સ્થળાંતર કામદારોને તેમના ઘરે પહોંચવામાં મદદ કરવા માટે ચર્ચામાં આવેલ બોલીવુડ અભિનેતા સોનુ સૂદે તેમના લાગેલા તમામ આક્ષેપોને નકારી કાઢ્યા છે કે તેઓ રાજકારણમાં આવવા માંગે છે. તેમણે કહ્યું કે તેઓ જે કરી રહ્યા છે, તે ‘સંપૂર્ણ પ્રેમવશ’ છે. અભિનેતા ઘરે પરત આવવા માટે બેચેન હજારો મજૂરો માટે પરિવહનની વ્યવસ્થા કરી રહ્યા છે, અને તેમને સ્થળાંતર કામદારોના મસીહાનું બિરુદ આપવામાં આવી રહ્યું છે.
સોનુ સૂદ એક ન્યુઝ એજન્સી સાથે વાત કરતા જણાવ્યું કે, મારે રાજકારણ સાથે કોઈ લેવાદેવા નથી. કામદારો પ્રત્યેના મારા પ્રેમને કારણે હું આ કરી રહ્યો છું. હું તેમના પરિવારને મળવા તેમને મદદ કરવા માંગું છું. ‘ તેમનો અંદાજ છે કે તેમણે 18,000 થી 20 હજાર કામદારોને તેમના વતન રાજ્યો ઓડિશા, બિહાર, ઉત્તર પ્રદેશ અને ઝારખંડ પાછા ફરવામાં મદદ કરી છે.
સૂદે કહ્યું, ‘હું ઈચ્છું છું કે દરેક મજૂર તેના ઘરે પહોંચે ત્યાં સુધી કામ કરતો રહ્યું. પ્રવાસ સંપૂર્ણ જોમ સાથે ચાલુ રહેશે. કોઈએ બેઘર ન રહેવું જોઈએ. અમે ઇચ્છીએ છીએ કે તેઓ સુરક્ષિત રીતે તેમના ઘરે પહોંચે. ‘ બાંદ્રા ટર્મિનસની બહાર પોલીસે સોમવારે રાત્રે તેમને કામદારોને મળવા પર પ્રતિબંધ મૂક્યો હતો.
પંજાબના મોગાથી મુંબઇ આવેલા 46 વર્ષીય અભિનેતાએ ‘દબંગ’ અને ‘જોધા અકબર’ જેવી ફિલ્મોથી છાપ ઉભી કરી છે. સોનુએ મહારાષ્ટ્રના રાજ્યપાલ ભગત સિંહ કોશ્યારી અને મુખ્ય પ્રધાન ઉદ્ધવ ઠાકરેને મળ્યા, જેમણે કામદારોને તેમના ઘરે પહોંચવામાં મદદ કરવા બદલ પ્રશંસા કરી. મહારાષ્ટ્રમાં સત્તાધારી શિવસેનાના સાંસદ સંજય રાઉતે તેમની ટીકા કરી હતી કે શું લોકડાઉન વચ્ચે ભાજપે તેમને કામદારોની મદદ કરવા દબાણ કર્યું છે જેથી સરકારની છબીને દૂષિત કરી શકાય.
સંરક્ષણ પ્રધાન રાજનાથ સિંહે કામદારો માટે કામ કરવા બદલ સૂદની પ્રશંસા કરી છે. સૂદે કહ્યું, ‘હું તેને પ્રેમ કરું છું કારણ કે હું પણ મુંબઇમાં સ્થળાંતર કરીને આવ્યો હતો. એક દિવસ હું ટ્રેનમાં સવાર થઈને અહીં પહોંચ્યો. દરેક જણ સારા ભવિષ્યનું સપનું જોતા મહાનગરમાં આવે છે. ‘
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને FaceBook, Twitter, Instagram અને YouTubeપર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “Mantavya News” ની નવી મોબાઇલ એપ્લિકેશન….
