Health Budget 2026 India: નિર્મલા સીતારમણે વર્ષ 2026-27ના કેન્દ્રીય બજેટમાં આરોગ્ય ક્ષેત્ર માટે તિજોરી ખોલી દીધી છે. આ વખતે સ્વાસ્થ્ય બજેટમાં ગત વર્ષ કરતા 10% નો વધારો કરી કુલ ₹1,06,530.42 કરોડની ફાળવણી કરવામાં આવી છે. આ બજેટનો સીધો ફાયદો સામાન્ય જનતાને કેન્સર જેવી ગંભીર બીમારીઓના સસ્તા ઇલાજ અને નવી મેડિકલ સુવિધાઓ તરીકે મળશે.

Budget 2026: કેન્સરના દર્દીઓ માટે મોટી રાહત

બજેટમાં કેન્સરના દર્દીઓ માટે સૌથી મોટી રાહત આપતી જાહેરાત કરવામાં આવી છે, જે અંતર્ગત કેન્સરની સારવારમાં વપરાતી અત્યંત મહત્વની 17 દવાઓ પરથી બેઝિક કસ્ટમ ડ્યુટી સંપૂર્ણપણે હટાવી દેવામાં આવી છે. આ ઉપરાંત, 7 અન્ય દુર્લભ બીમારીઓની દવાઓ અને સ્પેશિયલ મેડિકલ ફૂડની આયાત પર પણ ટેક્સમાં મોટી છૂટ આપવામાં આવી છે, જેના પરિણામે અત્યાર સુધી થતી અત્યંત મોંઘી સારવાર હવે ઘણી સસ્તી અને સામાન્ય જનતા માટે સુલભ બનશે.

આયુર્વેદ અને પરંપરાગત ચિકિત્સા પર ભાર

ભારતની પ્રાચીન ચિકિત્સા પદ્ધતિને વૈશ્વિક સ્તરે નવી ઊંચાઈઓ પર લઈ જવાના હેતુથી સરકાર દ્વારા દેશમાં ૩ નવી ‘ઓલ ઇન્ડિયા ઇન્સ્ટિટ્યૂટ ઓફ આયુર્વેદ’ ખોલવાની મહત્વની જાહેરાત કરવામાં આવી છે. આ સાથે જ, જામનગરમાં કાર્યરત WHO ના ગ્લોબલ સેન્ટરને વધુ મજબૂત બનાવવામાં આવશે જેથી ભારતીય આયુર્વેદિક ઉત્પાદનોની વૈશ્વિક નિકાસમાં વધારો કરી શકાય. આ ઉપરાંત, સમગ્ર આયુષ ફાર્મસી નેટવર્ક અને ડ્રગ ટેસ્ટિંગ લેબોરેટરીઓને પણ અત્યાધુનિક સુવિધાઓ સાથે અપગ્રેડ કરવામાં આવશે.

NIMHANS-2 અને માનસિક સ્વાસ્થ્ય

માનસિક સ્વાસ્થ્યની વધતી સમસ્યાઓને જોતા સરકારે ઉત્તર ભારતમાં એક નવી રાષ્ટ્રીય માનસિક સ્વાસ્થ્ય સંસ્થા (NIMHANS-2) સ્થાપવાની જાહેરાત કરી છે. ડિજિટલ પ્રોફેશનલ્સ અને કન્ટેન્ટ ક્રિએટર્સના મેન્ટલ હેલ્થ માટે પણ ખાસ પ્લાન તૈયાર કરાયો છે.

મેડિકલ ટૂરિઝમ અને ‘બાયોફાર્મા શક્તિ’

ભારતને દવા ઉત્પાદન અને સારવારના ક્ષેત્રે વિશ્વનું નેતૃત્વ અપાવવા માટે સરકારે મહત્વની જાહેરાત કરી છે, જે અંતર્ગત ખાનગી ક્ષેત્રની ભાગીદારી સાથે દેશમાં 5 મોટા પ્રાદેશિક મેડિકલ હબ તૈયાર કરવામાં આવશે. આ ઉપરાંત, ભારતને ફાર્મા ક્ષેત્રે ‘ગ્લોબલ હબ’ બનાવવા માટે ₹10,000 કરોડની માતબર રકમની યોજના જાહેર કરવામાં આવી છે, જે અંતર્ગત સંશોધન અને વિકાસને વેગ આપવા માટે 3 નવી ‘નાઈપર’ (NIPER) સંસ્થાઓની સ્થાપના કરવામાં આવશે.

રોજગાર અને તાલીમ

સરકારે હેલ્થકેર ક્ષેત્રે રોજગારી અને સેવાનું મોટું લક્ષ્ય રાખ્યું છે, જે અંતર્ગત આગામી 5 વર્ષમાં 1 લાખ એલાઈડ હેલ્થ પ્રોફેશનલ્સ (AHP) ને ખાસ તાલીમ આપીને તૈયાર કરવામાં આવશે. આ ઉપરાંત, વૃદ્ધોની યોગ્ય સંભાળ માટે 1.5 લાખ પ્રોફેશનલ કેરગિવર્સ તૈયાર કરવાની યોજના છે, જેમને યોગ, વેલનેસ અને આધુનિક મેડિકલ સાધનો ચલાવવાની વ્યાપક ટ્રેનિંગ આપવામાં આવશે જેથી વરિષ્ઠ નાગરિકોને ઘરે બેઠા જ ઉત્તમ સેવા મળી શકે.
બજેટમાં કોને શું મળ્યું? (મુખ્ય ફાળવણી)

આ પણ વાંચો: બજેટમાં CNG અને બાયોગેસને વધુ સસ્તા બનાવવા અંગે મહત્વપૂર્ણ જાહેરાત

આ પણ વાંચો: કાપડ ઉદ્યોગને મોટું પ્રોત્સાહન, રાષ્ટ્રીય ફાઇબર યોજના અને હેન્ડલૂમ મિશન

આ પણ વાંચો: ભારત બનશે સુપરફાસ્ટ! દિલ્હી-વારાણસી અને મુંબઈ-પુણે સહિત 7 રૂટ પર હાઈ-સ્પીડ રેલને મંજૂરી