શુક્રવારે 8 માર્ચે ચૂંટણી કમિશનર અરુણ ગોયલે તેમના પદ પરથી રાજીનામું આપી દીધું હતું. તેમના રાજીનામા બાદ હવે બે ચૂંટણી કમિશનરની જગ્યાઓ ખાલી છે. હવે આ પદો પર નિમણૂક માટે વડાપ્રધાન નરેન્દ્ર મોદીની અધ્યક્ષતામાં 15 માર્ચે બેઠક યોજવામાં આવી શકે છે. સૂત્રોએ જણાવ્યું હતું કે વડાપ્રધાનની આગેવાની હેઠળની પેનલ ચૂંટણી કમિશનરની ખાલી જગ્યાઓ ભરવા માટે 15 માર્ચે સાંજે 6 વાગ્યે બેઠક કરશે.

અરુણ ગોયલે 8 માર્ચે આપ્યું હતું રાજીનામું

જણાવી દઈએ કે લોકસભા ચૂંટણીની જાહેરાતના થોડા દિવસો પહેલા ચૂંટણી કમિશનર અરુણ ગોયલે 8 માર્ચે રાજીનામું આપી દીધું હતું. અગાઉ એક ચૂંટણી કમિશનર અનુપ ચંદ્ર પાંડે ફેબ્રુઆરીમાં નિવૃત્ત થયા હતા. ત્રણ સભ્યોના કમિશનમાં માત્ર મુખ્ય ચૂંટણી કમિશનર રાજીવ કુમાર જ બાકી છે. અરુણ ગોયલે કહ્યું છે કે તેમના રાજીનામા પાછળનું કારણ વ્યક્તિગત હતું પરંતુ એવું કહેવામાં આવી રહ્યું છે કે તેમની અને મુખ્ય ચૂંટણી કમિશનર વચ્ચે મતભેદ હતા.

પંજાબ કેડરના નિવૃત્ત IAS અધિકારી

ઉલ્લેખનીય છે કે અરુણ ગોયલ 1985 બેચના પંજાબ કેડરના નિવૃત્ત IAS અધિકારી છે. તેમણે 18 નવેમ્બર 2022 ના રોજ સચિવ (ભારે ઉદ્યોગ) ના પદ પરથી VRS લીધું હતું. એક દિવસ પછી તેમને ચૂંટણી કમિશનર બનાવવામાં આવ્યા. ગોયલ તાજેતરમાં જ ચૂંટણીની તૈયારીઓ માટે વિવિધ રાજ્યોની મુલાકાતે હતા. જો કે, સ્વાસ્થ્યના કારણોસર પ્રવાસ અધવચ્ચે જ પડતો મૂકવામાં આવ્યો હતો. ગોયલને ચૂંટણી કમિશનર બનાવવામાં આવ્યા ત્યારે પણ ઘણો વિવાદ થયો હતો અને તેમની નિમણૂક સામે સુપ્રીમ કોર્ટમાં અરજી દાખલ કરવામાં આવી હતી.

આ પણ વાંચો:રાજસ્થાનમાં આવતીકાલે સવારથી 48 કલાક બંધ રહેશે પેટ્રોલ પંપ, જાણો કેમ થઈ રહી છે હડતાળ

આ પણ વાંચો:NDA માં ચંદ્રબાબુ નાયડુની ફરીથી એન્ટ્રી, આંધ્રપ્રદેશમાં ડીલ થઈ ફાઇનલ, જાણો શું છે ફોર્મુલા?

આ પણ વાંચો:TMCના લોકોને ભત્રીજાની અને કોંગ્રેસને દીકરા-દીકરની ચિંતા, PM નરેન્દ્ર મોદીનો પરિવારવાદ પર પ્રહાર

આ પણ વાંચો:ગૃહમંત્રી અમિત શાહે લાલુ યાદવને આપી ચેતવણી, કહ્યું- જમીન પર અતિક્રમણ કરનારાની ખેર નહીં