Washington News: શુક્રવારે પશ્ચિમ અલાસ્કા(Alaska)માં એક નાનું પેસેન્જર વિમાન ક્રેશ (Plane Crash) થયું હતું અને તેનો કાટમાળ દરિયાઈ બરફના ટુકડા પર મળી આવ્યો હતો. વિમાનમાં સવાર તમામ 10 લોકોના મોત થયા. યુએસ કોસ્ટ ગાર્ડના પ્રવક્તા માઈક સાલેર્નોએ જણાવ્યું હતું કે જ્યારે કાટમાળ દેખાયો ત્યારે બચાવ કાર્યકરો હેલિકોપ્ટર દ્વારા છેલ્લા જાણીતા સ્થાનની શોધ કરી રહ્યા હતા. તપાસ માટે બે બચાવ તરવૈયાઓને નીચે ઉતારવામાં આવ્યા હતા.

બેરિંગ એર સિંગલ-એન્જિન ટર્બોપ્રોપ વિમાને ગુરુવારે બપોરે 2:37 વાગ્યે ઉનાલકલીટથી ઉડાન ભરી હતી અને એક કલાક કરતાં પણ ઓછા સમયમાં તેનો સંપર્ક તૂટી ગયો હતો. તે સમયે તાપમાન માઈનસ 8.3 ડિગ્રી સેલ્સિયસ હતું અને ધુમ્મસ વચ્ચે હળવી બરફવર્ષા થઈ રહી હતી.

આઠ દિવસમાં ત્રીજી વિમાન દુર્ઘટના

છેલ્લા આઠ દિવસમાં અમેરિકામાં આ ત્રીજી વિમાન દુર્ઘટના છે. 29 જાન્યુઆરીના રોજ, દેશની રાજધાની નજીક એક કોમર્શિયલ જેટલાઇનર અને લશ્કરી હેલિકોપ્ટર અથડાયા. આમાં 67 લોકોના મોત થયા હતા. 31 જાન્યુઆરીના રોજ ફિલાડેલ્ફિયામાં એક મેડિકલ ટ્રાન્સપોર્ટ પ્લેન ક્રેશ થયું હતું, જેમાં છ લોકો અને બાદમાં વધુ એક વ્યક્તિનું મોત થયું હતું.

આ પણ વાંચો:દક્ષિણ સુદાનમાં પ્લેન ક્રેશ, 20ના મોત,મૃતકોમાં બે ચીની અને એક ભારતીયનો સમાવેશ  

આ પણ વાંચો:ફિલ્મી ઢબે પ્લેન ક્રેશ! 17000 ફૂટની ઊંચાઈએ વિન્ડસ્ક્રીન તૂટી, 20 મિનિટ સુધી લટકતો રહ્યો પાયલોટ

આ પણ વાંચો:ભારતીય નૌકાદળ માટે બનાવાતું ‘દ્રષ્ટિ ડ્રોન’ પરીક્ષણ દરમિયાન પોરબંદરમાં ક્રેશ