અભિનેત્રી જ્હાનવી કપૂરની આગામી ફિલ્મ ‘ગુંજન સક્સેના, ધ કારગિલ ગર્લ’ને લઇને જબરદસ્ત ચર્ચામાં રહી છે. ફિલ્મનું પોસ્ટર રિલીઝ થયું ત્યારથી જ દરેક લોકો આ ફિલ્મમાં જ્હાનવી કપૂરનો બદલાયેલ લુક જોવા માટે ઉત્સાહિત છે. હવે આ જ ઉત્સાહને બમણો કરવા માટે ફિલ્મ ગુંજન સક્સેનાનું ટ્રેલર પણ રિલીઝ થયું છે.
ગુંજન સક્સેનાનું ટ્રેલર રિલીઝ
જ્હાનવી કપૂર ગુંજન સક્સેના ધ કારગિલ ગર્લના ટ્રેલરમાં શ્રેષ્ઠ જોવા મળી છે. તેણે ભારતીય વાયુ સેનાના ફ્લાઈંગ ઓફિસરની ભૂમિકા નિભાવી છે. ફિલ્મનું ટ્રેલર જોઇને ખબર પડે છે કે ગુંજન સક્સેનાના જીવનને નજીકથી બતાવવા પર ભાર મૂકવામાં આવ્યો છે. ટ્રેલરમાં, કારગિલ યુદ્ધની કેટલીક ઝલક છે જે રુંવાડા ઉભા કરી દે છે. ટ્રેલરમાં એ પણ બતાવવામાં આવ્યું છે કે ગુંજન સક્સેના એરફોર્સમાં આવતાની સાથે જ કેટલા મોટા ફેરફારો થાય છે. તેઓ ત્યાંના છોકરાઓ કરતાં નબળા કેવી રીતે માનવામાં આવે છે, તેઓ તેમને કેવી રીતે નીચું બતાવાનો પ્રયાસ કરે છે. પરંતુ આ બધું હોવા છતાં, ગુંજન સક્સેના ભારતીય વાયુ સેનાના બહાદુર પાયલોટ બનીને ઉભરી આવ્યા છે.
કારગિલ ગર્લ તરીકે જાણીતા ગુંજન સક્સેનાએ કારગિલ યુદ્ધમાં બતાવ્યું હતું કે મહિલાઓ પણ યુદ્ધ દરમિયાન વિમાન ઉડાવી શકે છે અને સક્રિય ભૂમિકા ભજવીને યુદ્ધના પરિણામને બદલી શકે છે. તે ભાવના ફિલ્મના ટ્રેલરમાં પણ સ્પષ્ટપણે અનુભવી શકાય છે.
12 ઓગસ્ટે થશે ફિલ્મ રિલીઝ
ટ્રેલરમાં ગુંજન સક્સેનાના પિતાની ભૂમિકામાં જોવા મળેલ પંકજ ત્રિપાઠી પણ શક્તિશાળી તરીકે જોવા મળી રહ્યા છે. ગુંજનના જીવનમાં પણ તેમના પિતાની ભૂમિકા મહત્વપૂર્ણ માનવામાં આવે છે. આવી સ્થિતિમાં, દરેકની નજર તેના પાત્ર પર રહેશે. ટ્રેલર જોઇને એ પણ બતાવ્યું છે કે દેશને ગુંજન સક્સેનાના અંગત જીવન અને તેના સંઘર્ષથી પણ વાકેફ કરવામાં આવશે. આવી સ્થિતિમાં જ્હાનવીની આ નવી ફિલ્મને લઇને ભારે ઉત્તેજના છે. આ સાથે જ ગુંજન સક્સેનાનું ટ્રેલર સોશિયલ મીડિયા પર પણ ટ્રેન્ડ થયું છે.
આપને જણાવી દઈએ કે, ગુંજન સક્સેના 12 ઓગસ્ટે નેટફ્લિક્સ પર રીલિઝ થઈ રહી છે. કારણ કે આ ફિલ્મ સ્વતંત્રતા દિવસની નજીક રિલીઝ થઈ રહી છે, તેની સફળતાની સંભાવનાઓ પણ ઉચ્ચ માનવામાં આવે છે. આ ફિલ્મનું દિગ્દર્શન શરણ શર્માએ કર્યું છે. અંગદ બેદી અને વિનીતકુમાર સિંહે પણ તેમાં મહત્વની ભૂમિકાઓ ભજવી છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
