો આરોપ હતો. આ હુમલામાં અનેક લોકોએ જીવ ગુમાવ્યા હતા. ઈઝરાયેલે હવે હિઝબુલ્લાહ પાસેથી બદલો લીધો છે. ખાસ વાત એ છે કે અમેરિકાએ તેના પર 7 મિલિયન યુએસ ડોલર એટલે કે લગભગ 58 કરોડ રૂપિયાનું ઈનામ પણ જાહેર કર્યું હતું. તમને જણાવી દઈએ કે આ પહેલા ઈઝરાયેલે પેલેસ્ટિનિયન આતંકી સંગઠન હમાસના લીડર સાલેહ અલ-અરુરીને પણ ખતમ કરી દીધો હતો. બેરૂતમાં ઈઝરાયેલનો આ ત્રીજો મોટો હુમલો છે.
ઉલ્લેખનીય છે કે 7 ઓક્ટોબર 2023ના રોજ હમાસે ગાઝા પર હુમલો કર્યો હતો. આ યુદ્ધ પછીથી, ઇઝરાયેલ સૈનિકો અને હિઝબુલ્લાહ લડવૈયાઓ ઇઝરાયેલ-લેબનોન સરહદ પર એકબીજા સાથે યુદ્ધમાં સામેલ છે. હમાસના નબળા પડ્યા બાદ યુદ્ધ ઈઝરાયેલની ઉત્તરીય સરહદ તરફ આગળ વધ્યું છે.
આ પણ વાંચો:લેબનોન પેજર બ્લાસ્ટ બાદ ઇઝરાયેલના 8200 ગુપ્તચર એકમની દુનિયાભરમાં ચર્ચા
આ પણ વાંચો:ગાઝા યુદ્ધ દરમ્યાન ઇઝરાયેલમાં આતંરિક લડાઈ, PM નેતન્યાહૂ અને સંરક્ષણપ્રધાન વચ્ચે ઘર્ષણ
આ પણ વાંચો:ગાઝા યુદ્ધવિરામ વાટાઘાટો અટકી, લોકોને વિસ્તાર ખાલી કરવાનો ઇઝરાયેલનો આદેશ
