New Delhi: ભારતમાં બદલાતી સામાજિક પરિસ્થિતિઓ અને કૌટુંબિક સંબંધોમાં વધતા તણાવ વચ્ચે એક ચિંતાજનક ટ્રેન્ડ સામે આવ્યો છે. નેશનલ ક્રાઇમ રેકોર્ડ્સ બ્યુરો (NCRB)ના તાજેતરના આંકડાઓ મુજબ લગ્નજીવનમાં અણબનાવ, પતિ-પત્ની વચ્ચેના વિવાદો અને સંબંધોની જટિલતાઓને કારણે આત્મહત્યા (Married Men Suicide) કરનારા પરિણીત પુરુષોની સંખ્યા છેલ્લા દાયકામાં નોંધપાત્ર રીતે વધી છે.

Married Men Suicide: 10 વર્ષમાં 82%નો વધારો

આંકડાઓ મુજબ વર્ષ 2015માં લગ્ન સંબંધિત વિવાદોના કારણે આશરે 2,497 પુરુષોએ આત્મહત્યા (Married Men Suicide) કરી હતી. વર્ષ 2024-25 દરમિયાન આ આંકડો વધીને 4,536 સુધી પહોંચી ગયો છે. એટલે કે છેલ્લા દાયકામાં આવા કેસોમાં અંદાજે 82 ટકા જેટલો વધારો નોંધાયો છે.વિશેષજ્ઞોના મતે આ પરિસ્થિતિ પુરુષોના માનસિક સ્વાસ્થ્ય, કૌટુંબિક દબાણ અને સામાજિક અપેક્ષાઓને લઈને ગંભીર ચર્ચાની માંગ કરે છે.

વર્ષ 2022 પછી બદલાયો ટ્રેન્ડ

અગાઉ લગ્ન સંબંધિત આત્મહત્યા (Married Men Suicide)ના કેસોમાં મહિલાઓનું પ્રમાણ વધુ હતું. જોકે વર્ષ 2022 પછી પરિસ્થિતિમાં મોટો ફેરફાર જોવા મળ્યો છે. હવે લગ્નજીવનના કલેશના કારણે મહિલાઓ કરતાં પુરુષો વધુ આત્મહત્યા કરી રહ્યા હોવાનું આંકડાઓ દર્શાવે છે.વર્ષ 2024 દરમિયાન આવા કારણોસર કુલ 8,524 લોકોના આત્મહત્યાના કેસ નોંધાયા હતા. જેમાંથી 4,536 પુરુષો અને 3,986 મહિલાઓનો સમાવેશ થાય છે.

ઉંમર પ્રમાણે અલગ ચિત્ર

અહેવાલ મુજબ 18થી 30 વર્ષની વયજૂથમાં મહિલાઓના આત્મહત્યાના કેસ વધુ જોવા મળે છે. જ્યારે પુરુષોમાં 30 વર્ષથી વધુ ઉંમરના લોકોમાં આ પ્રમાણ વધારે છે.આત્મહત્યા કરનારા પુરુષોમાંથી આશરે 40 ટકા લોકો 30થી 45 વર્ષની વયજૂથના હોવાનું જાણવા મળ્યું છે.

રોજ સરેરાશ 24 લોકો ગુમાવે છે જીવ

આંકડાઓ અનુસાર લગ્નજીવન અથવા પતિ-પત્ની વચ્ચેના વિવાદોને કારણે દેશમાં દરરોજ સરેરાશ 23થી 24 લોકો આત્મહત્યા કરે છે. તેમાં પુરુષો અને મહિલાઓ બંનેનો સમાવેશ થાય છે.વર્ષ 2019થી 2024 વચ્ચે આવા કેસોની કુલ સંખ્યા 24 હજારથી વધુ નોંધાઈ છે.

મુખ્ય કારણો શું?

નિષ્ણાતોના મતે લગ્નજીવનમાં વધતા તણાવ પાછળ અનેક પરિબળો જવાબદાર છે. તેમાં સંબંધોમાં અણબનાવ, વિશ્વાસનો અભાવ, લગ્નેતર સંબંધો, છૂટાછેડાની પ્રક્રિયા, આર્થિક દબાણ અને પરિવારની અપેક્ષાઓ જેવા મુદ્દાઓ મહત્વપૂર્ણ માનવામાં આવે છે.વર્ષ 2024 દરમિયાન નોંધાયેલા હજારો કેસોમાં પતિ-પત્ની વચ્ચે સામંજસ્ય ન બેસવું સૌથી મોટું કારણ તરીકે સામે આવ્યું છે.

કયા રાજ્યમાં વધુ કેસ?

રાજ્યવાર આંકડાઓમાં ઉત્તર પ્રદેશ સૌથી આગળ રહ્યું છે. અહીં લગ્નજીવનના વિવાદોને કારણે સૌથી વધુ આત્મહત્યા (Married Men Suicide)ના કેસ નોંધાયા છે. ત્યારબાદ મહારાષ્ટ્ર બીજા ક્રમે છે.નિષ્ણાતો માને છે કે માનસિક સ્વાસ્થ્ય અંગે જાગૃતિ, પરિવાર કાઉન્સેલિંગ અને સંબંધોમાં સંવાદ વધારવાથી આવા બનાવો ઘટાડવામાં મદદ મળી શકે છે.

આ પણ વાંચો:ગાંધીનગરના ધણપમાં પ્રેમકહાનીનો લોહિયાળ અંત: પ્રેમીએ પ્રેમિકાનું ગળું કાપ્યું, પછી પોતે પણ આત્મહત્યાનો પ્રયાસ કર્યો

આ પણ વાંચો:ગુજરાતમાં આત્મહત્યાના વધતા કેસો ચિંતાજનક, એક વર્ષમાં 8984 લોકોએ જીવન ટૂંકાવ્યું

આ પણ વાંચો:ગાંધીનગરના ચિલોડા ગામમાં પ્રેમી યુગલની આત્મહત્યા, ઝાડ પર લટકતા મળ્યા મૃતદેહ