Ahmedabad News: અમદાવાદમાં વધુ એક વખત અસામાજિક તત્વોનો આતંક સામે આવ્યો છે. આ બતાવે છે કે અમદાવાદમાં જાણે કાયદો અને વ્યવસ્થિની સ્થિતિ રહી જ નથી. અમદાવાદ જાણે અસામાજિક તત્વોના હવાલે થઈ ગયુ છે. અમદાવાદમાં અસામાજિક તત્વોએ સરસપુર સ્વિમિંગ પુલમાં મોડી રાત્રે આતંક મચાવ્યો હતો. આ અસામાજિક તત્વો પુલ બંધ થયા પછી સ્વિમિંગ પુલમાં ઘૂસી ગયા હતા. તેઓ આ મ્યુનિસિપાલિટીના સ્વિમિંગ પુલમાં કામ કરતા નાના કર્મચારીઓ અને સિક્યોરિટીથી પણ ડરતા નથી. લુખ્ખા તત્વોના આતંકના લીધે સરસપુરના સ્થાનિક રહેવાસીઓ ડરની લાગણી અનુભવી રહ્યા છે.
અમદાવાદમાં અસામાજિક તત્વોના આતંકની આ ઘટના પહેલી જ નથી અને છેલ્લી પણ નહીં હોય. અગાઉ પણ આવી ઘટના બની ચૂકી છે. આ અગાઉ શહેરના સરદારનગર (Sardarnagar) વિસ્તારમાં માથાભારે તત્વોએ મધરાત્રિએ આતંક મચાવ્યો હોવાની ઘટના સામે આવી છે. હથિયારો સાથે સજ્જ એક ટોળકીએ રહેણાંક સોસાયટીમાં ઘૂસીને એક ઘર પર હુમલો કરતા સમગ્ર વિસ્તારમાં ફફડાટ વ્યાપી ગયો હતો. સરદારનગર વિસ્તારમાં આવેલી એક સોસાયટીમાં મોડી રાત્રે ‘હરેશ ઉર્ફે હારૂ’ અને તેના સાગરીતો (Anti Social Elements)હથિયારો સાથે ત્રાટક્યા હતા. આ માથાભારે ટોળકીએ સોસાયટીમાં જાહેર રોડ પર હથિયારો લહેરાવીને એક પરિવારના ઘર પર હુમલો કર્યો હતો. હુમલાખોરોએ ઘર પર પથ્થરમારો કરી અને હથિયારો વડે તોડફોડ કરવાનો પ્રયાસ કરતા સ્થાનિકોમાં ભય (Fear) નો માહોલ જોવા મળ્યો હતો.
CCTVમાં કેદ થયા હુમલાના જીવંત દ્રશ્યો
આ સમગ્ર ઘટના સોસાયટીમાં લાગેલા CCTV કેમેરામાં કેદ થઈ ગઈ હતી. ફૂટેજમાં સ્પષ્ટપણે જોઈ શકાય છે કે કેવી રીતે હથિયારધારી ટોળું (Anti Social Elements) બેખોફ બનીને હુમલો કરી રહ્યું છે. આ વિડીયો સોશિયલ મીડિયામાં વાયરલ થતા પોલીસની કામગીરી પર પણ સવાલો ઉઠી રહ્યા છે. આ તત્વો વર્ષોથી પરેશાન કરતા હોવાનો આરોપ ભોગ બનનાર પરિવારે આક્ષેપ (Allegation) કર્યો છે.
કુટુંબનો આક્ષેપ છે કે હરેશ ઉર્ફે હારૂ અને તેની ટોળકી છેલ્લા એક વર્ષથી તેઓને સતત પરેશાન કરી રહી છે. અગાઉ પણ આ ટોળકી વિરુદ્ધ અનેક ફરિયાદો થયેલી છે, તેમ છતાં તેઓ બેખોફ બનીને ફરી રહ્યા છે. સ્થાનિકોમાં ચર્ચા છે કે આ ટોળકી આસપાસના વિસ્તારમાં પણ પોતાની ધાક જમાવવા માટે આવી અસામાજિક પ્રવૃત્તિઓ (Anti Social Activities) કરતી રહે છે.
પોલીસ કાર્યવાહી
ઘટનાની ગંભીરતાને ધ્યાને લઈને સરદારનગર પોલીસે મોડી રાત્રે જ ગુનો દાખલ કર્યો છે. પોલીસે હરેશ ઉર્ફે હારૂ અને તેના સાગરીતો વિરુદ્ધ રાયોટિંગ અને હુમલાની કલમો હેઠળ ફરિયાદ નોંધી છે. CCTV ફૂટેજના આધારે હુમલાખોરોની ઓળખ કરીને તેઓની ધરપકડ કરવાના ચક્રો ગતિમાન કર્યા છે. પોલીસે સોસાયટીમાં ચુસ્ત બંદોબસ્ત ગોઠવીને અન્ય આરોપીઓને પકડવા માટે અલગ-અલગ ટીમો બનાવી છે. શહેરમાં વધતી જતી આવી ઘટનાઓને પગલે પોલીસ કમિશનર દ્વારા માથાભારે તત્વો સામે ‘પાસા’ (PASA) સહિતની કડક કાર્યવાહી કરવામાં આવે તેવી માંગ ઉઠી છે.
આ પણ વાંચો: અમદાવાદના વસ્ત્રાલમાં અસામાજિક તત્વોનો આતંક: ભજન કરતી મહિલાઓ પર હુમલો…
આ પણ વાંચો: અમદાવાદમાં અસામાજિક તત્વોનો આતંક, ખંડણીને લઇને 15થી વધુ લોકોએ વેપારીને માર્યો માર
આ પણ વાંચો: અમદાવાદના જુહાપુરામાં અસામાજિક તત્વોનો આતંક
