Entertainment News: Mika Singh Daler Mehndi દલેર મહેંદીને ઉત્તરાખંડના એક સાંસ્કૃતિક કાર્યક્રમમાં જાહેરમાં ફટકારવાના મામલે વિવાદ સતત વધી રહ્યો છે. હવે દલેર મહેંદીના ભાઈ અને જાણીતા ગાયક મીકા સિંહે ઉત્તરાખંડના કેબિનેટ મંત્રી સુબોધ ઉનિયાલને સીધા સવાલ કર્યા છે. મીકા સિંહે મંત્રીના ₹35 લાખના પેમેન્ટના દાવા પર પુરાવો માંગ્યો છે. તેમણે સવાલ કર્યો છે કે દલેર મહેંદીને આ રકમ કેશમાં આપવામાં આવી હતી કે પછી ચેક દ્વારા ચુકવણી કરવામાં આવી હતી.

મીકા સિંહે માત્ર પેમેન્ટને લઈને જ સવાલ નથી ઉઠાવ્યો, પરંતુ દલેર મહેંદી પર કાર્યક્રમ દરમિયાન દારૂ પીધેલા હોવાના આરોપોને પણ નકારી કાઢ્યા છે. મીકા સિંહે આ આરોપોને ખોટા ગણાવીને મંત્રી પાસે માફીની માંગ કરી છે. આ કારણે દલેર મહેંદી સાથે જોડાયેલો વિવાદ હવે વધુ ઉગ્ર બન્યો છે.

મીકા સિંહે ₹35 લાખના પેમેન્ટનો પુરાવો માંગ્યો

મીકા સિંહે સોશિયલ મીડિયા પ્લેટફોર્મ X પર પોતાનો પક્ષ રજૂ કર્યો છે. તેમણે સુબોધ ઉનિયાલને સવાલ કર્યો કે જો દલેર મહેંદીને કાર્યક્રમમાં પરફોર્મ કરવા માટે ₹35 લાખ આપવામાં આવ્યા હતા, તો તેની ચુકવણીનો પુરાવો જાહેર કરવામાં આવે.

મીકા સિંહે ખાસ કરીને પૂછ્યું કે આ રકમ રોકડમાં આપવામાં આવી હતી કે ચેકથી ચૂકવવામાં આવી હતી. જો પેમેન્ટ ખરેખર કરવામાં આવ્યું હોય તો તેની રસીદ, ચેક અથવા અન્ય કોઈ સત્તાવાર રેકોર્ડ જાહેર કરવા જોઈએ, જેથી આ મામલે લોકો સમક્ષ હકીકત સ્પષ્ટ થઈ શકે.

Mika Singh Daler Mehndi વિવાદમાં મીકા સિંહનું આ નિવેદન એવા સમયે આવ્યું છે જ્યારે મનોરંજન જગતની અનેક હસ્તીઓ દલેર મહેંદીના સમર્થનમાં સામે આવી છે. મીકા સિંહ અગાઉ પણ પોતાના ભાઈનો બચાવ કરી ચૂક્યા છે.

Sat Sri Akal, everyone! 🙏❤️ Thank you so much to all the singers from Bollywood to Punjab, fans, friends, family, and well-wishers for your love and support.

My point is simple: Daler Mehndi ji does not drink alcohol, and making such allegations against him is completely wrong.

आज अगर कोई टीचर स्कूल या कॉलेज में किसी बच्चे को डांटता है, तो भी बड़ा मुद्दा बन जाता है। फिर एक इतने बड़े कलाकार को मंच पर सबके सामने इस तरह डांटना और अपमानित करना कहाँ तक सही है?

I believe an apology is due. The person responsible should acknowledge that the allegations about Daler Mehndi ji drinking alcohol were wrong and apologise for the way he was treated.
Cabinet minister @SubodhUniyal1

Thank you, everyone, for standing with Daler Mehndi ji. ❤️🙏

— King Mika Singh (@MikaSingh) October 21, 2026

‘દલેર મહેંદી દારૂ પીતા નથી’

મીકા સિંહે દલેર મહેંદી પર લગાવવામાં આવેલા દારૂના આરોપોને પણ સખત રીતે નકારી કાઢ્યા છે. તેમણે કહ્યું કે તેમના ભાઈ દારૂનું સેવન કરતા નથી. મીકા સિંહે આ પ્રકારના આરોપોને દલેર મહેંદીની પ્રતિષ્ઠા સાથે જોડીને તેને ગંભીર બાબત ગણાવી છે.

મીકા સિંહના જણાવ્યા પ્રમાણે દલેર મહેંદી તાજેતરમાં મોટી સર્જરીમાંથી પસાર થયા હતા અને તેમની તબિયત પણ સંપૂર્ણ રીતે ઠીક નહોતી. તેમ છતાં તેમણે કાર્યક્રમમાં હાજરી આપી અને પોતાની રજૂઆત કરી હતી.

મીકા સિંહે કહ્યું કે કોઈ કલાકાર વિશે જાહેર મંચ પર ગંભીર આરોપ લગાવતા પહેલાં તેની સ્થિતિ અને સમગ્ર પરિસ્થિતિને સમજવી જરૂરી છે. તેમણે દલેર મહેંદીના સમર્થનમાં ઉભા રહેલા કલાકારો, મિત્રો, પરિવારજનો અને ચાહકોનો પણ આભાર માન્યો છે.

નવારાત્રીના કાર્યક્રમમાં શરૂ થયો હતો વિવાદ

આ સમગ્ર મામલો ઉત્તરાખંડના ટિહરી જિલ્લામાં યોજાયેલા કુંજાપુરી મેળા દરમિયાન શરૂ થયો હતો. નવારાત્રીના અવસર પર આયોજિત સાંસ્કૃતિક કાર્યક્રમમાં દલેર મહેંદી પરફોર્મ કરી રહ્યા હતા. આ વિવાદ હવે( Subodh Uniyal Daler Mehndi )મામલા તરીકે પણ ચર્ચામાં આવ્યો છે.

આ દરમિયાન ઉત્તરાખંડના કેબિનેટ મંત્રી સુબોધ ઉનિયાલ સ્ટેજ પર પહોંચ્યા હતા. તેમણે દલેર મહેંદીના પરફોર્મન્સ અંગે જાહેરમાં નારાજગી વ્યક્ત કરી હતી. મંત્રીએ દાવો કર્યો હતો કે દલેર મહેંદી સ્ટેજ પર અસહજ અને અસંતુલિત દેખાઈ રહ્યા હતા.

મંત્રીએ દલેર મહેંદી પર દારૂ પીધા બાદ કાર્યક્રમમાં આવવાનો આરોપ પણ લગાવ્યો હતો. તેમનું કહેવું હતું કે નવારાત્રી અને માતા દુર્ગા સાથે જોડાયેલા કાર્યક્રમમાં આવી રજૂઆત યોગ્ય નથી.

મંત્રીએ એમ પણ કહ્યું હતું કે દલેર મહેંદીને દર્શકોના મનોરંજન માટે બોલાવવામાં આવ્યા હતા અને તેમની પાસેથી વધુ સારી રજૂઆતની અપેક્ષા હતી.

સોશિયલ મીડિયા પર વીડિયો વાયરલ થતાં વિવાદ વધ્યો

સ્ટેજ પર બનેલી આ ઘટનાનો વીડિયો સોશિયલ મીડિયા પર ઝડપથી વાયરલ થયો હતો. વીડિયો સામે આવ્યા બાદ દલેર મહેંદીના ચાહકોમાં નારાજગી જોવા મળી હતી. મનોરંજન જગતની કેટલીક હસ્તીઓ પણ ગાયકના સમર્થનમાં સામે આવી હતી. (Daler Mehndi Controversy )હવે સોશિયલ મીડિયા પર પણ ચર્ચાનો મોટો વિષય બની છે.

અભિનેતા રાજપાલ યાદવ સહિત કેટલાક કલાકારોએ દલેર મહેંદી સાથે થયેલા વર્તન અંગે સવાલ ઉઠાવ્યા હતા. કલાકાર સાથે જાહેર મંચ પર આ પ્રકારનું વર્તન કરવું યોગ્ય છે કે નહીં, તેને લઈને સોશિયલ મીડિયા પર પણ ચર્ચા થઈ હતી.

આ મામલે દલેર મહેંદીના સમર્થનમાં વાત કરનારાઓનું કહેવું છે કે કલાકારના પરફોર્મન્સ અંગે અસહમતિ હોય તો પણ તેની વાત ખાનગી અને સન્માનજનક રીતે કરી શકાય છે.

સુબોધ ઉનિયાલે ₹35 લાખ અંગે શું કહ્યું?

વિવાદ વધ્યા બાદ સુબોધ ઉનિયાલે સમાચાર એજન્સી ANI સાથે વાતચીતમાં પોતાનો પક્ષ રજૂ કર્યો હતો. તેમણે દલેર મહેંદીને મોટા કલાકાર ગણાવ્યા હતા, પરંતુ તેમની પાસેથી વધુ સારી રજૂઆતની અપેક્ષા હોવાનું કહ્યું હતું.

મંત્રીએ દાવો કર્યો હતો કે કાર્યક્રમ માટે દલેર મહેંદીને ₹35 લાખ આપવાની ઓફર કરવામાં આવી હતી. આ જ દાવા બાદ હવે મીકા સિંહે પેમેન્ટનો પુરાવો માંગ્યો છે.

મીકા સિંહનો સવાલ છે કે જો ₹35 લાખની ચુકવણી અથવા ઓફર કરવામાં આવી હતી તો તેની સત્તાવાર વિગતો સામે કેમ ન મૂકવામાં આવે. તેમણે પેમેન્ટ કેશમાં થયું હતું કે ચેકથી, તેની પણ સ્પષ્ટતા માંગવામાં આવી છે.

હવે પુરાવા અને સ્પષ્ટતા પર નજર

Mika Singh Daler Mehndi વિવાદ હવે માત્ર એક કાર્યક્રમમાં થયેલી બોલાચાલી કે પરફોર્મન્સની ટીકા સુધી સીમિત રહ્યો નથી. મામલો હવે ₹35 લાખના પેમેન્ટ, દલેર મહેંદી પર લગાવવામાં આવેલા દારૂના આરોપો અને જાહેર મંચ પર કલાકાર સાથે કરવામાં આવેલા વર્તન સુધી પહોંચી ગયો છે.

એક તરફ સુબોધ ઉનિયાલે દલેર મહેંદીના પરફોર્મન્સ અને ₹35 લાખના પેમેન્ટ અંગે પોતાનો પક્ષ રજૂ કર્યો છે, તો બીજી તરફ મીકા સિંહે આ દાવાઓના પુરાવા માંગ્યા છે. હવે મંત્રી તરફથી પેમેન્ટ સંબંધિત કોઈ દસ્તાવેજ કે સ્પષ્ટતા સામે આવે છે કે નહીં, તેના પર સૌની નજર રહેશે.

આ પણ વાંચો:મિકા સિંહનું પાકિસ્તાની મુસ્લિમો પર મોટું નિવેદન, કહ્યું- ‘નફરત કેમ?’

આ પણ વાંચો:દલેર મહેંદીના સમર્થનમાં FWICE, PM મોદીને કરી મોટી અપીલ

આ પણ વાંચો:ચીન-પાકિસ્તાનની વધતી સૈન્ય ભાગીદારીથી ભારત સામે નવો પડકાર, પૂર્વ એર માર્શલનો મોટો દાવો