Fierce Fire in Gurugram: ગુરુગ્રામમાં સોમવારે ભીષણ આગ ફાટી નીકળ્યા બાદ સેંકડો પરિવારોએ તેમનો આશ્રય ગુમાવ્યો હતો. સેક્ટર 49ના ઘસૌલા ગામમાં લાગેલી આગમાં 200થી વધુ ઝૂંપડીઓ બળીને ખાખ થઈ ગઈ હતી. આ દરમિયાન ઘણા સિલિન્ડર પણ ફાટ્યા હતા. ડઝનેક લોકો દાઝી ગયા. કડકડતી ઠંડીમાં ઘર આંચકી લેવાના કારણે અને તમામ વસ્તુઓ બળીને રાખ થઈ જવાના કારણે અહીં રહેતા લોકોની હાલત ખરાબ થઈ ગઈ છે.

સોમવારે બપોરે સેક્ટર-49માં ઘસૌલા ગામ પાસે ખાલી જગ્યામાં બનેલી ઝૂંપડપટ્ટીમાં અચાનક આગ ફાટી નીકળી હતી. ઝૂંપડપટ્ટીમાં રાખવામાં આવેલા નાના ગેસ સિલિન્ડરમાં બ્લાસ્ટ થવાને કારણે આગ ઝડપથી વધવા લાગી. થોડી જ વારમાં 200 ઝૂંપડીઓ બળીને રાખ થઈ ગઈ અને સેંકડો પરિવારો બેઘર બની ગયા. ફાયર બ્રિગેડની ટીમે આગ ઓલવવાનો પ્રયાસ શરૂ કર્યો હતો, પરંતુ ત્યાં સુધીમાં 200થી વધુ ઝૂંપડીઓ રાખમાં ફેરવાઈ ગઈ હતી. ઘરને સળગતું જોઈ પરિવારજનોની હાલત કફોડી બની ગઈ હતી અને અનેક લોકોની રોજીરોટી આગમાં બળીને ખાખ થઈ ગઈ હતી. કડકડતી ઠંડીમાં લોકોના ઘરો છીનવાઈ જવાના કારણે પરેશાનીઓનો પહાડ તૂટી પડ્યો છે. આ અકસ્માતમાં લગભગ એક ડઝન લોકો ઘાયલ થયા છે. ઘાયલોને હોસ્પિટલમાં દાખલ કરવામાં આવ્યા હતા.

આ પણ વાંચો: Governor walkout/તમિલનાડુના રાજ્યપાલનું વોકઆઉટઃ સ્ટાલિનના ભાષણને વચ્ચે જ છોડ્યું

આ પણ વાંચો: Health Fact/અતિશય શંકાશીલ હોવું એ પણ માનસિક વિકાર? કેટલાક ભ્રમ જે વ્યક્તિત્વ પર અસર કરે છે

આ પણ વાંચો: Asaduddin Owaisi/2024માં મોદી સામે વિપક્ષમાંથી કોઈ ચહેરો હશે તો ભાજપનો વિજય નિશ્ચિતઃ ઓવૈસી