ભારતમાં ઓક્સફર્ડ યુનિવર્સિટીની કોરોના રસીનાં બીજા અને ત્રીજા તબક્કાનાં ક્લિનિકલ ટ્રાયલ્સનો રસ્તો સાફ થઇ ગયો છે. સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઇઝેશન (સીડીએસસીઓ) નાં વિષેનાં નિષ્ણાતોની સમિતિએ સીરમ ઇન્સ્ટિટ્યૂટ ઓફ ઇન્ડિયાને રસીનાં બીજા અને ત્રીજા તબક્કાનાં ક્લિનિકલ ટ્રાયલ્સને મંજૂરી આપવાની ભલામણ કરી છે.
આરોગ્ય મંત્રાલયનાં એક અધિકારીએ જણાવ્યું હતું કે, સંપૂર્ણ મૂલ્યાંકન પછી, સબજેક્ટ એક્સપર્ટ કમિટી (એસઈસી) એ ડ્રગ કંટ્રોલર જનરલ ઓફ ઈન્ડિયા (ડીસીજીઆઈ) ને તેની ભલામણ મોકલી છે, જેમા સીરમ ઇસ્ટીટ્યૂટને ઓક્સફર્ડની વેક્સીન કૈંડિડેટને બીજા અને ત્રીજા તબક્કાનં હ્યુમન ટ્રાયલ માટે મંજૂરી આપવાના વાત કહી છે. આ અઠવાડિયાની શરૂઆતમાં, સમિતિએ સીરમ ઇસ્ટીટ્યૂટને રસીનાં ક્લિનિકલ ટ્રાયલ માટે સંશોધિત પ્રોટોકોલ બનાવવા કહ્યું. સીરમ ઇન્સ્ટિટ્યૂટ ઓફ ઈન્ડિયાએ કોવિડ-19 માટે ઓક્સફર્ડ રસી બનાવવા માટે AstraZeneca સાથે ભાગીદારી કરી છે.
ઓક્સફર્ડ યુનિવર્સિટીનાં રસીનાં ઉમેદવારે અત્યાર સુધી સારી પ્રગતિ કરી છે. લેન્સેટ મેડિકલ જર્નલે એક અહેવાલમાં પણ જણાવ્યું હતું કે ઓક્સફર્ડ યુનિવર્સિટી જે રસી ઉત્પન્ન કરી રહી છે તેના પરિણામો પ્રોત્સાહક છે અને તે સંપૂર્ણપણે સલામત હોવાનું જણાય છે. થોડા દિવસો પહેલા, ઓક્સફોર્ડ યુનિવર્સિટીએ જાહેરાત કરી હતી કે તેની રસી સંતોષકારક પ્રગતિ કરી છે અને ડઝનેક રસી વિશ્વભરમાં વિકસિત થવાની સાથે આગળ છે. કેટલાક સ્થળોએ, એપ્રિલમાં કોરોના રસીનું હ્યુમન ટ્રાયલ શરૂ થયુ હતુ.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
